<p><span style="font-size: 12px;">ថ្មីៗនេះ តាមរយៈការសិក្សាស្រាវជ្រាវអស់ពេលជាង ២ ឆ្នាំ របស់សកលវិទ្យាល័យ University of Sydney រួមជាមួយនិងឯកសារ Data61 របស់ CSIRO បានបង្ហាញថា កម្មវិធី (Apps) ដែលកំពុងមានវត្តមាននៅលើ Google Playstore ប្រមាណជាង 2040 apps គឺពុំមានសុវត្តិភាពដល់អ្នក Download យកមកប្រើប្រាស់នោះទេ។ កម្មវិធីទាំងនោះ មានភ្ជាប់មកជាមួយ មេរោគបច្ចេកវិទ្យាប្រភេទ Malware ហើយមានខ្លះទៀត ត្រូវការដឹងពី ពត៌មានផ្ទាល់ខ្លួនរបស់អ្នកប្រើប្រាស់ច្រើនហួសហេតុ ។</span></p>
<p><span style="font-size: 12px;"><a class="thickbox" title="" href="/FileManager/Commons/2019/6/25/1122331112-25-06-2019--13-51-02.jpg"><img src="/FileManager/Articles/mce/2019/6/25/1122331112-25-06-2019--13-51-02.jpg" alt="" /></a><br /></span></p>
<p>ការសិក្សាស្រាវជ្រាវក៏បង្ហាញទៀតថា កម្មវិធីជិត 1000000 apps គឺជា ប្រភេទកម្មវិធី ក្លែងក្លាយ (fake apps) ប៉ុន្តែពុំមាន ភ្ជាប់ មេរោគ Malware នោះទេ តែបែជាចង់ដឹងពី ពត៌មានផ្ទាល់ខ្លួនរបស់អ្នកប្រើប្រាស់យ៉ាងច្រើន ដែលនេះគឺមិនត្រឹមត្រូវនោះឡើយ។ កម្មវិធីទាំងនោះមានដូចជា Hill Climb Racing និង Temple Run ជាដើម។</p>
<p>ចំណែក ឯ Google វិញបានអោយដឹងថា ចំនួនកម្មវិធីដែលត្រូវបានបដិសេធ ដាក់បញ្ជូលទៅក្នុង Google Playstore បានកើនឡើងដល់ 55% និងចំនួន កម្មវិធីដែលត្រូវផ្អាកដំណើរការក៏កើនដល់ 66% ផងដែរ កាលពីឆ្នាំមុន៕</p>
<p> </p>
<p>ប្រភពពី៖ GSMarena</p>
<p> </p>