<p><span style="color: #000000;"><strong>(ប៉ៃលិន)៖</strong> បុរសម្នាក់ត្រូវ ម្តាយបង្កើតបដិសេធ រឿងចូលស្តីដណ្តឹងកូនក្រមុំគេ មូលហេតុតែជីវភាពគ្រួសារភាពខ្វះខាត ក៏គិតខ្លីចងក បញ្ចប់ជីវិត នៅព្រឹកថ្ងៃទី០៥ ខែតុលា ឆ្នាំ២០១៦នេះ ស្ថិតក្នុងភូមិថ្នល់ទទឹង ឃុំអូរអណ្ដូង ស្រុកសាលាក្រៅ ខេត្តប៉ៃលិន។</span></p>
<p><span style="color: #000000;">មន្ដ្រីនគរបាលប៉ុស្តិ៍រដ្ឋបាល ស្រុកសាលាក្រៅ បានប្រាប់ភ្នាក់ងារ Fresh News ថាជនរងគ្រោះឈ្មោះ ឆែម ចាន់ថន អាយុ៣១ឆ្នាំ រស់នៅភូមិកើតហេតុខាងលើ មូលហេតុ ដោយពីរបីថ្ងៃមុន ជនរងគ្រោះបានសុំម្តាយចូលដណ្តឹងប្រពន្ធ តែម្តាយបានបដិសេធដោយសារ ពុំទាន់មានលុយ បន្ទាប់មកក៏មានការឈ្លោះប្រកែកគ្នា ជារឿយៗលុះរហូតមកដល់ព្រឹកកើតហេតុ ក៏បានឃើញជនរងគ្រោះធ្វើអត្តឃាត ចងក សម្លាប់ខ្លួនតែម្តង គ្មានស្តាយស្រណោះម្តាយជរានោះទេ។</span></p>
<p><span style="color: #000000;">ក្រោយពេលពិនិត្យសពរួចរាល់ សមត្ថកិច្ចជំនាញរកឃើញថា ជនរងគ្រោះពិតជាចង់កសម្លាប់ខ្លួន ពិតប្រាកដមែនហើយបានប្រគល់ឲ្យ ក្រុមគ្រួសារ ដើម្បីធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-10-05-10-09-10-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>