<p><span style="color: #000000;"><strong>ភ្នំពេញ ៖</strong> ជនមិនស្គាល់មុខ មានគ្នាពីរនាក់ ជិះម៉ូតូមួយគ្រឿង បានធ្វើសកម្មភាពជះទឹកអាស៊ីតដាក់ប្រធានភូមិបឹង សាឡាង បណ្តាលឲ្យរងរបួសធ្ងន់ កាលពីព្រឹកព្រលឹមថ្ងៃទី២៨ ខែវិច្ឆិកា ឆ្នាំ២០១៥នេះ ហើយត្រូវបានសាច់ញាតិ ដឹកយកទៅសង្រ្គោះនៅមន្ទីរពេទ្យកាល់ម៉ែត ។</span></p>
<p><span style="color: #000000;">លោក ទៀង ចាន់សា បានបន្តថា ជនរងគ្រោះឈ្មោះ ញ៉ឹម សូផាត ភេទប្រុស អាយុ៦៧ឆ្នាំ ទីលំនៅផ្ទះ ៣៨១ ផ្លូវរថភ្លើង ក្រុមទី៨ ភូមិបឹងសាឡាង សង្កាត់ឬស្សីកែវ ។</span></p>
<p><span style="color: #000000;">លោកអធិការបានបន្តថា មុនកើតហេតុ ជនរងគ្រោះងើបពីសំរាន មកហាត់ប្រាណ នៅលើផ្លូវដើរមុខផ្ទះ ចំណែកឯជនសង្ស័យមានគ្នាពីរនាក់ មិនស្គាល់អត្តសញ្ញាណ ជិះម៉ូតូមួយគ្រឿងមិនស្គាល់ម៉ាក ពេលធ្វើ សកម្មភាព រួចជិះម៉ូតូតាមបណ្តោយផ្លូវរថភ្លើងគេចខ្លួនបាត់ ។ តែយ៉ាងក៏ដោយនៅពេលនេះ កម្លាំងនគរបាល របស់លោក បាននិងកំពុងធ្វើការស្រាវជ្រាវ យ៉ាងយកចិត្តទុកដាក់ ដើម្បីតាមចាប់ក្រុមជនដៃដល់ ។</span></p>
<p><span style="color: #000000;">ករណីនេះ សមត្ថកិច្ចសន្និដ្ឋានថា អាចជារឿងគំនុំ ទោះជាយ៉ាងណាក៏ដោយ សមត្ថកិច្ចកំពុងតែស្វែងរកជនល្មើស ដើម្បីចាត់ការតាមច្បាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/28/11-28-2015-10-03-31-am-28-11-2015--10-10-22.png"><span style="color: #000000;"><img src="/FileManager/Articles/mce/2015/11/28/11-28-2015-10-03-31-am-28-11-2015--10-10-22.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>