<p><span style="color: #000000;"><strong>ក្រចេះ ៖</strong> ឈ្មួញរកស៊ីឈើម្នាក់និងមាន តួនាទីជាមន្ដ្រីយោធា នៅទីបញ្ជាការដ្ឋាន រថក្រោះ នៃកងទ័ពជើងគោក អនុសេនីយ៍ ឯក យី ចិន្ដា មានតួនាទីជាជំនួយការបច្ចេក ទេស បានបាញ់ប្រហារចំនួនពីរគ្រាប់នៅពេល កំពុងច្រៀងក្នុងខារ៉ាអូខេនៃសណ្ឋាគារចំរើន ហេងលី កាលពីយប់ថ្ងៃទី៣០ ខែកក្កដា ឆ្នាំ ២០១៥ ក្រោយពីខ្មាន់កាំភ្លើងរូបនេះស្រវឹង ធ្លាក់ភ្នែក ហើយមានជម្លោះជាមួយមិត្ដភក្ដិ ដែលចូលទៅផឹកស៊ីនិងច្រៀងលេងជាមួយ នោះ ។</span></p>
<p><span style="color: #000000;">យ៉ាងណាក៏ដោយ ការផ្ទុះអាវុធចំនួន៣ គ្រាប់ របស់មន្ដ្រីយោធារកស៊ីឈើរូបនេះ មិនបានបណ្ដាលឱ្យរងគ្រោះដោយបុគ្គលណា ម្នាក់នោះឡើយ ពោលគ្រាន់តែជាការបាញ់ ប្រហារឡើងលើ ដើម្បីគំរាមតែប៉ុណ្ណោះ ។</span></p>
<p><span style="color: #000000;">យោងតាមប្រភពព័ត៌មានពីមន្ដ្រីអាវុធ ហត្ថស្រុកស្នួល ខេត្ដក្រចេះបានឱ្យដឹងថា ក្រោយទទួលបានព័ត៌មាននៃការផ្ទុះអាវុធ របស់មន្ដ្រីយោធារូបនេះ កម្លាំងអាវុធហត្ថ និងនគរបាលបានចុះទៅសួរនាំ ដើម្បីជួយ អន្ដរាគមន៍រួចហើយធ្វើការឃាត់ខ្លួនជននេះ យកទៅសួរនាំ នៅទីបញ្ជាការដ្ឋានអាវុធហត្ថ ស្រុកស្នួល ដើម្បីចាត់វិធានការតាមនីតិវិធី។</span></p>
<p><span style="color: #000000;">យោងតាមប្រភពព័ត៌មានពីកន្លែងកើត ហេតុបានឱ្យដឹងថា ខ្មាន់កាំភ្លើងរួមជាមួយ មិត្ដភក្ដិផ្សេងទៀត បានបើករថយន្ដម៉ាកធុន ត្រា ពណ៌ខ្មៅ ពាក់ស្លាកលេខភ្នំពេញ 2R-6782 ចូលទៅច្រៀងលេង កំសាន្ដនៅក្នុង ខារ៉ាអូខេ នៃសណ្ឋាគារចំរើនហេងលី ។</span></p>
<p><span style="color: #000000;">ប្រភពព័ត៌មាន បានបន្ដទៀតថា នៅពេល ដែលច្រៀងលេងសប្បាយ អមដោយការ ផឹកស៊ីផងនោះ ស្រាប់តែនិងមិត្ដភក្ដិបានទាស់ ទែងសំដីជាមួយគ្នា ប៉ុន្ដែមិនដឹងថា ផ្ដើមចេញ ពីរឿងអ្វីនោះទេ រហូតធ្វើឱ្យរូបគេដឹង ហើយ ដកកាំភ្លើងបាញ់ចំនួន៣គ្រាប់ជាការកំញើញទៅដៃគូម្ខាងទៀត ។</span></p>
<p><span style="color: #000000;">តាមសេចក្ដីរាយការណ៍ដដែល ក្រៅពីការ ឃាត់ខ្លួនមន្ដ្រីយោធារូបនេះ កម្លាំងអាវុធ ហត្ថបានដកហូត រថយន្ដមួយគ្រឿង កាំភ្លើង ខ្លីមួយដើម មាន៤គ្រាប់ ដើម្បីយកទៅសួរ ចាត់ការតាមនីតិវិធី ។</span></p>
<p><span style="color: #000000;">ជុំវិញការសួរចំលើយរបស់ជនសង្ស័យ រូបនេះ មជ្ឈមណ្ឌលព័ត៌មានដើមអម្ពិល បាន ព្យាយាមសុំការ បញ្ជាក់បន្ថែម ពីមេបញ្ជាការ អាវុធហត្ថស្រុកស្នួល ខេត្ដក្រចេះ លោកអ៊ុល ឆាយ និងអភិបាលស្រុក ដែលជាប្រធាន គណៈបញ្ជាការឯកភាព ប៉ុន្ដែទូរស័ព្ទរបស់ លោកទាំងពីរតេមិនចូល ។</span></p>
<p><span style="color: #000000;">យោងតាមលិខិតបេសកកម្ម របស់មន្ដ្រី យោធាយី ចិន្ដា ដែលមានអត្ដលេខ០៤៩៥៩៦ ចុះថ្ងៃទី១០ ខែកក្កដា ឆ្នាំ២០១៥ ដែលចេញ ដោយលោកវរសេនីយ៍ឯក ហ៊ឹម សារ៉ុម ជា មេបញ្ជាការនោះបានបញ្ជាឱ្យលោកយី ចិន្ដា ចេញបេសកកម្មការងាររយៈពេល២ខែ ចាប់ ពីថ្ងៃទី១០ ខែកក្កដា ឆ្នាំ២០១៥ ដល់ថ្ងៃ ទី១០ ខែកញ្ញា ឆ្នាំ២០១៥ ភ្ជាប់ជាមួយកាំភ្លើងមួយដើមម៉ាក MOD លេខ៩២FS មាន១៥គ្រាប់ ៕</span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/7/31/7-31-2015-3-51-03-pm-31-07-2015--15-58-16.png"><img src="/FileManager/Articles/mce/2015/7/31/7-31-2015-3-51-03-pm-31-07-2015--15-58-16.png" alt="" /></a></span></span></p>
<p><a class="thickbox" title="" href="/FileManager/Commons/2015/7/31/7-31-2015-3-51-29-pm-31-07-2015--16-03-59.png"><img src="/FileManager/Articles/mce/2015/7/31/7-31-2015-3-51-29-pm-31-07-2015--16-03-59.png" alt="" /></a></p>
<p><a class="thickbox" title="" href="/FileManager/Commons/2015/7/31/7-31-2015-3-51-56-pm-31-07-2015--16-04-13.png"><img src="/FileManager/Articles/mce/2015/7/31/7-31-2015-3-51-56-pm-31-07-2015--16-04-13.png" alt="" /></a></p>
<p><a class="thickbox" title="" href="/FileManager/Commons/2015/7/31/7-31-2015-3-52-14-pm-31-07-2015--16-04-35.png"><img src="/FileManager/Articles/mce/2015/7/31/7-31-2015-3-52-14-pm-31-07-2015--16-04-35.png" alt="" /></a></p>
<p><br /><a class="thickbox" title="" href="/FileManager/Commons/2015/7/31/7-31-2015-3-52-31-pm-31-07-2015--16-04-48.png"><img src="/FileManager/Articles/mce/2015/7/31/7-31-2015-3-52-31-pm-31-07-2015--16-04-48.png" alt="" /></a><a class="thickbox" title="" href="/FileManager/Commons/2015/7/31/7-31-2015-3-52-14-pm-31-07-2015--16-04-35.png"></a><a class="thickbox" title="" href="/FileManager/Commons/2015/7/31/7-31-2015-3-51-56-pm-31-07-2015--16-04-13.png"></a><a class="thickbox" title="" href="/FileManager/Commons/2015/7/31/7-31-2015-3-51-29-pm-31-07-2015--16-03-59.png"></a><span style="color: #000000;"><span style="color: #000000;"><a class="thickbox" title="" href="/FileManager/Commons/2015/7/31/7-31-2015-3-51-03-pm-31-07-2015--15-58-16.png"></a></span></span></p>
<p><span style="color: #000000;"><a class="thickbox" title="" href="/FileManager/Commons/2015/7/31/7-31-2015-3-51-03-pm-31-07-2015--15-58-16.png"></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>