<p><span style="color: #000000;"><strong>បាត់ដំបង៖</strong> ទឹកជំនន់នៅតែបន្តលិចលង់ ស្រុក-កុ្រង មួយចំនួន នៅខេត្តបាត់ដំបង ដែលធ្វើឲ្យ កងកម្លាំងអធិការដ្ឋាន កំពុងជួយជម្លៀសប្រជាពលរដ្ឋ មកទីទួលមាន សុវត្ថិភាពពុំ មានគ្រោះថ្នាក់អ្វីទេ។ នេះបើយោងតាមគេហទំព័រ របស់អគ្គស្នងការដ្ឋាននគរបាលជាតិ ចេញផ្សាយនៅថ្ងៃទី២០ ខែកញ្ញា ឆ្នាំ២០១៥។</span></p>
<p><span style="color: #000000;">លោកវរសេនីយ៍ទោ អឿម ទិត្យ អធិការស្រុកបវេល បានឲ្យដឹងថានៅស្រុកបវេលស្ថានភាព ទឹកជំនន់លិច ឃុំ ក្តុលតាហែនកំពស់ 6តឹក លិចលើ 3ភូមិគឺ ភូមិអន្លង់រៃ ភូមិស្រះទឹក និង ភូមិតាគត់សរុប 154គ្រួសារ នៅឃុំអំពិលប្រាំ ដើមទឹកឡើង 4តឹក ទឹកជំនន់ ឃុំបឹងប្រាំស្រកអស់ហើយ។</span></p>
<p><span style="color: #000000;">ចំណែកឯស្រុក សង្កែ នៅថ្ងៃទី១៩ កញ្ញានេះ ទឹកស្ទឹងជំនន់មានប៉ះពាល់ 2ឃុំគឺ ឃុំនរា និងឃុំ វត្តតាមិមសរុប 99គ្រួសារ ប៉ះពាល់ធ្ងន់នៅមិនបាន 17គ្រួសារ។ បានរើផ្ទះចេញ1ខ្នង (ឃុំវត្តតាមិម) មូលហេតុដាច់ជ្រាំងដល់ជើងសរសរទំហំ 3mx4m លិចផ្លូវគ្រួសក្រហមប្រវែង 230m ។</span></p>
<p><span style="color: #000000;">នៅក្នុងថ្ងៃនេះ ក្រុងបាត់ដំបងទឹកជំនន់ដងស្ទឹងសង្កែហក់ឡើងខ្ពស់ គួរកត់សម្គាល់ ហើយមានលិចលំនៅឋានប្រជាពលរដ្ឋ ដែលរស់នៅតាម មាត់ស្ទឹងផងដែរ នេះបើតាមការរាយការណ៍ ពីលោកវរសេនីយ៍ទោ យឹម វិចិត្រ អធិការក្រុងបាត់ដំបង។ចំពោះស្រុកជាប់ព្រំដែន ដែលលិចពីថ្ងៃទី 18.9.2015 មានស្រុកកំរៀង,ភ្នំព្រឹក ,សំពៅលូនបានស្រកហើយ។</span></p>
<p><span style="color: #000000;">បច្ចុប្បន្នសមត្ថកិច្ច បានជូនដំណឹងដល់ប្រជាពលរដ្ឋ រស់នៅតាមមាត់ស្ទឹង និងទីទំនាបឲ្យមានការប្រុងប្រយ័ត្ន។ នគរបាលខេត្តបាត់ដំបង កំពុង តាមដានមើល ទឹកជំនន់ជាបន្ត នឹងត្រៀមកងកម្លាំងចាំជួយ អន្តរាគមន៍គ្រប់ពេល។ សូមបញ្ជក់ថាស្រុកចំនួន ៥នៅខេត្តបាត់ដំបង រងការប៉ះពាល់ពី គ្រោះធម្មជាតិទឹកជំនន់៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/20/v0587-20-09-2015--11-41-32.jpg"><span style="color: #000000;"><img src="/FileManager/Articles/mce/2015/9/20/v0587-20-09-2015--11-41-32.jpg" alt="" /></span></a></span></p>
<p style="text-align: right;"><br />ផ្ដល់សិទ្ធដោយ៖ ដើមអម្ពិល</p>