<p><span style="color: #000000;"><strong>(ប៉ារីស)៖</strong> កីឡាករលំដាប់លេខ២ របស់ពិភពលោក Cristiano Ronaldo បានត្រៀមជើងរួចហើយ ក្នុងការជួយក្រុម ព័រទុយហ្គាល់ ប៉ះគូប្រជែងអ៊ីស្លង់ ក្នុងពូល F នៃព្រឹត្តិការណ៍បាល់ទាត់ Euro 2016 នៅប្រទេសបារាំងយប់នេះ។</span></p>
<p><span style="color: #000000;">គេហទំព័រ Sky Sports បានផ្សាយថា កីឡាករវ័យ៣១ឆ្នាំ Ronaldo បានត្រឡប់មកទម្រង់លេងធម្មតាវិញ បន្ទាប់ពីជា សះស្បើយពីបញ្ហារបួសភ្លៅ និងជួយព័រទុយហ្គាល់ បំបាក់ក្រុមជម្រើសជាតិអ៊ីស្តូនី ៧-០ ក្នុងមិត្តភាពអន្តរជាតិ មុនធ្វើដំ ណើរមកកាន់ប្រទេសបារាំង ដើម្បីប្រកួត Euro 2016 លើកទី១៥នេះ។</span></p>
<p><span style="color: #000000;">ការចូលលេងនៅរាត្រីនេះ Ronaldo នឹងបំបែកកំណត់ត្រារបស់កីឡាករ Luis Figo ដែលចូលលេងឲ្យជម្រើសជាតិ ព័រទុយហ្គាល់បាន ១២៧ប្រកួត ហើយក៏ជាក្រុមដែលស៊ុតបញ្ចូលទីគូប្រកួតបាន ១១គ្រាប់ក្នុងវគ្គជម្រុះ ដើម្បីឡើងមក វគ្គចែកពូលក្នុង Euro 2016 នេះ។ ព័រទុយហ្គាល់ តែងតែធ្វើបានល្អជានិច្ច ពេលប៉ះក្រុមអ៊ីស្លង់ តួយ៉ាងដូចកាលជម្រុះ Euro 2012 ព័រទុយហ្គាល់ ឈ្នះអ៊ីស្លង់ ទាំងទៅ ទាំងមក (២ជើង)។</span></p>
<p><span style="color: #000000;">ព័រទុយហ្គាល់ មិនធ្លាប់ឈ្នះពានរង្វាន់ប្រចាំទ្វីបអឺរ៉ុប UEFA Euro នោះទេ តែធ្លាប់ឡើងមកដល់វគ្គពាក់កណ្តាលផ្តាច់ ព្រ័ត្រ ៤ដង ក្នុងចំណោមបង្ហាញខ្លួន៦ដង ក្នុងព្រឹត្តិការណ៍ដែលមានរយៈពេល៤ឆ្នាំម្តងនេះ បូកបញ្ចូលទាំងការឡើង មកដល់វគ្គផ្តាច់ព្រ័ត្រកាលធ្វើម្ចាស់ផ្ទះឆ្នាំ២០០៤ ផងដែរ ដោយបានចាញ់ជម្រើសជាតិក្រិក ១-០ នៅវគ្គផ្តាច់ព្រ័ត្រ។</span></p>
<p><span style="color: #000000;">សូមបញ្ជាក់ផងដែរថា រាត្រីនេះមានតែ ២ប្រកួតទេ គឺក្រុមជម្រើសជាតិអូទ្រីស ប៉ះជម្រើសជាតិហុងគ្រី ម៉ោង ១១យប់ និងព័រទុយហ្គាល់ ប៉ះអ៊ីស្លង់ ម៉ោង ២រំលងអាធ្រាត្រ (ម៉ោងនៅកម្ពុជា) ក្នុងពូល F ចុងក្រោយគេ៕</span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13411934_1740182116221306_8520251536917917520_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13445523_1740182112887973_7721646060845442388_n.jpg?oh=a93237a681ceaeab9a582d4dbfad8777&oe=57D1DAED" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13443132_1740182139554637_7480895383463607384_o.jpg" alt="" width="730" /></span></p>
<p style="text-align: center;"><span style="color: #000000;">ក្រុមជម្រើសជាតិ ព័រទុយហ្គាល់</span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13403817_1740182202887964_1612118771936190679_o.jpg" alt="" width="730" /></span></p>
<p style="text-align: center;"><span style="color: #000000;">ក្រុមជម្រើសជាតិ អ៊ីស្លង់</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>