<p><span style="color: #000000;"><strong>(ភ្នំពេញ)៖</strong> ខណៈពេលដែលចំណងស្នេហ៍អ្នកសិល្បៈ អ្នកនាង ខាត់ សុឃីម និងស្វាមីលោក សុផាណូ កាន់តែបង្ហាញពីការស្រឡាញ់យល់ ចិត្តគ្នាំខ្លាំងនោះ បានធ្វើឲ្យមហាជនអ្នកគាំទ្រជាច្រើន សរសើរ និងឲ្យតម្លៃថា អ្នកទាំងពីរជាគូស្នេហ៍ដែលផ្អែមល្ហែម ចេះយល់ចិត្តថ្នាក់ថ្នមគ្នា គួឲ្យស្ងប់ស្ញែង ហើយក៏ជាគូស្នេហ៍គំរូផងដែរ ។</span></p>
<p><span style="color: #000000;">បើតាមការកត់សម្គាល់ ទោះបីជាស្វាមីលោក សុផាណូ មានវ័យក្មេងជាងអ្នកនាង ខាត់ សុឃីម បន្តិចក៏ពិតមែន តែចំណងស្នេហ៍ផ្អែមល្ហែម និងការគោរពសិទ្ធិគ្នាជាប្តីប្រពន្ធរវាងពួកគេទាំងពីរនាក់ នៅតែមាន និងរក្សាបានយ៉ាងល្អ។ ជាមួយគ្នានេះជារឿងៗគេសង្កេតឃើញ លោក សុផាណូ ក៏បានបំពេញតួនាទីជាស្វាមីល្អរហូតធ្វើឲ្យអ្នកនាង ខាត់ សុឃីម រំភើបចិត្តខ្លាំងញញឹមបិទមាត់សឹងមិនជិតទៀតផង។</span></p>
<p><span style="color: #000000;">ស្របពេលគ្នានេះដែរ នៅលើបណ្តាញសង្គមហ្វេសប៊ុករបស់តារាស្រីពហុជំនាញអ្នកនាង ខាត់ សុឃីម ថ្មីៗនេះបានសរសេរបញ្ជាក់ ប្រាប់មហាជនជាសាធារណៈថា ទោះបីជាស្វាមីរបស់ខ្លួនគ្មានលុយ ក៏នាងនៅតែស្រលាញ់ ហើយនាងគឺជាមនុស្សស្រីមានសំណាងបំផុត ដែលមានស្វាមីល្អដូចលោក សុផាណូ។</span></p>
<p><span style="color: #000000;">តារាស្រីអ្នកត្រកូលខាត់រូបនេះបានបន្តថា តាកាពីងរបស់ខ្ញុំ (លោក សុផាណូ) សួរខ្ញុំថា បើបងមិនមានលុយច្រើនទិញរបស់ថ្លៃៗ ឲ្យអូន តើអូនតូចអត់ចិត្តទេ? អូនឃីមឆ្លើយ ក្នុងនាមកូនតាខាត់ ហើយជាប្រពន្ធរបស់ អ៊ិន សុបញ្ញា ជាម៉ាក់អូនស្កាយ និងអូនស្អាត ថាក្នុងនាមជាស្រីម្នាក់ ដែលជួបការលំបាកច្រើន ហើយលុយពិតជាពិបាករកណាស់ ហើយយរកដោយកម្លាំង ដូចពួកយើងទៀតកាន់តែពិបាក ចង់ប្រាប់ប្តីថា អូនជាមនុស្សស្រីដែលសំណាងជាងគេហើយ ដែលបានបងជាប្តី មិនបាច់មានលុយទិញរបស់ថ្លៃឲ្យអូនទេ ព្រោះបងមានទឹកចិត្តតែប៉ុណ្ណឹងគឺលើសពីមាសប្រាក់ទៅទៀតហើយ។</span></p>
<p><span style="color: #000000;">អ្នកនាង ខាត់ សុឃីម បាននិយាយបន្តទៀតថា ប្តីប្រឹងតាំងតែមានសក់ ឥឡូវអស់សក់ហើយ បើអ្នកណាថាអីក៏ថាទៅ បើយើងប្រឹងប៉ុណ្ណឹងហើយនៅតែក្រទៀតគឺគេចាមកឲ្យយើងប៉ុណ្ណឹងកុំតូចចិត្ត អូនស្រលាញ់គោរពប្តី។</span></p>
<p><span style="color: #000000;">សូមបញ្ជាក់ថា សម្ព័ន្ធភាពស្នេហារបស់តារាស្រីពហុជំនាញអ្នកនាង ខាត់ សុឃីម និងស្វាមីលោក សុផាណូ មុនពេលឈានដល់ការសម្រចចិត្តរៀបអាពាហ៍ពិពាហ៍ប្រកាសបើកចំហជាផ្លូវការបង្ហាញមហាជនសាធារណៈប្តី-ប្រពន្ធអ្នកទាំងពីរ បានប្រើពេលវេលាស្វែងយល់មើលចិត្តពីគ្នាជាច្រើនឆ្នាំ ទើបសម្រេចចិត្តចូលជ័យកាលពីថ្ងៃទី១២ ខែធ្នូ ឆ្នាំ២០១២ នារាជធានីភ្នំពេញ ដែលមានភ្ញៀវចូលរួមយ៉ាងច្រើនកុះករ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/27/1-27-2016-2-19-35-pm-27-01-2016--14-28-12.png"><span style="color: #000000;"><img src="/FileManager/Articles/mce/2016/1/27/1-27-2016-2-19-35-pm-27-01-2016--14-28-12.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/27/1-27-2016-2-19-54-pm-27-01-2016--14-28-22.png"><span style="color: #000000;"><img src="/FileManager/Articles/mce/2016/1/27/1-27-2016-2-19-54-pm-27-01-2016--14-28-22.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>