<p><span style="color: #000000;"><strong>(ភ្នំពេញ)៖</strong> ស្ពានមិត្តភាពកម្ពុជា-ជប៉ុន ហៅស្ពានជ្រោយចង្វារ ដែលកំពុងរងនូវការទ្រុឌទ្រោមនោះ គ្រោងនឹងបើកការដ្ឋានជួសជុលឡើងវិញនៅដើមឆ្នាំ២០១៧ ក្រោមជំនួយរបស់រដ្ឋាភិបាលជប៉ុន ដោយគ្រោងចំណាយថវិកាប្រមាណ ៣០លានដុល្លារ។</span></p>
<p><span style="color: #000000;">ដើម្បីដំណើរការជួសជុលស្ពានជ្រោយចង្វារឡើងវិញនេះ នៅថ្ងៃទី៣ ខែឧសភា ឆ្នាំ២០១៦ លោកទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានចុះហត្ថលេខាលើកិច្ចព្រមព្រៀងជួសជុល ជាមួយលោក Teruo Nakagawa ប្រធានទីប្រឹក្សាសាជីវកម្ម Central Consultant Inc,។</span></p>
<p><span style="color: #000000;">លោកទេសរដ្ឋមន្រ្តី ស៊ុន ចាន់ថុល បានសម្តែងការកោតសរសើរ ចំពោះកិច្ចសហប្រតិបត្តិការ និង អបអរសាទរចំពោះក្រុមហ៊ុន ដែលត្រូវបានជ្រើសរើសជាក្រុមហ៊ុនទីប្រឹក្សាជំនាញ សម្រាប់គម្រោងនេះ ដោយអង្គការ JICA។</span></p>
<p><span style="color: #000000;">យោងតាមការបញ្ជាក់ព័ត៌មានរបស់ក្រសួងសាធារណការ និង ដឹកជញ្ជូន បានឲ្យដឹងថា នៅឆ្នាំ២០១៤ អ្នកជំនាញអង្គការ JICA បានរកឃើញថា ស្ពាននេះត្រូវបានខូចខាតផ្នែកខ្លះ ដែលចាំបាច់ត្រូវជួសជុលឡើងវិញ។ ដោយសារស្ពានជ្រោយចង្វារដើរតួនាទីជាសរសៃឈាម ដ៏មានសំខាន់ សម្រាប់ការដឹកជញ្ជូន រាជរដ្ឋាភិបាលកម្ពុជា និងរដ្ឋាភិបាលជប៉ុន បានព្រមព្រៀងគ្នាជួសជុលស្ពាននេះឡើងវិញក្រោមគម្រោងជំនួយឥតសំណងរបស់ជប៉ុន។</span></p>
<p><span style="color: #000000;">យោងតាមប្រភពដដែលបន្តថា គម្រោងជួសជុល នឹងត្រូវធ្វើឡើងនៅដើមឆ្នាំ២០១៧ ដោយចំណាយទឹកប្រាក់ ៣០លានដុល្លារសហរដ្ឋអាមេរិក។ អនុវត្តគម្រោងដោយអង្គការ JICA ដែលនឹងត្រូវបញ្ចប់ក្នុងរយៈពេល ២២ខែ។</span></p>
<p><span style="color: #000000;">សូមបញ្ជាក់ថា ស្ពានមិត្តភាពកម្ពុជា-ជប៉ុន ត្រូវបានកសាងឡើងពីឆ្នាំ១៩៦០ រហូតដល់ឆ្នាំ១៩៦៣ មានប្រវែង១.០៨០ម៉ែត្រ និងទទឹង ១៣ម៉ែត្រ។ ស្ពាននេះត្រូវបានបំផ្លាញក្នុងឆ្នាំ១៩៧២ និងត្រូវបានជួសជុលឡើងវិញនៅឆ្នាំ១៩៩៤៕</span></p>
<p> </p>
<p><img src="http://image.freshnewsasia.com/2016/019/03/fn-2016-05-03-13-54-23-1.jpg" alt="" width="730" /></p>
<p><img src="http://image.freshnewsasia.com/2016/019/03/fn-2016-05-03-13-54-23-2.jpg" alt="" width="730" /></p>
<p><img src="http://image.freshnewsasia.com/2016/019/03/fn-2016-05-03-13-54-24-3.jpg" alt="" width="730" /></p>
<p><img src="http://image.freshnewsasia.com/2016/019/03/fn-2016-05-03-13-54-24-4.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>