<p><span style="color: #000000;">ព័ត៌មានកីឡា៖ ក្រោយពីការបរាជ័យក្រោមជើង Real Sociedad និង អវត្ដមានរបស់ Messi កាលពីថ្ងៃហ្វឹកហាត់ក្រុមមក Barcelona មើលទៅកាន់តែមានភាពវឹកវរខ្លាំងឡើងៗ រវាងថ្នាក់ដឹកនាំ និង កីឡាករក្នុងក្រុមរហូតអាចបង្កឲ្យមានការសម្រេចចិត្ដចុងក្រោយ ទៀតផងបើតាមវិភាគទៅ ។ </span></p>
<p><span style="color: #000000;">Barcelona កំពុងតែផ្អៀងខ្លួនចូលទៅរកបញ្ហាកាន់តែធ្ងន់ឡើងៗ ក្រោយពីថ្ងៃនេះ លោក Luis Enrique បានបដិសេធន៍ប្រឆាំងទៅនឹងទង្វើរបស់ Messi ក្រោមការសម្ដែងឡើងបង្ហាញពីភាពមិនពេញចិត្ដក្រោយពីកីឡាករ មិនមានឱកាសចូលលេង ពេញលេញ ក្នុងជំនួបប្រកួតជាមួយ Real Sociedad ដោយMessi ជាប់ឈ្មោះជាកីឡាករបម្រុង ។ ការគិតរបស់ លោក Luis Enrique ពេលនេាះ យល់ឃើញ Messi មិនបានលេងឲ្យអស់ពីសមត្ថភាព ទេ ដោយទំនងជាមានការអាក់អន់ស្រពន់ចិត្ដនិងការ សម្រេចឲ្យខ្លួនជាកីឡាករបម្រុង ហើយរឿងមួយទៀត កាលពីថ្ងៃហ្វឹកហាត់ក្រុម Messi បានអវត្ដមានក្នុងការចូលរួមហ្វឹកហាត់ ដែលនេះគឺជាមូលហេតុគាត់គិតថា គឺជាចេតនាផ្ទាល់របស់កីឡាករ។ ហេតុការណ៍មួយនេះបានធ្វើឲ្យមានការឈ្លោះទាស់ទែងគ្នាយ៉ាងខ្លាំង រវាង គ្រូបង្វឹក និង កីឡាករផ្ទាល់។ </span></p>
<p><span style="color: #000000;">របាយការណ៍ក្នុងប្រទេស អេស្ប៉ាញបានអះអាងថា កីឡាករ Neymar បានត្រូវតែចូលខ្លួនហាមឃាត់អ្នកទាំង ២ លើបញ្ហាយល់ច្រលំរបស់លោក Luis Enrique ហើយនិង Messi ដើម្បីកុំឲ្យមានការបង្កឡើងបញ្ហាកាន់តែធ្ងន់ធ្ងជាងនេះ ។ ជាពិសេស លោក Luis Enrique បានត្រូវទទួលការទទួចអង្វករពីក្រុមកីឡាករ ជាច្រើន កុំឲ្យមានការសើរើរឿងនេះ និង យល់គិតរឿងនោះបន្ដទៀតជៀសវាងមានបញ្ហាបែកបាក់ក្រុម។ </span></p>
<p><span style="color: #000000;">ស្របពេល Barcelona កំពុងតែមានការខ្វែងគំនិតគ្នាដូច្នោះ ប្រភពគេហទំព័រអន្ដរជាតិ បានចេញផ្សាយថា Chelsea បានបង្កើតទំនាក់ទំនងយ៉ាងស្ងាត់ៗ ដើម្បីត្រៀមកញ្ចប់ថវិការផ្ទេរ Messi ក្រោយពីកីឡាករសម្រេចចិត្ដ ។ ប៉ុន្ដែ Messi មិនទាន់មានសកម្មភាពអ្វីប្លែកនៅឡើយទេ និងការសម្រេចចិត្ដ ផ្ទេរជើងចេញ បើទោះជាក្រុមកំពុងតែមានការវឹកវរដូច្នេះ។ </span></p>
<p><span style="color: #000000;"><a class="thickbox" title="" href="/FileManager/Commons/2015/1/8/1-8-2015-2-34-35-pm-08-01-2015--14-39-35.png"><img src="/FileManager/Articles/mce/2015/1/8/1-8-2015-2-34-35-pm-08-01-2015--14-39-35.png" alt="" /></a></span></p>
<p><a class="thickbox" title="" href="/FileManager/Commons/2015/1/8/1-6-2015-9-43-41-am-08-01-2015--14-39-44.png"><img src="/FileManager/Articles/mce/2015/1/8/1-6-2015-9-43-41-am-08-01-2015--14-39-44.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ mirror</span></p>