<div class="article-content">
<p><strong>បាត់ដំបង ៖</strong> ប្ដី-ប្រពន្ធវ័យក្មេងស្រស់ស្អាត និង មានសាច់ឈាមជាអ្នកមាន និងឋានៈគួរសមនៅ<br />ក្នុងសង្គម បានមានវិប្បដិ សារីអស់មួយជីវិត ដោយសារតែសត្វមូសកំណាច បានខាំកូនប្រុសជា<br />ទីស្រឡាញ់លើស ពីជីវិតរបស់ខ្លួន រហូតដល់ធ្លាក់ខ្លួនឈឺ ហើយទីបំផុត បានលាចាកលោក ធ្វើ<br />ឱ្យពួក គេទាំង២នាក់ និងក្រុម គ្រួសារទាំងមូល ដែលធ្លាប់តែប្រលែងលេងនិងថ្នាក់ថ្នមកូន ដ៏ឆ្លាត<br /> និងក្រម៉ិចក្រមើមមួយនេះយំបោកខ្លួន ដូចសត្វអក និងស្ទើរតែទប់ស្មារតីមិន នឹង ក្នុងការបន្ដជីវិត<br />រស់នៅ ពីព្រោះមួយពព្រិចភ្នែក កូនប្រុសដំបូង បានលាពួកគេជារៀងរហូតនោះ ។</p>
<p>ដំណឹងដ៏គួរឱ្យសោកសៅ និង អាណិត អាសូរ ដល់គូស្វាមីភរិយា និង ក្រុមគ្រួសារទាំងមូលនេះ <br />បានកើត ឡើងនៅពេលដែល គេបានឃើញ បង្ហោះរូបភាព និងខ្លឹមសារ នៅលើហ្វេសប៊ុកនៃការ<br />បាត់បង់ជីវិតកូនប្រុស ដោយសារជំងឺ គ្រុនឈាម ផ្ដើមចេញពីសត្វមូសខាំនោះ ក្នុងរយៈពេល <br />ប៉ុន្មានថ្ងៃមកនេះ នៅលើឈ្មោះម្ដាយក្មេងប្រុសរងគ្រោះក្នុង Account Facebook Danith Kuy<br /> ដែលបានបង្ហោះ រូបថតសព កូនប្រុស របស់ខ្លួន ពាក់អាវសខាងក្នុង អមដោយក្រវ៉ាត់ក ពណ៌<br />ក្រហម និង អាវធំពណ៌ខ្មៅពីក្រៅ ហើយសពក្មេងប្រុស ដៃទាំងពីរកាន់ធូប និង នៅក្បែរ មានដប<br />ទឹកដោះគោ ទៀតផង ។</p>
<p>នៅលើទំព័រ ហ្វេសប៊ុក របស់ខ្លួនស្ដ្រីជា ម្ដាយវ័យក្មេងអាយុជាង ២០ឆ្នាំ ដែលមើលសាច់ឈាម<br />ទៅជាកូន អ្នកមាន និងរស់នៅប្រហែល ជាក្នុងខេត្ដបាត់ដំបងនោះ បាន សរសេរថា“Mummy សុំ<br />ទោសនូវរឿង គ្រប់យ៉ាងដែលបានធ្វើខុសចំពោះកូន..Mummy មើលថែកូនមិនបានល្អធ្វើឱ្យបាត់<br /> បង់កូន. សូមឱ្យកូនឡើងឋានសួគ៌..Mummy រង់ចាំកូនត្រឡប់មករស់នៅជាមួយគ្រួសារយើងវិញ<br />... Mummy រង់ចាំ កូនស្កាយ ណា !”។</p>
<p>តាមរយៈខ្លឹមសារដែលអានទៅចង់ ស្រក់ទឹកភ្នែក ព្រោះតែបានបែកពីកូនប្រុសដ៏គួរឱ្យស្រឡាញ់<br />ជារៀងរហូតនោះ បង្ហាញឱ្យឃើញថាក្មេងប្រុសរូបនេះមានឈ្មោះ ស្កាយ អាយុជាង២ឆ្នាំ ហើយ<br />បើពិនិត្យមើលតាមរូបថតដែលត្រូវបានពួកគេទាំង២ នាក់ប្ដី-ប្រពន្ធបង្ហោះនៅក្នុងហ្វេសប៊ុករបស់<br />ខ្លួន គឺក្មេងប្រុសរូបនេះ គួរឱ្យស្រឡាញ់ជាទីបំផុត ទាំងរូបសម្បត្ដិ ទាំងការតុបតែងខ្លួន និងទាំង<br />កាយវិការមុខមាត់ ក្រម៉ិចក្រមើម នៅពេលថតម្ដងៗរបស់គេ ។</p>
<p>តាមរយៈដំណឹង ដ៏គួរឱ្យសោកសៅជាទីបំផុត និង តាមរយៈ រូបថតនានា ដែលបង្ហោះនៅក្នុង<br />ហ្វេសប៊ុកគឺមានអ្នកចូលរួមសម្ដែងមរណទុក្ខយ៉ាងច្រើនជាមួយក្រុមគ្រួសារវ័យក្មេងមួយគូនេះ។</p>
<p>មជ្ឈមណ្ឌលព័ត៌មានដើមអម្ពិល មិនទាន់អាចស្វែងរកព័ត៌មានលំអិត ពីពួកគេទាំងពីរនាក់ ក៏ដូច<br />ជាសាច់ ញាតិរបស់ពួកគេនៅឡើយទេជុំវិញការបាត់បង់ជីវិតរបស់ ស្កាយ ប៉ុន្ដែ បើយោងតាម<br />បុរសម្នាក់ឈ្មោះ ហួត វណ្ណៈ ដែលអះអាងថា ជាមិត្ដភ័ក្ដិបានប្រាប់ដើមអម្ពិលតាមហ្វេសប៊ុកថា <br />ដំបូងឡើយ ក្មេងប្រុសរូបនេះ ធ្លាក់ខ្លួនឈឺដោយសារមូសខាំ ។</p>
<p>ពេលនោះឪពុក-ម្ដាយរបស់គេបានបញ្ជូនទៅកាន់មន្ទីរពេទ្យហើយ ក្រោយពីព្យាបាលក្មេងប្រុស<br />រងគ្រោះបានធូរស្បើយឡើងវិញ ក៏ត្រឡប់មកផ្ទះ ។ លោក ហួត វណ្ណៈ បាន បន្ដថា ស្រាប់តែ ២<br />-៣ ថ្ងៃក្រោយមក ក្មេងប្រុសបានចាប់ផ្ដើមឈឺម្ដងទៀត រួចក៏ស្លាប់តែម្ដងទៅ ។</p>
<p>ជាមួយការស្លាប់ របស់ក្មេងប្រុសរូបនេះ មជ្ឈដ្ឋានមួយចំនួនសូមអំពាវនាវឱ្យប្រជាពលរដ្ឋ ដែល<br />មានកូន តូចៗ ត្រូវប្រយ័ត្នប្រយែង ជាពិសេស នៅក្នុងរដូវវស្សាការពារកុំឱ្យមូសខាំ ខ្លាចក្រែង<br />កើតជាជំងឺគ្រុនឈាម នាំឱ្យបាត់បង់ជីវិតកូនជាទីស្រឡាញ់ របស់ខ្លួននោះនឹង មានវិប្បដិសារី <br />អស់មួយជីវិត។ ពោលនៅពេល ឃើញអាការៈកូនមិនស្រួល ត្រូវបញ្ជូនទៅកាន់ មន្ទីរពេទ្យ <br />ពិភាក្សាជាមួយគ្រូពេទ្យជាបន្ទាន់ជៀសវាងទុកចោលបណ្ដែតបណ្ដោយរហូតដល់ធ្ងន់ធ្ងរនោះ។</p>
<p>សូមបញ្ជាក់ថា យោងតាមរបាយការណ៍ របស់មជ្ឈមណ្ឌលជាតិ ប្រយុទ្ធនឹងជំងឺគ្រុនចាញ់ ប៉ារ៉ា<br />ស៊ីតសាស្ដ្រ-បាណកសាស្ដ្រ កាល ពីប៉ុន្មានថ្ងៃមុននេះ បានឱ្យដឹង ក្នុងរយៈពេល ៣២សបា្ដហ៍<br /> ក្នុងឆ្នាំ២០១៣ ជំងឺគ្រុន ឈាម បានសម្លាប់ប្រជាពលរដ្ឋកម្ពុជា ៣៨នាក់ ក្នុងចំណោម ១២២៤០<br />នាក់ ប៉ុន្ដែ ចំនួននេះ មានការថយ ចុះ ៦៨ភាគរយ បើប្រៀបធៀបនឹងរយៈពេលដូចគ្នា កាលពី<br />ឆ្នាំ២០១២ ដែលមានចំនួនអ្នកស្លាប់រហូតដល់ ១១៧ នាក់ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-068/SH-0415.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0416.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0417.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0418.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-068/SH-0419.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-068/SH-0420.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0421.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0422.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0423.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0424.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0425.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0426.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>