<p><span style="font-size: 12px; color: #000000;">ស្ត្រីម្នាក់ និងកូនស្រីជំទង់របស់របស់ខ្លួន ដែលបានបើកឡានពីកោះសាមុយដើម្បីមកទទួលយកមរតកដីធ្លី ត្រូវបានប្រជាពលរដ្ឋប្រទះឃើញដេកស្លាប់ ក្នុងរថយន្តរបស់ពួកគេ មុនពេលដែលប័ណ្ណកម្មសិទ្ធិដីធ្លីអាចត្រូវបានផ្ទេរ។</span></p>
<p><span style="color: #000000;"> សាកសពរបស់អ្នកស្រី Areeya Sopharak អាយុ ៣៤ ឆ្នាំ មកពីស្រុកកោះ Samui ខេត្ដ Surat Thani ស្ថិតនៅលើកៅអីអ្នកបើកបរ ចំណែកសាកសពកូនស្រីរបស់គាត់អាយុ ១៤ ឆ្នាំឈ្មោះនាង Alilata Sae Hor បានដេកស្លាប់លើកៅអីអ្នកដំណើរខាងមុខ នៃរថយន្ត ដែលចាក់សោជាប់ កាលពីព្រឹកថ្ងៃអង្គារ។</span></p>
<p><span style="color: #000000;"><a class="thickbox" title="" href="/FileManager/Commons/2018/4/10/10-10-04-2018--11-34-50.png"><img src="/FileManager/Articles/mce/2018/4/10/10-10-04-2018--11-34-50.png" alt="" /></a><br /></span></p>
<p class="pre-ads"><span style="color: #000000;">រថយន្ដរបស់ពួកគេ បានចតនៅកណ្ដាលចម្ការដូង នៅលើដីរបស់អ្នកស្រី Areeya ដែលពួកគេ បានទទួលជាមរតកនៅភូមិ Ban Saithong ស្រុក Muang ។</span></p>
<p class="pre-ads"><span style="color: #000000;">ប៉ូលីស ដែលបានទូរស័ព្ទទៅកន្លែងកើតហេតុ កាលពីវេលាម៉ោង ៩ ព្រឹកថ្ងៃអង្គារ បាននិយាយថា ពុំមានសញ្ញានៃការរើបំរះ នៅក្នុងរថយន្តនោះឡើយ ហើយម៉ាស៊ីនត្រូវបានពន្លត់ បង្អួចទៀតសោត ក៏បានបិទជិតផងដែរ។</span></p>
<p class="pre-ads"><span style="color: #000000;"><a class="thickbox" title="" href="/FileManager/Commons/2018/4/10/11-10-04-2018--11-35-00.png"><img src="/FileManager/Articles/mce/2018/4/10/11-10-04-2018--11-35-00.png" alt="" /></a><br /></span></p>
<p><span style="color: #000000;">លោកស្នងការ Theerakorn Thairit អធិការរងផ្នែកស៊ើបអង្កេត នៅស្នងការប៉ូលិស Muang បាននិយាយថា ពុំមានស្នាមជាំនៅលើសាកសពរបស់ពួកគេទេ។ ការសន្និដ្ឋានរបស់ប៉ូលីសជំហានដំបូងនោះគឺថា ម្ដាយកូនទាំងពីរនាក់នេះ អាចថប់ដង្ហើមស្លាប់ នៅក្នុងរថយន្ត ដែលត្រូវបានចាក់សោជាប់។</span><br /> <br /><span style="color: #000000;"> លោកបាននិយាយថា អ្នកស្រី Areeya បានបើកអាជីវកម្មមួយ នៅលើកោះសាមុយ ខេត្តស៊ូរ៉ាតថានី។ ឪពុកម្តាយ ដែលចែកឋានរបស់អ្នកស្រី បានរស់នៅក្នុងភូមិ Ban Saithong ។</span></p>
<p><span style="color: #000000;">កាលពីយប់ថ្ងៃច័ន្ទ អ្នកស្រីបានបើករថយន្ដចេញពីកោះទេសចរណ៍នេះ ជាមួយកូនស្រីរបស់ខ្លួន ត្រឡប់ទៅភូមិកំណើតរបស់អ្នកស្រីវិញក្នុងខេត្ត Nakhon Si Thammarat ដើម្បីទទួលការផ្ទេរកម្មសិទ្ធិដីប្លុកដែលអ្នកស្រី បានទទួលជាមរតកពីឪពុកម្តាយរបស់អ្នកស្រី។</span><br /> <br /><span style="color: #000000;"> គេជឿជាក់ថា អ្នកស្រីបានមកដល់ភូមិនេះ នៅវេលារំលងអាធ្រាត្រ ហើយប្រហែលជាអ្នកស្រី មិនចង់រំខានសាច់ញាតិរបស់ខ្លួនដើម្បីសុំកន្លែងគេង នៅពេលយប់នោះទេ។ បន្ទាប់មក អ្នកស្រី និងកូនស្រីរបស់ខ្លួន បានដេកនៅក្នុងរថយន្ដ ដែលពន្លត់ម៉ាស៊ីនចាក់សោ និងបិទទ្វារបង្អួចទាំងអស់។</span></p>
<p><span style="color: #000000;">សាច់ញាតិរបស់អ្នកស្រី បានប្រាប់ប៉ូលីសថា ពួកគាត់បានឃើញរថយន្តមួយចត នៅចំកណ្ដាលចម្ការដូងនៅព្រឹកព្រលឹម ហើយដំបូងឡើយ ពួកគាត់មិនបានដឹងថា ជារថយន្ដអ្នកណាឡើយ។</span><br /> <br /><span style="color: #000000;"> នៅពេលពួកគាត់ទៅមើល ពួកគាត់ ក៏បានឃើញអ្នកស្រី អារីយ៉ា និងកូនស្រីរបស់អ្នកស្រី នៅខាងក្នុងរថយន្ដ ដែលមើលទៅហាក់ដូចជាកំពុងដេកលង់លក់។ ពួកគាត់ បានគោះទ្វារជាច្រើនដង ប៉ុន្តែម្ដាយកូនទាំងពីរពុំបើកទ្វារនោះទេ ។ ដោយបារម្ភថា ម្ដាយកូនទាំងពីរឈឺ ពួកគាត់ ក៏បានខលហៅក្រុមជួយសង្គ្រោះ។</span></p>
<p><span style="color: #000000;">ក្រុមអ្នកជួយសង្គ្រោះ ក៏បានព្យាយាមដាស់ពួកគេឱ្យភ្ញាក់ពីដេក តែពុំមានការឆ្លើយតបអ្វីសោះ ទើបសម្រេចចិត្ត វាយបំបែកបង្អួចរថយន្ដ។ ពួកគេ បានពិនិត្យមើលទើបដឹងថា ម្ដាយកូនទាំងពីរ បានស្លាប់បាត់បង់ជីវិតទៅហើយ ។ សាច់ញាតិ ដែលកំពុងកើតទុក្ខ បាននិយាយថា ម្ដាយកូនទាំងពីរ នឹងមិនស្លាប់នោះទេ ប្រសិនបើពួកគេ តេមកពួកគាត់ ហើយដេក នៅក្នុងផ្ទះរបស់ពួកគាត់។</span><br /> <br /><span style="color: #000000;"> លោក Adisak Theppawan អគ្គស្នងការប៉ូលីស Muang បាននិយាយថា មូលហេតុនៃការស្លាប់មិនទាន់ត្រូវបានបញ្ជាក់នៅឡើយទេ។ សាកសពម្ដាយកូនទាំងពីរ ត្រូវបានបញ្ជូន ទៅកាន់មន្ទីរពេទ្យមួយកន្លែងដើម្បីធ្វើកោសល្យវិច្ច័យ ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/4/10/mkn-10-04-2018--09-11-54.png" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ Bangkokpost</span></p>