<p><span style="color: #000000;">សាលាឧទ្ធរណ៍កាលពីម្សិលមិញ បានតម្កល់សាលក្រមផ្តន្ទាទោសឲ្យជាប់ពន្ឋធនាគារ ៣០ ឆ្នាំ អតីតនារីម៉ាស្សា ពីបទសម្លាប់ថៅកែអាយុ ៥៨ ឆ្នាំរបស់ខ្លួន ដោយប្រើកាំបិតចិតបន្លែចាក់ចំនួន ១៨កាំបិត បណ្ដាលឲ្យស្លាប់នៅឯផ្ទះសំណាក់មួយ ក្នុងខេត្តកណ្តាល កាលពីឆ្នាំមុន។</span><br /><span style="color: #000000;"></span><br /><span style="color: #000000;">ឃាតកម្មនេះ បានកើតឡើងនៅវេលាម៉ោងប្រហែល ៧ យប់ ថ្ងៃទី ២១ ខែមករា ឆ្នាំមុននៅផ្ទះសំណាក់ឈ្មោះ ”សំណាងណាស់” ក្នុងឃុំបែកចាន ស្រុកអង្គស្នួល។</span><br /><span style="color: #000000;"></span><br /><span style="color: #000000;">លោកចៅក្រម ចាន់ តារាវ៉ាន់ បានឲ្យដឹងថា ស្ត្រីម្នាក់ឈ្មោះ ផេង ណាន អាយុ ៣៣ ឆ្នាំ ស្នាក់នៅផ្ទះជួល ក្នុងខណ្ឌពោធិ៍សែនជ័យ។ នាងត្រូវបានផ្តន្ទាទោសពីបទឃាតកម្មគិតទុកជាមុន។លោកចៅក្រមបានរៀបរាប់ថា កាលពីថ្ងៃទី ២៥ ខែកក្កដា ឆ្នាំមុន អ្នកស្រី ណាន ត្រូវបានផ្តន្ទាទោស ដោយសាលាដំបូងខេត្តកណ្តាល ហើយត្រូវបានកាត់ទោស ឲ្យជាប់ពន្ឋធនាគារ ៣០ ឆ្នាំ។ តុលាការក៏បានបង្គាប់ឲ្យនាងបង់ប្រាក់ប្រហែល ១ ម៉ឺនដុល្លារ ដល់គ្រួសារជនរងគ្រោះ នួន សុភាព។ លោក នួន សុភាព ជាអ្នកកាសែតក្នុងស្រុកម្នាក់ និងជាម្ចាស់ហាងម៉ាស្សា ដែលជាកន្លែងនាងធ្វើការ នៅខណ្ឌពោធិ៍សែនជ័យ។<br /><br />លោកបានកត់សម្គាល់ថា អ្នកស្រី ណាន មិនទទួលយកការកាត់ទោសនោះទេ ហើយបានអំពាវនាវឲ្យមានការបន្ឋូរបន្ថយទោសដល់រូបនាង។<br /><a class="thickbox" title="" href="/FileManager/Commons/2019/5/25/1-25-05-2019--10-24-16.PNG"><span style="color: #000000;"><img src="/FileManager/Articles/mce/2019/5/25/1-25-05-2019--10-24-16.PNG" alt="" /></span></a><br />លោកចៅក្រម តារាវ៉ាន់ បាននិយាយថា ”ក្នុងពេលនៃការជំនុំជម្រះនេះ នាងបានសារភាពថា នាងបានសម្លាប់ថៅកែរបស់នាង ក្នុងបំណងលួចលុយពីគាត់ ហើយយកទៅជួយប្តីរបស់នាង ដែលត្រូវជាប់គុកពីបទជួញដូរគ្រឿងញៀន” ។ ដើម្បីសម្លាប់ថៅកែ នាងបានល្បួងឲ្យគាត់រួមដំណេកជាមួយនាងនៅឯផ្ទះសំណាក់។ ”<br />បន្ទាប់ពីរួមភេទហើយ នៅពេលដែលជនរងគ្រោះដេកលង់លក់ នាងក៏បានយកកាំបិតចិតបន្លែ ចាក់ទៅលើគាត់ចំនួន ១៨ កាំបិត បន្ទាប់ពីគាត់បានស្លាប់ នាងបានយកទ្រព្យសម្បត្តិរបស់គាត់ ហើយបានគេចខ្លួនបាត់ទៅ។<br /><br />ចៅក្រម តារាវ៉ាន់ បន្តថា អ្នកស្រី ណាន អាចត្រូវបានកាត់ទោសឲ្យជាប់ពន្ធនាគារអស់មួយជីវិត ប៉ុន្តែតុលាការខេត្តកណ្តាល កាត់ទោសនាងតែ ៣០ ឆ្នាំប៉ុណ្ណោះ។<br /><br />លោកបានមានប្រសាសន៍ថា ”ដោយផ្អែកលើសវនាការ និងចម្លើយសារភាពរបស់ជនជាប់ចោទ សាលាឧទ្ធរណ៍បានរកឃើញថា ការវិនិច្ឆ័យរបស់សាលាដំបូងខេត្តកណ្តាលថ្ងៃទី ២៥ ខែកក្កដា ឆ្នាំ២០១៨ គឺត្រឹមត្រូវ ធ្វើឡើងស្របតាមច្បាប់របស់កម្ពុជា”។ ដូច្នេះតុលាការឧទ្ធរណ៍បានសម្រេចតម្កល់សាលក្រម ស្ដីពីការដាក់ទោសទៅលើរូបនាង។លោកចៅក្រម តារាវ៉ាន់ បានប្រាប់ទៅ អ្នកស្រី ណាន ថា នាងនៅតែអាចប្តឹងទៅតុលាការកំពូល ប្រសិនបើនាងមិនពេញចិត្តនឹងសេចក្តីសម្រេចរបស់តុលាការឧទ្ធរណ៍។<br /><br />អ្នកស្រី ណាន បដិសេធមិនធ្វើអត្ថាធិប្បាយលើសេចក្តីសម្រេចនេះទេកាលពីម្សិលមិញ ៕</span></p>
<p><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/24/khmertime-24-05-2019--10-32-10.png" alt="" /></a></p>
<p style="text-align: right;"><span style="font-size: 12px; text-align: right; color: #000000;">ប្រភព ៖ ខ្មែរថាម</span></p>