<p>យល់ដឹង ៖ ស្រ្តីដែលប្រកបដោយ លក្ខណៈ៣១យ៉ាង ហៅថាស្រីគ្រប់លក្ខណ៍ៈ</p>
<p>១. មិនចេះអេចអូច និយាយដើមគេ ។</p>
<p>២. ចេះគួរសមក្រោក ទទួលមាតាបិតា និងស្វាមី ។</p>
<p>៣. ដឹងគុណ តបគុណ មាតាបិតាញាតិសន្តាន ទាំងពីរខាង ។</p>
<p>៤. មិនចេះ ដេកថ្ងៃ ។</p>
<p>៥. មិនភ្លីភ្លើភ្លេចមុខ ភ្លេចក្រោយ ។</p>
<p>៦. ចេះថែទាំ របស់ទ្រព្យ ។</p>
<p>៧. មិនផិតក្បត់ ស្វាមី ។</p>
<p>៨. មិនចេះ ប្រច័ណ្ឌស្វាមី ។</p>
<p>៩. គ្មានកលមាយា ។</p>
<p>១០. មិនរំសាយសក់ ឲ្យគេឃើញ ។</p>
<p>១១ . មានចិត្តអត់ ធន់ធ្ងន់ធ្ងរ ។</p>
<p>១២. មានជើងស្រាល មិនដើរតន្ត្រំក្តុងក្តាំង ។</p>
<p>១៣. មិនឈរឬអង្គុយ សំញែងកាយឲ្យគេឃើញ ។</p>
<p>១៤. មិនដើរញ៉ិកញ៉ក់ កាច់រាង ។</p>
<p>១៥. ចេះសង្រួមភ្នែក មិនក្រឡេករឡេមរឡាម ។</p>
<p>១៦. មានដំណើរល្អ មិនគ្រលែងកាយចំទយគូទ ។</p>
<p>១៧. មិនបង់បោយញាក់ស្មា គ្រលែងដើមដៃ ។</p>
<p>១៨. មានសំឡេង តិចច្បាស់លាស់ មិននិយាយឡូឡា ។</p>
<p>១៩. មិនចេះឡេះឡោះ លេងសើច ។</p>
<p>២០. មិននិយាយផ្តោះផ្តង ចំពោះបុរសនិងស្រ្តី ។</p>
<p>២១. មិនទំរន់ធ្វើការណា ធ្វើទាល់តែហើយការនោះ ។</p>
<p>២២. ទៅទីណាឆាប់ត្រឡប់វិញ មិនញៀនអង្គុយផ្ទះគេ ។</p>
<p>២៣. ចេះទុកដាក់ឥវ៉ាន់ ក្នុងពេលគួរទុកដាក់ ។</p>
<p>២៤. ចេះរៀបចំ ផ្ទះសំបែង ។</p>
<p>២៥. ចេះតុបតែងគ្រឿង ឧបភោគបរិភោគ ។</p>
<p>២៦. ខ្លាចចិត្តស្វាមីមាតាបិតា ហើយគោរពតាមឱវាទ ។</p>
<p>២៧. បរិភោគចំណីអាហារ ក្រោយស្វាមីនិងមាតាបិតា ។</p>
<p>២៨. ឈប់បរិភោគ មុនស្វាមីនិងមាតាបិតា ។</p>
<p>២៩. ដេកលក់ក្រោយស្វាមី ។</p>
<p>៣០. ភ្ញាក់មុនស្វាមី ។</p>
<p>៣១. មានមេត្តាករុណា ចេះធ្វើបុណ្យទាន ។</p>
<p>ស្ត្រីដែលប្រកបដោយលក្ខណៈ គ្រប់ពេញទាំង៣១នេះ ហៅថាស្រីគ្រប់លក្ខណ៍ បើមិនពេញទេ មានខ្វះខាតខ្លះ ហៅថាស្រីខាតលក្ខណ៍ បើមានត្រង់នេះខ្លះត្រង់នោះ ខ្លះរដាច់រដោចហៅថាស្រី ដាច់លក្ខណ៍ ឬមីកំដាច់លក្ខណ៍ ៕</p>
<p><a class="thickbox" title="" href="/FileManager/Commons/2014/7/12/hour-170-12-07-2014--10-15-19.jpg"><img src="/FileManager/Articles/mce/2014/7/12/hour-170-12-07-2014--10-15-19.jpg" alt="" /></a></p>
<p style="text-align: right;"><a href="http://lookingtoday.com/index.php/entertainment-general-news/32205-2014-07-11-09-18-28.html" target="_blank">ផ្តល់សិទ្ធដោយ ៖ ដើមអម្ពិល</a></p>