<p><span style="color: #000000;"><strong>(ភ្នំពេញ)៖</strong> លោក ឡេង ណាវ៉ាត់ត្រា ចាងហ្វាងផលិតកម្ម ហ្គាឡាក់ស៊ី ណារ៉ាត្រាអ៉ិនវេសមិន និងជាផលិតករ រឿង «កំពូលល្ងង់នៅអាស៊ី» បានប្រកាសមិនយកលុយពីកម្មករ-កម្មការិនីរោងចក្រ ចំនួន ២០០នាក់ សម្រាប់ការចូលទស្សនារឿងនេះ នៅគ្រប់រោងភាពយន្តក្នុងរាជធានីភ្នំពេញ។</span></p>
<p><span style="color: #000000;">ការប្រកាសរបស់ចាងហ្វាងផលិតកម្មនេះ បានធ្វើឡើង នៅក្នុងពិធីសន្និសីទសារព័ត៌មានមួយ នៅថ្ងៃទី០៨ ខែធ្នូ ឆ្នាំ២០១៦ នៅរោងភាពយន្តរបស់ក្រុមហ៊ុន Westec Media Limited នៅផ្សារស៊ីធីម៉ល។ នៅក្នុងព្រឹត្តិការណ៍ប្រកាសបើកសម្ពោធនេះ ក៏មានការចូលរួមពី លោក ទូច ឧត្តម ជាអ្នកដឹកនាំរឿងមកពីផលិតកម្ម អារម្មណ៍ហ្វីម, លោក ស៊ុំ ស៊ីថែន អ្នកចាត់ការទូទៅនៃក្រុមហ៊ុន ពូព្រហ្មអេនធើធេនម៉ិន។</span></p>
<p><span style="color: #000000;">លោក ឡេង ណាវ៉ាត់ត្រា ដែលធ្លាប់ក្លាយជាពលករធ្វើការ នៅប្រទេសកូរ៉េរូបនេះ បានឲ្យដឹងទៀតថា «ផលិតកម្មយើងផលិតរឿង កំពូលល្ងង់នៅអាស៊ី ជាលក្ខណៈខ្សែភាពយន្តកំប្លែងបែបទំនើប ដោយមានវត្តមានតារាល្បីរបស់យើង គឺនាយ ពាក់មី និងនាយ គ្រឿន ដោយជឿជាក់ថា នឹងត្រូវចិត្តយុវជនខ្មែរយើង។ ដោយចង់តបស្នង និងការចូលរួមមើលយ៉ាងច្រើន នៅលើទំព័រ Facebook លោកសម្រេចចិត្តមិនយកលុយពីកម្មកររោងចក្រ ចំនួន២០០នាក់ សម្រាប់ការទស្សនារឿងនេះ នៅគ្រប់រោងភាពយន្តទំនើប ទាំងអស់ក្នុងរាជធានីភ្នំពេញ។ សម្រាប់លក្ខខណ្ឌដើម្បីឲ្យកម្មករ-កម្មការិនី បានចូលទស្សនា គឺងាយស្រួលបំផុត គ្រាន់តែពួកគាត់បង្ហាញកាតរោងចក្រ ឲ្យក្រុមការងារបានឃើញ នោះក្រុមការងារនឹងចាត់ចែងឲ្យពួកគាត់ចូលទស្សនាភ្លាម»។</span></p>
<p><span style="color: #000000;">ចំពោះមូលហេតុដែលលោក ឡេង ណាវ៉ាត់ត្រា មានបំណងចង់ឲ្យកម្មករ-កម្មការិនី ចូលមើលរឿងរបស់លោក នៅពេលនេះ គឺដើម្បីចង់ឲ្យពួកគាត់ស្គាល់រោងភាពយន្តទំនើប ហើយកុំគិតថា រោងភាពយន្តទំនើប គឺពុំអាចស័ក្តិសមនឹងសមត្ថភាព របស់ពួកគាត់ជាកម្មករ ចូលទស្សនានោះទេ ប៉ុន្តែពុំដូច្នោះឡើយ គឺពួកគាត់ក៏មានលទ្ធភាព ក្នុងការចូលទស្សនារឿងជាច្រើន បានដូចគេដូចឯងដែរ។</span></p>
<p><span style="color: #000000;">ចំណែក លោក ស៊ុំ ស៊ីថែន អ្នកចាត់ការទូទៅនៃក្រុមហ៊ុន «ពូព្រហ្មអេនធើធេនម៉ិន» ដែលជាក្រុមហ៊ុនចែកចាយភាពយន្តទាំងក្នុងស្រុក និងក្រៅស្រុក បានលើកឡើងថា «យើងខ្ញុំទទួលចែកចាយរឿង កំពូលល្ងង់នៅអាស៊ី ដោយសារឃើញថា ជាសាច់រឿងកំប្លែងថ្មីប្លែក បូកផ្សំជាមួយឈុតកំសត់ខ្លះៗ ដែលតារាកំប្លែងទាំង២ដួងកម្រដើរតួ ហើយ បច្ចេកទេសថត និងការកាត់តមានលក្ខណៈពិសេស ប្លែកពីរឿងកំប្លែងខ្មែរផ្សេងៗ»។</span></p>
<p><span style="color: #000000;">ខ្សែភាពយន្តរឿង «កំពូលល្ងង់នៅអាស៊ី» ដែលជាប្រភេទខ្សែភាពយន្ត កំប្លែងផង និងកំសត់ផង ត្រូវបានគេនិយាយ និងចែករំលែកតៗគ្នា ពេញបណ្តាញសង្គម Facebook ក្នុងរយៈពេលចុងក្រោយនេះ។</span></p>
<p><span style="color: #000000;">ពិធីបើកសម្ពោធចាក់បញ្ចាំងរឿង «កំពូលល្ងង់នៅអាស៊ី» នឹងធ្វើឡើងនៅថ្ងៃទី១៤ ខែធ្នូ ឆ្នាំ២០១៦នេះ នៅរោងភាពយន្ត Major Cineplex By Cellcard ហើយនឹងត្រូវចាក់បញ្ចាំង ជាផ្លូវការ ចាប់ពីថ្ងៃទី១៥ ខែធ្នូ ឆ្នាំ២០១៦ នៅបណ្ដារោងភាពយន្តទំនើបទាំងអស់ក្នុងរាជធានីភ្នំពេញ និងខេត្តសៀមរាប៕<span style="font-size: 12px;"> </span></span></p>
<p><a class="thickbox" title="" href="/FileManager/Commons/2016/12/9/15-09-12-2016--09-23-57.jpg"><img src="/FileManager/Articles/mce/2016/12/9/15-09-12-2016--09-23-57.jpg" alt="" /></a></p>
<p><span style="color: #000000;"><img src="http://image.freshnewsasia.com/2016/fn-2016-12-08-17-46-44-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-12-08-17-46-50-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-12-08-17-46-50-1.jpg" alt="" width="730" /></span></p>
<p><object width="480" height="380" data="http://www.youtube.com/v/mZ3ZJZp3_B8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/mZ3ZJZp3_B8&rel=1" /></object></p>