<p><span style="color: #ff0000;">-អ្នកប្លុកខាងជើងស្ពាន ជ្រោយចង្វារ មានសំណាងខ្ពស់ ម្ចាស់ផ្ទះដឹងទាន់ កុំអីអគ្គិ ភ័យ បង្ក<br />មហន្ដរាយ</span></p>
<p><strong>ភ្នំពេញ ៖</strong> អ្នករស់នៅ ក្នុងប្លុកផ្ទះឈើផ្ទះ ថ្មជាប់ៗគ្នារដឹក នៅខាងជើងគល់ស្ពាន ជ្រោយចង្វារ<br />ខាងលិច ដែលគេស្គាល់ថា ស្ថិត នៅខាងក្រោយហាងស៊ុប ដើមទឹក ដោះគោ ត្រូវបានគេចាត់<br />ទុកថា គឺជាអ្នកមាន រាសី មានសំណាងខ្ពស់ បើមិនដូច្នេះទេ ផ្ទះសម្បែង ទ្រព្យសម្បត្ដិរបស់ពួក<br />គេ នឹងក្លាយទៅជា ចំណីភ្លើង ជាមិនខាន ដោយសារតែជនអគតិ បានលបលួចទៅដុតផ្ទះ អ្នក<br />រស់នៅម្ដុំនោះ ដោយប្រើប្រេងសាំង រហូត ៣លីត្រ ចាក់ដុត តែត្រូវម្ចាស់ផ្ទះដឹងទាន់ ស្រែកផ្អើល<br />ឆោឡោ ឡើង ។</p>
<p>អំពើប៉ុនប៉ង លួចដុតផ្ទះមិនបាន សម្រេច នៅក្នុងប្លុក ដែលអ្នកស្រុក រស់នៅប្រជ្រៀត គ្នានេះ ត្រូវ<br />បាន ប្រភពព័ត៌មាន លួចបង្ហើបឱ្យ ដឹងថា ទំនងផ្ដើមចេញ ពីកំហឹង ភ្លើងស្នេហា មិនបានជោគជ័យ <br />ក៏បានជួល គេលួចដុតផ្ទះ ដើម្បីតាមព្យាបាទស្ដ្រីជាម្ចាស់ផ្ទះ ។</p>
<p>ហេតុការណ៍ភ្ញាក់ផ្អើល នៃករណីជនសង្ស័យ ឡើងលួចដុត ផ្ទះខាងលើនេះ បានកើតឡើង កាល<br />ពីវេលា ម៉ោង ២និង១៥នាទីរំលងអាធ្រាត្រ ឈានចូលថ្ងៃទី១៣ ខែមករា ឆ្នាំ២០១៣ កន្លងទៅនេះ<br /> ស្ថិតនៅផ្ទះ លេខ២០ ផ្លូវជាតិ លេខ៥ ក្រុមទី២១៧ សង្កាត់ស្រះចក ខណ្ឌ ដូនពេញ ដែលជាប្លុក<br />ផ្ទះសង់រស់ នៅជាប់ៗ គ្នា មានឈើមានថ្ម មានស្លឹកលាយចម្រុះ។</p>
<p>ម្ចាស់ផ្ទះដែល ត្រូវជនសង្ស័យលួចដុតត្រូវ បានគេស្គាល់ឈ្មោះហេង សាវ៉ុន ភេទស្រី អាយុ៣៨ឆ្នាំ<br /> ជាមេ ម៉ាយ កូនមួយ មានមុខ របរអ៊ុតសក់ នៅក្នុងផ្សារចាស់ ហើយត្រូវ គេស្គាល់ថា គឺជាស្ដ្រីមេ<br />ម៉ាយមាន រូបសម្ផស្ស មួយរូប ជិះរថយន្ដម៉ាកលុច្ស Rx300 ។</p>
<p>ប្រភពព័ត៌មានពីកន្លែងកើតហេតុបានឱ្យ ដឹងថា នៅមុនពេលកើតហេតុ ខណៈដែល ម្ចាស់ផ្ទះកំពុង<br /> លង់ លក់ក្នុងដំណេកនោះ ស្ដ្រី វ័យចំណាស់ដែលជាម្ដាយម្ចាស់ផ្ទះ បានឮស្នូរ សម្រឹបជើងមនុស្ស<br />ដើរ នៅលើរានហាលមុខផ្ទះ ហើយក៏មានធុំក្លិនប្រេងសាំងផងដែរ។ ខណៈនោះ ស្ដ្រីវ័យចំណាស់<br />ខាងលើនេះ បាន លួចមើលតាមទ្វារ ស្រាប់តែឃើញមាន មនុស្សប្រុសម្នាក់ កំពុងធ្វើសកម្មភាព<br />យកដបទឹកសុទ្ធចាក់ចូល គាត់ក៏ស្រែកផ្អើលឆោឡោឡើង ធ្វើឱ្យមនុស្សម្នាបើកទ្វារចេញមកហើយ<br />ឃើញបុរសម្នាក់ បានលោតចុះ ពីលើ រានហាលមុខផ្ទះទៅក្រោម ក្នុងបំណងរត់ គេចខ្លួន ក៏ត្រូវ<br />បានអ្នករស់នៅតំបន់នោះព័ទ្ធ ចាប់បាន ភ្លាមៗ ជាក់ស្ដែងតែម្ដង ។ ក្រោយ ចាប់ជនសង្ស័យនេះ<br />បានហើយ គេបានទៅ ត្រួតពិនិត្យមើល នៅមុខ ផ្ទះជនរងគ្រោះក៏ ប្រទះឃើញមានសាកាដូស្ពាយ<br />មួយ ដោយ នៅក្នុងនោះគេឃើញ មានប្រេងសាំងចំនួន៦ ដបទឹកសុទ្ធ(ចាក់អស់ពីរដប) តួឡឺវីស<br />មួយ និងដែកកេះមួយផងដែរ ។</p>
<p>ពាក់ព័ន្ធទៅនឹងករណីខាងលើ អ្នកដែល ឃើញហេតុការណ៍នៅកន្លែងកើតហេតុបាន អះអាងថា<br /> ជន សង្ស័យ ដែលមកធ្វើសកម្ម ភាពលួចដុតផ្ទះខាងលើនេះ គឺមានគ្នាចំនួន ពីរនាក់ ជិះម៉ូតូមួយ<br />គ្រឿង ហើយ ពេល បែក ការណ៍ អ្នកដែលជិះម៉ូតូឈប់ចាំនៅខាង ក្រោម បានបើកម៉ូតូរត់គេច<br />ខ្លួនបាត់ នៅសល់ តែអ្នកឡើងទៅចាក់សាំងដុតរត់មិនទាន់ ទើប ត្រូវចាប់បាន ។</p>
<p>ពាក់ព័ន្ធទៅនឹងករណីខាងលើនេះ មន្ដ្រី នគរបាលខណ្ឌដូនពេញ បានអះអាងប្រាប់ ដើមអម្ពិលនៅ<br />រសៀល ថ្ងៃទី១៤ ខែមករា ថា ជនសង្ស័យដែល សមត្ថកិច្ចរបស់ ខ្លួនចាប់ បាន បានបញ្ជូនទៅកាន់<br />តុលាការហើយ តែ លទ្ធផលសួរចម្លើយយ៉ាងណានោះ គឺនៅមិន ទាន់ដឹងឡើយ គឺតុលាការកំពុង<br />សួរមិនទាន់ ចប់ ។ ដោយឡែក ពាក់ ព័ន្ធ មូលហេតុនៃការ លួចដុតនេះ ត្រូវបានមន្ដ្រីនគរបាល<br />ខាងលើ អះអាងថា ទំនងសង្ស័យ រឿងគំនុំរវាងជន ណាមួយនឹងម្ចាស់ផ្ទះ ទើបនាំឱ្យមានជួល <br />មនុស្ស ទៅលួចដុតយ៉ាងដូច្នេះ ។</p>
<p>ប៉ុន្ដែ ប្រភព ដោយឡែកមួយទៀត បាន លួចបង្ហើបឱ្យដឹងថា ករណីលួចដុតផ្ទះស្ដ្រីមេ ម៉ាយចាយ<br />រាងខាង លើនេះ ទំនងផ្ដើមចេញ ពីរឿងស្នេហា តាមស្រឡាញ់ មិនបាន ទើប តាមចងអាឃាតលួច<br />ដុត ប៉ងសម្លាប់មួយពូជយ៉ាងដូច្នេះ ។ តែបើជនល្មើសលួចដុតបាន សម្រេចមិនមែនជួបគ្រោះមហន្ដ<br />រាយ ត្រឹម តែគ្រួសារ អ្នកមេម៉ាយខាងលើនេះនោះទេ គឺមានគ្រួសាររាប់រយគ្រួសារទៀត ក៏រងគ្រោះ<br /> មហន្ដរាយឆេះអស់ផ្ទះ សម្បែងនិងទ្រព្យសម្បត្ដិ អាចឈានដល់ឆក់យក អាយុជីវិត ថែមទៀតផង<br /> ព្រោះតំបន់នោះជាផ្ទះរស់ នៅរបៀបប្លុក មិនមានផ្លូវធំ សម្រាប់រថយន្ដពន្លត់អគ្គិភ័យចូលទៅដល់<br />ដោយងាយស្រួលនោះឡើយ ។ ដូច្នេះសមត្ថកិច្ច គួរតែធ្វើការស្រាវជ្រាវរកមុខអ្នកនៅពីក្រោយខ្នង<br />នៃករណីជួលដុតនេះ ដើម្បីនាំទៅកាត់ ទោស តាមផ្លូវច្បាប់ឱ្យបាន ៕</p>
<p><a class="thickbox" title="" href="/FileManager/Commons/2013/1/15/hong-0147-15-01-2013--10-11-08.jpg"><img src="/FileManager/Articles/mce/2013/1/15/hong-0147-15-01-2013--10-11-08.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>