<p>គម្រោងការប្រកបដោយមហិច្ឆតា ក្នុងការបង្កើតក្រុងរណបដែលមានផ្ទៃដីធំល្មមសម្រាប់ប្រជា<br />ជនប្រមាណ ១៣០លាននាក់នេះ គឺដើម្បីរើការិយាល័យរដ្ឋបាល ចេញពីក្រុងប៉េកាំង។</p>
<p>រយៈពេលជាង ៦៥ឆ្នាំកន្លងមកនេះ រដ្ឋបាលចិន តែងតែធ្វើទៅតាមទម្លាប់ដែលបន្សល់ពីជំនាន់<br />មុនៗ ពោលគឺមន្ត្រីធំៗ រស់នៅ និងធ្វើការនៅក្នុងរដ្ឋធានី ប៉ុន្តែគម្រោងថ្មីរបស់រដ្ឋាភិបាលចិន <br />នឹងកែប្រែទម្លាប់នេះ នៅពេលការិយាល័យរដ្ឋបាល ត្រូវបានគេរើទៅនៅតំបន់ Tongzhou។</p>
<p style="text-align: center;"><a class="thickbox" title="" href="/FileManager/Commons/2015/6/28/26beijing2-web-master675h-28-06-2015--11-37-40.jpg"><img src="/FileManager/Articles/mce/2015/6/28/26beijing2-web-master675h-28-06-2015--11-37-40.jpg" alt="" /></a></p>
<p>នេះគឺជាការប្រឹងប្រែងរបស់ប្រធានាធិបតីចិន លោក ស៊ី ជីនពីង ដើម្បីបង្កើតទីក្រុងថ្មីមួយដែល<br />មានទំហំ ជាង ២០០.០០០គីឡូម៉ែត្រក្រឡា សម្រាប់មនុស្សប្រមាណជា ១៣០លាននាក់។</p>
<p>ទីក្រុងថ្មីនេះត្រូវបានគេហៅថា Jing-Jin-Ji។ Jing សំដៅទៅលើ Beijing (ប៉េកាំង) ចំណែក Jin<br /> គឺ Tianjin រីឯ Ji សំដៅលើឈ្មោះខែតពីដើមរបស់ Hebei។ គំនិតនេះ មានបំណងអភិវឌ្ឍបណ្ដា<br />តំបន់ដែលបានរៀបរាប់។</p>
<p>បណ្ឌិត Li Junfu អនុប្រធានមន្ទីរស្រាវជ្រាវអំពីបញ្ហាទីក្រុងប៉េកាំង ឱ្យដឹងថា ការរើការិយាល័យ<br />រដ្ឋបាលថ្នាក់ទាប ចេញទៅកន្លែងផ្សេងៗ ត្រូវបានគេធ្វើឡើងជាបន្តបន្ទាប់ ចាប់ពីក្រុងប៉េកាំង<br /> មានប្រជាជនកាន់តែច្រើន។ ទីក្រុងរណបដូចជា Tongzhou គឺអាចជម្រុញការអភិវឌ្ឍនៅតំបន់<br />ក្បែរខាង។</p>
<p style="text-align: center;"><a class="thickbox" title="" href="/FileManager/Commons/2015/6/28/26beijing-web-master675-28-06-2015--11-42-26.jpg"><img src="/FileManager/Articles/mce/2015/6/28/26beijing-web-master675-28-06-2015--11-42-26.jpg" alt="" /></a></p>
<p>ថ្វីបើព័ត៌មានលំអិត មិនទាន់ត្រូវបានគេបង្ហើបឱ្យដឹង ប៉ុន្តែ សេចក្ដីប្រកាសមួយចំនួន បានបញ្ជាក់<br />ថា ទីស្នាក់ការគណកម្មការបក្សក្រុង ក៏ដូចជាគណកម្មការនយោបាយមួយចំនួន ក៏នឹងត្រូវរើទៅ<br />កាន់ខណ្ឌ Lucheng ក្នុងក្រុង Tongzhou ដែលមានផ្លូវរថភ្លើងក្រោមដី តភ្ជាប់មករដ្ឋធានីប៉េកាំង។</p>
<p>ទំព័រសារព័ត៌មានរបស់អាជ្ញាធរតំបន់ បានដាក់បំរាមមិនឱ្យធ្វើការសាងសង់នានា។ បំរាមនេះក៏<br />បានកំណត់ថា ប្រជាជនក្នុងតំបន់អាចនឹងត្រូវបានបែងចែកជាពីរប្រភេទ គឺអ្នកក្រុង និងអ្នកក្រៅ<br />ក្រុង។ ប្រការនេះនឹងបញ្ចប់សកម្មភាពកសិកម្ម ហើយអនុញ្ញាតឱ្យមានការអភិវឌ្ឍខ្លាំងក្លាជាង<br />មុន។</p>
<p style="text-align: center;"><a class="thickbox" title="" href="/FileManager/Commons/2015/6/28/cats-1161-1435401539-28-06-2015--11-41-47.jpg"><img src="/FileManager/Articles/mce/2015/6/28/cats-1161-1435401539-28-06-2015--11-41-47.jpg" alt="" /></a></p>
<p>មន្ត្រីអាជ្ញាធរមួយចំនួន នៅក្រុងប៉េកាំង មិនបានទទួលស្គាល់ ហើយក៏មិនបានបដិសេធអំពី<br />គម្រោងដ៏ធំខាងលើនេះ។ ក៏ប៉ុន្តែ មន្ត្រីមួយចំនួនដែលសុំមិនបញ្ចេញឈ្មោះ ឱ្យដឹងថា ការ<br />ប្រកាសអំពីគម្រោងរើទីតាំងរដ្ឋបាលនេះ ប្រាកដជានឹងត្រូវបានធ្វើឡើងនៅក្នុងថ្ងៃបុណ្យឯក<br />រាជ ទី ១តុលាខាងមុខ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ New York Time</p>