<p><strong>ភ្នំពេញៈ</strong> អ្នកនាង ស្រេង សុកាន់ដា ហៅ ខ្ញុង តារាកំប្លែងល្បីឈ្មោះ សម្បូរវោហា ក្នុងក្រុមកំប្លែង នាយ ពែកមី បានរៀបចំពិធីឡើង គេហដ្ឋានថ្មី របស់នាង នៅក្នុងបុរីពិភពថ្មី ញញឹមរីកមុខ ដូចគ្រាប់ជី ព្រោះតែការរំភើបចិត្ត ពេលក្តីស្រមៃ បានក្លាយជាការពិត។</p>
<p>តារាកំប្លែងសម្បូរវោហារ អ្នកមេម៉ាយកូនមួយ អ្នកនាង ខ្ញុង បានរៀបចំពិធីឡើង គេហដ្ឋានថ្មី កាលពីរាត្រីថ្ងៃទី២១ ខែមេសា ឆ្នាំ២០១៤ (យប់មិញនេះ) ក្នុងបុរីពិភពថ្មី ផ្ទះលេខ១៦ ផ្លូវលេខ ១៥ ភូមិបឹងឈូក សង្កាត់ឫស្សីកែវ ខណ្ឌឫស្សីកែវ ក្បែរស្ថានីយទូរទស្សន៍ ស៊ីធីអិន ដោយគេហដ្ឋានថ្មីនេះ គឺជាកាដូដែល នាងទទួលបាន ពីបងស្រីធម៌ ជាម្ចាស់ហាង សម្អាងការសុខគាបូតា។</p>
<p>អ្នកនាង ខ្ញុង ធ្លាប់ប្រាប់ LookingTODAY ឲ្យដឹងថា នៅក្នុងពិធីឡើងគេហដ្ឋានថ្មីនេះ នាងរៀបចំ តែ១៥ទៅ២០តុ តែប៉ុណ្ណោះ មិនសូវអញ្ជើញភ្ញៀវ អ្នកសិល្បៈ ចូលរួមច្រើនទេ ដោយសារតែនាង មានការខ្លាចរអាចិត្ត គេមិនសូវហ៊ានរំខាន។ ពេលដល់ថ្ងៃស្រាប់តែភ្ញៀវច្រើន ទាំងអ្នកកំប្លែង តារាចម្រៀង តារាសម្តែង ពិធីករ-ពិធីការិនី បានបង្ហាញវត្តមានព្រោងព្រាត នៅក្នុងពិធី ឡើងគេហដ្ឋានថ្មីរបស់នាង លើសពីការំពឹងទុក ។</p>
<p>នៅក្នុងពិធីឡើងគេហដ្ឋាន របស់តារាកំប្លែងរូបនេះ កាលពីយប់មិញ គេសង្កេតឃើញថា នាង ខ្ញុង ខិតខំតុបតែងខ្លួនឲ្យ មានសម្រស់ឆ្លុះជាមួយ ឈុតវែងពណ៌ក្រហម ឆ្អិនឆ្អៅ រួមជាមួយស្នាមញញឹម បានប្រាប់ឲ្យដឹងពី ចំណាប់អារម្មណ៍ថា នាងមានការសប្បាយចិត្តខ្លាំងណាស់ ដែលក្តីស្រមៃ បានក្លាយជាការពិត ។</p>
<p>នាងក៏ចង់ពោលពាក្យអរគុណ ទៅដល់បងស្រីធម៌ ដែលផ្តល់គេហដ្ឋានថ្មីនេះ ឲ្យនាងទុកជាជំរក ដ៏ត្រជាក់ សម្រាប់នាង និងគ្រួសារ ។ អ្វីដែលសំខាន់ សម្រាប់អ្នកសិល្បៈ ក៏បានផ្តល់កិត្តិយស ចូលរួមក្នុងកម្មវិធី ជប់លៀងរបស់នាង យ៉ាងច្រើនកុះករផងដែរ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0469.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0470.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0471.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0472.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0473.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0474.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0475.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/April/id-099/v_0476.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/29604-2014-04-22-04-56-20.html" target="_blank">ផ្តល់សិទ្ធដោយ ៖ ដើមអម្ពិល</a></p>