<div class="article-content">
<p><strong>ភ្នំពេញ ៖</strong> ជនសង្ស័យមួយក្រុម ដោយ ក្នុងនោះ ម្នាក់ដែលជាមេខ្លោងត្រូវបានគេ អះអាងថា ត្រូវ<br />ជាកូនប្រុសលោក ឃុន រ៉ាន់ ប្រធានសាខាគយ ខេត្ដកំពង់ចាម ត្រូវ បានក្រុមគ្រួសារមួយ ដាក់<br />ពាក្យបណ្ដឹងទៅ កងរាជអាវុធហត្ថ រាជធានីភ្នំពេញ ដោយ ប្ដឹងចោទប្រកាន់ពីបទ បង្កហិង្សាវាយ<br />បំផ្លិច បំផ្លាញទ្រព្យសម្បត្ដិ និងប្លន់យកលុយអស់ ជាង ១.០០០ ដុល្លារ ។</p>
<p>មុនឈានដល់ការប្ដឹងផ្ដល់ខាងលើនេះ គឺនៅវេលាម៉ោងប្រមាណជា ១០យប់ ថ្ងៃ ទី២៨ ខែមេសា <br />ឆ្នាំ ២០១៣ នៅចំណុច ស្ដុបពេទ្យចិន ក្នុងទឹកដីខណ្ឌ ៨មករា មាន កើតករណីបង្កហិង្សា និងវាយ<br />បំផ្លិចបំផ្លាញ ទ្រព្យសម្បត្ដិមួយករណី ដែលបង្កដោយ មនុស្សមួយក្រុម ដោយក្នុងនោះគេដឹងថា ដឹក<br />នាំដោយឈ្មោះ ឃុន ដូរ៉េ ជាកូនប្រុស របស់លោក ឃុន រ៉ាន់ ប្រធានសាខាគយ និងរដ្ឋាករខេត្ដកំពង់<br />ចាម រួមជាមួយបក្ខពួក ប្រមាណ ៥-៦នាក់ទៀត ។ ចំណែកភាគី រងគ្រោះ ត្រូវបានគេដឹងថា ជាក្រុម<br />គ្រួសារ មួយដែលមានឪពុក និងកូនស្រី-ប្រុស ចំនួន ៣នាក់ទៀត ជិះរថយន្ដម៉ាកលុច្សស៊ីស ៣០០ <br />ពណ៌ស ១គ្រឿង ពាក់ស្លាកលេខ ភ្នំពេញ 2V-6283 ដែលឪពុកមានឈ្មោះ ជៀប អូឡែន និងកូន<br />ប្រុសម្នាក់ឈ្មោះ ឡែន ង៉ែត ភេទប្រុស អាយុ ២៤ឆ្នាំ និង កូនស្រីម្នាក់ទៀត ឈ្មោះ ជា គឹមឡាយ <br />អាយុ ២១ឆ្នាំដែលបច្ចុប្បន្ន ពួកគេមានទី លំនៅ ក្នុងសង្កាត់ទំនប់ទឹក ខណ្ឌចំការមន។</p>
<p>យោងតាមប្រភពព័ត៌មាន បានឱ្យដឹង ថា រវាងកូនលោក ឃុន រ៉ាន់ ឈ្មោះ ឃុន ដូរ៉េ និងស្ដ្រីរងគ្រោះ <br />ជា គឹមឡាយ កន្លង មក ធ្លាប់មានទំនាក់ទំនងស្នេហានឹងគ្នា តែ បានបែកគ្នាអស់រយៈពេល ២-៣ឆ្នាំ<br />មកហើយ ដោយសារតែឈ្មោះ ឃុន ដូរ៉េ មាន ប្រពន្ធ និងកូនម្នាក់ ។</p>
<p>លុះនៅមុនពេលកើត ហេតុ ខណៈដែលស្ដ្រីឈ្មោះ ជា គឹមឡាយ រួមជាមួយបងប្អូនទៅហូបចុក នៅ<br />ក្នុងហាង មួយ ក្បែរកន្លែងកើតហេតុចៃដន្យក៏បាន ជួបឈ្មោះ ឃុន ដូរ៉េ រួមជាមួយបក្ខពួក កំពុងហូប<br />ចុកនៅហាងនោះដែរ ។ ពេល ឈ្មោះឃុន ដូរ៉េ ឃើញឈ្មោះ ជា គឹមឡាយ ដែលជាស្រីធ្លាប់ស្រ-<br />ឡាញ់ពីមុន ក៏ចាប់ផ្ដើម រករឿង ព្រោះកន្លងមក ក្រោយពេលបែក បាក់គ្នា រូបគេធ្លាប់បោះពាក្យសំដី<br />ថា នឹងមិន ឱ្យនាងបានសុខ បានរៀបការជាមួយប្រុសថ្មី ឡើយ ។ ដូច្នេះហើយពេលបានជួបឈ្មោះ<br /> ឃុន ដូរ៉េ ក៏ចាប់ផ្ដើមរករឿងបង្កជម្លោះ ទាស់ទែងពេញក្នុងហាងតែម្ដង ធ្វើឱ្យឈ្មោះ ជា គឹមឡាយ <br />ទូរស័ព្ទហៅឪពុក និងបង ប្រុសមកជួយ ហើយពេលមកដល់ក៏មាន ការប្រកែកគ្នា ហើយម្ចាស់ហាង<br />ក៏ស្នើឱ្យពួក គេចេញ ព្រោះមិនចង់ឱ្យមានបញ្ហានៅក្នុង ហាងរបស់ពួកគេ ហើយខណៈភាគីទាំងពីរ <br />ចេញមកខាងក្រៅហាង ស្រាប់តែភាគីបង្ក ដែលមានគ្នា ៥-៦នាក់ ព្រួតគ្នាវាយទៅលើ ភាគីទាំង ៣<br />នាក់ឡើងទ្រោមខ្លួន រួចហើយ វាយកម្ទេចរថយន្ដឡើងទន្ទ្រាំពីលើ រងនូវ ការខូចខាតយ៉ាងដំណំ ហើយ<br />បន្ទាប់មក ទើបកម្លាំងសមត្ថកិច្ច ចុះទៅអន្ដរាគមន៍ធ្វើ ឱ្យភាគីបង្កនាំគ្នារត់គេចខ្លួនបាត់អស់ទៅ ដោយ<br />បន្សល់ទុកនូវរថយន្ដម៉ាកឡង់រឺវ៉ែរ ពណ៌ស ១គ្រឿង ពាក់ស្លាកលេខ ភ្នំពេញ 2T-3277 ដែលរថយន្ដ<br />ខាងលើនេះត្រូវបាន គេអះអាងថា ជារថយន្ដឈ្មោះ ឃុន ដូរ៉េ ជិះ ទើបសមត្ថកិច្ចអូសយករថយន្ដរបស់<br /> ជនបង្ក និងរថយន្ដជនរងគ្រោះទៅទុកនៅ ទីបញ្ជាការកងរាជអាវុធហត្ថ រាជធានីភ្នំ ពេញ ដើម្បីឱ្យជន<br />រងគ្រោះដាក់ពាក្យបណ្ដឹង ទៅតាមផ្លូវច្បាប់ ។</p>
<p>នៅព្រឹកថ្ងៃទី២៩ ខែមេសា នេះ ភាគី ជនរងគ្រោះ បានចូលទៅដាក់ពាក្យបណ្ដឹង ដល់ជនបង្ក និងបក្ខ<br />ពួកហើយ ដោយចោទ ប្រកាន់ ៣ ចំណុច រួមមាន ទី១ ពីបទ ហិង្សាដោយចេតនា ទី២ ពីបទ វាយបំផ្លិច<br /> បំផ្លាញទ្រព្យសម្បត្ដិ (រថយន្ដ)ទី៣ ពីបទ ប្លន់យកលុយអស់ជាង ១ពាន់ដុល្លារ ។</p>
<p>មន្ដ្រីអាវុធហត្ថបានឱ្យដឹងថា ពាក់ព័ន្ធ ករណីខាងលើនេះ សមត្ថកិច្ចបានស្គាល់អត្ដ សញ្ញាណ របស់ជន<br />សង្ស័យរួចអស់ហើយ ដោយរង់ចាំតែកោះហៅ ចូលខ្លួនមកបំភ្លឺ តែប៉ុណ្ណោះ ។ ដោយឡែកភាគីជនបង្ក<br /> ឈ្មោះ ឃុន ដូរ៉េ ដើមអម្ពិលមិនអាចទាក់ ទងសុំការបំភ្លឺបានឡើយ ពាក់ព័ន្ធទៅនឹង សកម្មភាពល្មើស<br />ច្បាប់ខាងលើនេះ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/April/id-015/T-0713.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0714.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>