<p><strong>បាត់ដំបងៈ</strong> កម្លាំងនគរបាលស្រុកកំរៀង បានឃាត់ខ្លួនបុរសម្នាក់ តាមពាក្យបណ្តឹង របស់ម្តាយ<br />ជនរងគ្រោះ កាលពីវេលាម៉ោង ៣និង៣០នាទី រសៀលថ្ងៃទី១៤ ខែកក្កដា ឆ្នាំ២០១៣ នៅចំណុច<br />គម្ពោតព្រៃ ក្នុងភូមិដូង ឃុំបឹងរាំង ស្រុកកំរៀង ដោយជាប់ ចោទពីបទរំលោភសេពសន្ថវៈ លើ<br />អនីតិជន ២នាក់ នាំយកមកសាកសួរ រួចកសាងសំណុំរឿង បញ្ជូនខ្លួនជនសង្ស័យ ទៅ ស្នងការ<br />ខេត្ត កាលពីរសៀលថ្ងៃទី១៥ ខែកក្កដា ឆ្នាំ២០១៣ ដើម្បីបញ្ជូនបន្តទៅតុលាការខេត្តនៅរសៀល<br />ថ្ងៃទី១៥ ខែកក្កដា ឆ្នាំ ២០១៣ ដើម្បីចាត់ការបន្តតាមច្បាប់។</p>
<p>លោក សេង លុច នាយរងការិយាល័យ ព្រហ្មទណ្ឌកម្រិតធ្ងន់ នៃស្នងការនគរបាលខេត្ត បានឲ្យ<br />ដឹងថា យោងតាមរបាយការណ៍របស់លោកអធិការស្រុកកំរៀងបានរៀបរាប់ឲ្យដឹងថាជនសង្ស័យ<br /> ដែលសមត្ថកិច្ចឃាត់ខ្លួន តាមពាក្យបណ្តឹងម្តាយ ជនរងគ្រោះមានឈ្មោះហែម សុផល ភេទប្រុស<br /> អាយុ ៤៩ឆ្នាំ មុខរបរ កម្មករ មានទីលំនៅភូមិដូង ឃុំបឹងរាំង ស្រុកកំរៀង។ ចំណែកជនរងគ្រោះ <br />មានចំនួន២នាក់ ទី១ មានអាយុ៦ឆ្នាំ ទី២ មានអាយុ៩ឆ្នាំ រស់នៅភូមិកើតហេតុ ជាមួយគ្នាខាងលើ។</p>
<p>តាមសម្តីជនរងគ្រោះ នៅក្នុងរបាយការណ៍សមត្ថកិច្ច បានឲ្យដឹងថា មុនពេលកើហេតុ ក្មេងៗដូច<br />គ្នាបាននាំគ្នា រត់លេងដីនៅ ជិតកន្លែងកើតហេតុ ហើយជនសង្ស័យ បានហៅក្មេងៗទាំងនោះ ឲ្យ<br />ជួបនៅកៀនគម្ពោតព្រៃ ហើយបានចាប់ស្រាតខោ រួចយក ម្រាមដៃស្ទាបអង្អែល រុកប្រដាប់ភេទ<br />លេង ចំនួន២ដងម្នាក់ ឯម្នាក់ទៀត បានហៅមកជួប ចាប់ស្រាតខោហើយដេកក្រាបពីលើ រំលោភ<br />ម្នាក់ម្តងៗដោយបានប្រាប់ថា មិនឲ្យនិយាយប្រាប់គេទេ។ ដោយសារតែក្មេងរងគ្រោះមានការឈឺ<br />ប្រដាប់ភេទបខ្លាំងទ្រាំមិនបាន ក៏បានស្រែកយំ រួចរត់ទៅប្រាប់ម្តាយឲ្យដឹងរឿង។ ក្រោយពីម្តាយ<br /> បានដឹងរឿងហើយក៏បានទៅប្តឹងមេភូមិរួចមេភូមិរាយការណ៍ ជូនទៅប៉ុស្តិ៍នគរបាលឃុំ ដើម្បីដាក់<br />ពាក្យបណ្តឹង ឲ្យជួយអន្តរាគមន៍។ បន្ទាប់ពីបាន ទទួលពាក្យបណ្តឹងហើយ សមត្ថកិច្ច បានចុះធ្វើ<br />ការឃាត់ខ្លួន នាំយកមកសាកសួរ។</p>
<p>ជនសង្ស័យមិនបានឆ្លើយសារភាពទេដោយបានអះអាងថា ខ្លួនគ្រាន់តែហៅពួកវាមកជិះលើជើង<br />ខ្លួន យោលទោងលេងប៉ុណ្ណោះពេលយោលជើងលេង វារកធ្លាក់ខ្លួនក៏បានយកដៃចាប់ទាញ ខ្លាច<br />ធ្លាក់ ហើយដៃក៏បាន ប៉ះប្រដាប់ភេទក្មេងទាំងនោះ មែន តែត្រង់ថារំលោភនោះ គឺខ្លួនមិនបាន<br />ប្រព្រឹត្តទេ ព្រោះនៅកន្លែងកើហេតុមានមនុស្សជាច្រើនាក់ នៅទីនោះដែរ ម្យ៉ាងទៀត ប្រដាប់ភេទ<br />ខ្លួនអសមត្ថភាព មិនដំណើរការជាយូរមកហើយ គឺគ្មានអារម្មណ៍ណា គិតដល់នឹងនោះទេ។</p>
<p>ក្រោយពីបាន បញ្ជូនជនរងគ្រោះ ទាំងពីរនាក់ មកដល់ស្នងការ នគរបាលខេត្ត ហើយអង្គការ<br />អន្តរជាតិមួយ មានឈ្មោះថាអង្គភាពការពារកុមារ Child Protection Unit (CPU) បាននាំក្មេង និង<br />អាណាព្យាបាលទៅធ្វើកោសល្យវិច័យនិងជួយចេញសោហ៊ុយធ្វើដំណើរដល់ជនរងគ្រោះផងដែរ។</p>
<p>លោកសេង លុច បានបញ្ជាក់ថា ទោះជាជនសង្ស័យបានបដិសេធមិនព្រមសារភាពក៏ដោយផ្អែក<br />លើសាក្សី និងចម្លើយ ក្មេងស្រីរងគ្រោះ លោកព្រះរាជអាជ្ញា សាលាដំបូងខេត្ត និងលោកស្នងការ<br />ខេត្ត បានបញ្ជាឲ្យការិយាល័យ ជំនាញកសាងសំណុំរឿងបញ្ជូនខ្លួនជនសង្ស័យ ទៅតុលាការខេត្ត<br /> នៅរសៀលថ្ងៃទី១៦ ខែកក្កដានេះ ដើម្បីចាត់ការតាមច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0264.jpg" alt="" width="500" /></p>
<p style="text-align: center;"><strong>ជនជាប់សង្ស័យដែលត្រូវសមត្ថកិច្ចឃាត់ខ្លួន</strong></p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0265.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល</p>