<div class="article-content">
<p><strong>ភ្នំពេញ</strong> ៖ កម្លាំងនគរបាលប៉ុស្ដិ៍ផ្សារ កណ្ដាលទី២ បានឃាត់ខ្លួន ចោរឆក់ទូរស័ព្ទ ដៃ ចំនួនពីរ<br />នាក់ កាលពីរសៀល ថ្ងៃទី២៨ ខែមករា ឆ្នាំ២០១៣ បន្ទាប់ពីពួកគេធ្វើសកម្មភាពឆក់ទូរស័ព្ទដៃ<br /> នៅមុខរោងភាពយន្ដព្រហ្មបាយ័ន ផ្លូវលេខ ១៥៤ ភូមិទី៩ សង្កាត់ផ្សារកណ្ដាលទី២ ខណ្ឌ ដូន<br />ពេញ ដែលជនសង្ស័យទាំងពីរនាក់នេះ ម្នាក់រៀននៅវិទ្យាល័យវត្ដកោះ និង ម្នាក់ ទៀតរៀន<br />នៅវិទ្យាល័យសន្ធរម៉ុក។</p>
<p>មន្ដ្រីនគរបាលប៉ុស្ដិ៍ ផ្សារកណ្ដាលទី២ បាន ឱ្យដឹងថា ជនសង្ស័យទី ១ ឈ្មោះហ៊ុល សុវណ្ណ <br />រតនៈ អាយុ១៩ឆ្នាំ មុខរបរ ជាសិស្សវិទ្យាល័យវត្ដកោះ រៀនថ្នាក់ទី១២C ស្នាក់នៅផ្ទះជាន់ទី៤<br /> ផ្លូវលេខ៧ សង្កាត់ផ្សារថ្មីទី២ ខណ្ឌដូនពេញ និងជនសង្ស័យទី២ ឈ្មោះពៅ ឡងឌីមុខរបរជា<br />សិស្សនៅវិទ្យាល័យសន្ធរម៉ុក ថ្នាក់ទី១២ C ស្នាក់នៅផ្ទះលេខ ១០១ ផ្លូវលេខ៤៧៨ សង្កាត់<br />ស្ទឹងមានជ័យ ខណ្ឌមានជ័យ ។</p>
<p>បើតាមសមត្ថកិច្ចនៅម៉ោងកើតហេតុ នោះ ខណៈជនរងគ្រោះ កំពុងជិះស៊ីក្លូតែម្នាក់ឯង ចេញ<br />ពីផ្សារកណ្ដាល លុះដល់ចំណុចកើតហេតុ ជនសង្ស័យទាំងពីរនាក់ ជិះម៉ូតូមួយគ្រឿង ម៉ាក<br />ស្កុបពី ពណ៌ស ស៊េរី២០១៣ ពាក់ស្លាកលេខភ្នំពេញ 1BJ-7430 ហើយអ្នកអង្គុយពីក្រោយ<br />បានធ្វើសកម្មភាពឆក់ពីជនរងគ្រោះ ។</p>
<p>ពេលនោះជនរងគ្រោះ ស្រែកថា ចោរៗ ហើយជនសង្ស័យទាំងពីរ ដោយភ័យស្លន់ស្លោរ <br />បានបើកម៉ូតូយ៉ាងលឿន ជ្រុលទៅបុករ៉ឺម៉កម៉ូតូកង់បី បណ្ដាលឱ្យដួល ហើយត្រូវបានប្រជាព<br />លរដ្ឋ ដែលកំពុងធ្វើដំណើរនៅតាមផ្លូវ ចាប់ខ្លួនប្រគល់ឱ្យសមត្ថកិច្ច។</p>
<p>បច្ចុប្បន្នជនសង្ស័យទាំងពីរនាក់នេះ ត្រូវ បានឃុំខ្លួនជាបណ្ដោះអាសន្ន នៅអធិការដ្ឋាននគ<br />របាលខណ្ឌដូនពេញ ដើម្បីកសាងសំណុំរឿងបញ្ជូនទៅតុលាការ៕</p>
<p style="text-align: right;">ផ្តល់សិទ្ធិដោយ ៖ ដើមអម្ពិល</p>
</div>