<p><span style="color: #000000;"><strong>(ភ្នំពេញ)៖</strong>ពិតជាមានអត្ថន័យជ្រាលជ្រៅ មិនអាចកាត់ថ្លៃបាន ចំពោះក្ដីស្រឡាញ់រវាងឪពុក និងកូនស្រី ខណៈដែលេពេលវេលា ហាក់ដើរលឿនណាស់ក្នុងមួយប៉ប្រិចភ្នែក ។ គិតត្រឹមថ្ងៃទី២១ ខែមករា ឆ្នាំ២០១៦នេះ តារាចម្រៀង និងជាតារាសម្ដែង លោក យ៉ែម សំអូន បានបែកពីកូនស្រីសំណប់ចិត្ត ស្រឡាញ់ស្មើនឹងកែវភ្នែក រយៈពេល១ឆ្នាំគត់ បន្ទាប់ពីមានភាពចម្រូងចម្រាស់គ្នា ជាមួយភរិយា គឺអ្នកនាង យ៉ាន លីនដា រហូតមានពាក្យបណ្ដឹងលែងលះគ្នា កាលពីពេលកន្លងទៅ ពីសំណាក់ក្រុមគ្រួសារអ្នកសិល្បៈរូបនេះ ។</span></p>
<p><span style="color: #000000;">ក្រោយពីភរិយាបានដាច់ចិត្ត ចាកចេញឆ្ងាយ ដោយនាំទាំងកូនស្រីទៅ រស់នៅឯនាយសមុទ្រ នៃទឹកដីប្រទេសអូស្រ្តាលីរួចមក គេឃើញលោក យ៉ែម សំអូន កំពុងតែរស់នៅម៉ង់ៗ តែម្នាក់ឯងក្នុងប្រទេសកម្ពុជា អមជាមួយនឹងភាពឯកា ដែលមានតែការងារសិល្បៈខ្លះៗ ធ្វើឡើងដើម្បីបន្លប់ទុក្ខប៉ុណ្ណោះ ។ យ៉ាងណាក្ដី ភរិយារបស់លោក បានប្រកាន់ជំហដាច់ខាតថា មិនវិលរកលោក យ៉ែម សំអូន វិញឡើយ បើទោះបីជាមានការសម្របសម្រួល ពីភាគីណាក៏ដោយ រហូតដល់នាងសម្រេចចិត្ត បញ្ជូនមេធាវីមកស្រុកខ្មែរ ដើម្បីធ្វើការលែងលះ តាមផ្លូវច្បាប់ទៀតផង។</span></p>
<p><span style="color: #000000;">ពាក្យចាស់តែងពោលថា« កាត់ទឹកមិនដាច់ កាត់សាច់មិនបាន» យ៉ាងណាមិញ បើទោះជាលោក យ៉ែម សំអូន និងភរិយា ឈានដល់ការលែងលះគ្នា គ្មានថ្ងៃជួបវិញក្ដី ប៉ុន្តែដំណក់ឈាមរួមគ្នា គឺកូនស្រីបណ្ដូលចិត្តម្នាក់ លោកពិតជាមិនអាចកាត់បានឡើយ ក្នុងមួយជីវិតនេះ ។ លោក យ៉ែម សំអូន បានសុខចិត្តទទួលយកកំហុសគ្រប់យ៉ាង ធ្វើយ៉ាងណាឲ្យតែបានជួបកូនស្រីបណ្ដូលចិត្ត ស្មើនឹងកែវភ្នែករបស់លោក។ នៅថ្ងៃនេះ លោកបានបង្ហាញសារ គួរឲ្យស្រណោះស្រណោក ផ្ញើជូនដល់កូនស្រីពីចម្ងាយ បញ្ជាក់ពីទំហំទឹកចិត្តឪពុក ហើយពេលបានអាន អាចមានអ្នកខ្លះចង់រលីងរលោងទឹកភ្នែក ស្លុងនឹងពាក្យពេចន៍របស់លោក ក៏ថាបាន ។</span></p>
<p><span style="color: #000000;">លោក យ៉ែម សំអូន បានសរសេរក្នុង Facebook ផ្ទាល់របស់លោកថា «មែនហើយ ពេលវេលាពិតជាដើរលឿនណាស់ ប៉ុន្តែប៉ាប៉ា នៅចាំច្បាស់ ស្នាមញញឹម ដែលមាននៅក្នុងរូបថតមួយសន្លឹកនេះ គឺបញ្ជាក់ថា ប៉ាប៉ាបានបែកពីកូនស្រី រយៈពេលមួយឆ្នាំហើយ 21-01-2015 រហូតមកដល់ពេលនេះ ប៉ាប៉ាពិតជា នឹកកូនខ្លាំងណាស់ ហើយប៉ាសូមទោសកូន តែប៉ាប៉ាជឿជាក់ថា ពីរនាក់ប៉ាកូនយើងនឹងបានជួបគ្នា ហើយកូនក៏ធ្លាប់បានសន្យានឹងប៉ាហើយ នៅថ្ងៃណាដែលព្រម និងចង់ជួប ប៉ាប៉ា មិនថាពេលវេលា និងទីកន្លែងឆ្ងាយយ៉ាងណា ក៏ ប៉ាប៉ានឹងទៅជួបកូនភ្លាម ។ ហើយប៉ានៅរក្សាជំហរដដែល ប៉ាដែលផ្លាស់ប្ដូរខ្លួនឯង ថាប៉ាមានកូន និងស្រលាញ់កូន ស្មើនឹងជីវិតរបស់ប៉ា ផ្លូវនៅវែងឆ្ងាយសំរាប់កូន ហើយមានតែពេលវេលាមួយគត់ ដែលអាច បញ្ជាក់អំពីគុណតម្លៃរបស់យើង ហើយថា តើយើងនឹងដើរដល់កំរិតណា តែប៉ាប៉ានៅតែមានសង្ឃឹម និងមានមោទនភាព ចំពោះកូនស្រីដ៏រឹងមាំ របស់ ប៉ាប៉ា»។</span></p>
<p><span style="color: #000000;">លោក បានបន្តទៀតថា «ប៉ាសូមជូនពរកូនស្រីតែមួយរបស់ប៉ា ជួបតែសេចក្ដីសុខ រៀនពូកែ និងសូមឲ្យកូនក្លាយជាមនុស្សដ៏ល្អសម្រាប់អ្នក គ្រប់គ្នាហើយកុំភ្លេចសន្យា ជាមួយប៉ាប៉ាផង ប៉ាស្រឡាញ់ និងនឹកកូនជារៀងរហូត@ronnyyem..»៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12418108_1325807264112247_1683575539290335523_n.png?oh=c226adc05e0b2a6c0a7bbb4f340a9dc1&oe=57389A58" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xtp1/v/t1.0-9/12495206_240901472907584_2814595031838538107_n.jpg?oh=11bf1865dfc75dbc00b795a193473a6f&oe=5735904B&__gda__=1464425085_a04916ac93bd547add94b241d2327972" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12549064_1019345201457316_3357178137464727601_n.jpg?oh=59af7f18fcaecb0281d577dd949e297d&oe=5700DA7D" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xat1/v/t1.0-9/12046733_970629816328855_5833990910449319208_n.jpg?oh=2d19d989969bd57ee6890d05c8d66336&oe=57306FDB" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xta1/v/t1.0-9/11960234_954508074607696_9133439992843755389_n.jpg?oh=e0f1901d205ffb7a902d51e9160ef2a0&oe=574486C8" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xfp1/v/t1.0-9/12507279_240619189602479_5612753664903987766_n.jpg?oh=ca8927d84a98be68ef8fe9b2349bfd96&oe=56FE3070&__gda__=1463515641_1fa1ae310a53f7dc94752df16f12d887" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/72372_239684399695958_6106543246039958497_n.jpg?oh=42b1687f6b5a1d4a9afca2281e2108db&oe=5743A86D" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12400503_239450159719382_687744970599495656_n.jpg?oh=baf2e27d7e670c1161531b825a5c189f&oe=57309087" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/1003612_239343309730067_2369298955768094987_n.jpg?oh=e3443a2f7304c7a5d70c361c1a127e95&oe=5747701B" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12400453_238499416481123_4346951781319012449_n.jpg?oh=c027085289c3ac679943fd8795166733&oe=574555DA" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xtp1/v/t1.0-9/12540821_237215303276201_4124814863136446909_n.jpg?oh=527212900b0d1f4a078ee90e13e7be0d&oe=57041CEB&__gda__=1462758621_39675479ed6754bc3d3a4e1bd45bbe5d" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/11745559_1432790573715962_2062912651440381575_n.jpg?oh=429eceabb6a417c54d3237fa05fd0ce0&oe=574714AD" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>