<p><span style="color: #000000;"><strong>ភ្នំពេញ៖</strong> បន្ទាប់ពីក្ដោបក្ដាប់ បានតំណែងជាតួឯក ក្នុងខ្សែភាពយន្តរឿង "កំណប់បះសក់" ដែលទើប តែថតចប់កាលពី ពេលថ្មីៗនេះរូចមក តារាសម្ដែងរាងតូចច្រឡឹង ចង្កេះអង្ក្រងស្រីស្រស់មាណវី សៀក សរុណា កំពុងតែញាប់ដៃញាប់ជើង ក្នុងការសម្ដែង ក្នុងរឿងមួយទៀត មានចំណងជើងថា "កូនខ្ញុំចម្លែក" ជាវណ្ណកម្មថ្មី របស់ផលិតកម្ម Eye Love Film ជាភាពយន្តខ្នាតធំ បែប3D ។</span></p>
<p><span style="color: #000000;">ការដើរឆ្ពោះទៅកាន់វិថីសិល្បៈ យ៉ាងពេញទំហឹង និងទទួលបាននូវ តំណែងជាតួឯក ជាបន្តបន្ទាប់ នេះ គឺដោយសារតែទេពកោសល្យ ច្បាស់លាស់ ក្នុងការសម្ដែងរបស់ សៀក សរុណា អមដោយ សម្រស់ល្អឯក អំណោយផលពីធម្មជាតិ ធ្វើឲ្យអ្នកដឹងនាំរឿង មិនអាចមើលរំលងនាងបាន។ ការងារ សិល្បៈ របស់នួននាង សៀក សរុណា ត្រូវបានគេដឹងយ៉ាងប្រត្យក្សថា កំពុងតែមមាញឹក ជាប់រដឹក ពីមួយថ្ងៃទីមួយថ្ងៃ អាចនិយាយបានថា នាងកំពុងតែកាក់កប ជាមួយអាជីពមួយនេះ ។</span></p>
<p><span style="color: #000000;">តារាសម្ដែងចង្កេះរាងរាវ សមជានារីខ្មែរបែបអង្គរ សៀក សរុណា បានថ្លែងឲ្យដឹងថា ជាការពិត អាជីពសិល្បៈរបស់នាង កំពុងតែដើរលូនទៅមុខ យ៉ាងសុខស្រួល ខណៈដែលមានផលិតកម្មផ្សេងៗ ទាក់ទងជាហូរហែ ថតទាំងរឿងសម័យ និងរឿងបុរាណ ។ ប៉ុន្តែរឿងដែលនាង បានសម្ដែង ភាគ ច្រើន ជារឿងបែបខ្មោច ព្រាយបិសាច ភ័យរន្ធត់ ព្រឺព្រួច ជាក់ស្ដែងដូចជារឿង "កំណប់បះសក់" ថតចប់ថ្មីៗនេះ និងរឿង "កូនខ្ញុំចម្លែក" ដែលកំពុងថតរាល់ថ្ងៃនេះ ជាដើម ។</span></p>
<p><span style="color: #000000;">សៀក សរុណា និយាយថា "ខ្ញុំទទួលបានការងារសម្ដែង រាល់ថ្ងៃ តែថាកាក់កបទៅ...!ដូចជាមិនកាក់ កប ប៉ុន្មានទេ ..ព្រោះអ្នកសិល្បៈតែប៉ុណ្ណឹងបង..!។ ឲ្យតែមានគេទាក់ទង ខ្ញុំទទួលទាំងអស់ហ្នឹង ហើយក៏មិនប្រកាន់ថា តួឯក ឬមិនតួឯកនោះដែរ យើងមិនត្រូវប្រកាន់ពេកទេ ..ខ្ញុំគិតបែបហ្នឹង ព្រោះ តួឯក គឺជាតួនាទីរបស់អ្នកដឹងនាំរឿង ជ្រើសរើស ហើយគាត់ពេញចិត្ត អ្នកណា ក៏ខ្ញុំមិនអន់ចិត្ត អីដែរ...!"។</span></p>
<p><span style="color: #000000;">ទោះបីជាយ៉ាងណា ការបង្ហើបយ៉ាងដូច្នេះ ពីសំណាក់ស្រីស្រស់សម្ដីផ្អែម បង្កប់ដោយមន្តស្នេហ៍ រយ ពាន់ សៀក សរុណា ហាក់ត្រូវបានគេដឹងថា ក្នុងវត្តមានសម្ដែងរឿងក្រោយនេះ នាងមិនបាន តំណែងជាតួឯកនោះទេ ។ ពេលចោទសួរបែបនេះ នាងបានឆ្លើយយ៉ាងរហ័សថា "ចាសបង...! រឿង ថ្មីនេះ ខ្ញុំមិនបានសម្ដែង ជាតួឯកទេ តែខ្ញុំមិនអន់ចិត្តអ្វីឡើយ គឺមានតែសប្បាយចិត្ត ព្រោះមានអ្នក គាំទ្រច្រើន និងអ្នកលើកទឹចិត្ត តែប៉ុណ្ណឹងខ្ញុំត្រេកអរ ពេកហើយ..!"។</span></p>
<p><span style="color: #000000;">ងាកមកចាប់អារម្មណ៍ លើរឿងរ៉ាវស្នេហារបស់ តារាសម្ដែង មានយីអ៊ុនឡើងខាងសម្ដែង សៀក សរុណា ឯណេះវិញ នាងបានបង្ហើបថា បចច្ចុប្បន្ន មានបុរស២នាក់ហើយ បានចូលស៊ើបសួរ ដល់ចាស់ទុំ ដើម្បីស្ដីដណ្ដឹង តាមប្រពៃណី ប៉ុន្តែមិនទាន់សម្រេចចិត្តថា ជ្រើសយកអ្នកណាទេ ព្រោះនាងនៅក្មេង និងជាប់ការងារសិល្បៈ ព្រមទាំងការសិក្សា ។ តែយ៉ាងណាមិញ រឿងអនាគត គឺនាងបើកសិទ្ធិជូនអ្នកមានគុណ ជាអ្នកចាត់ចែង បើគាត់ព្រមលើកឲ្យអ្នកណា នាងក៏ OK ដែរ ហើយពេលនោះ អាជីពសិល្បៈក៏ត្រូវបញ្ចប់ទាំងស្រុង ផងដែរ។</span></p>
<p><span style="color: #000000;">គួរបញ្ជាក់ថា កន្លងមក សៀក សរុណា ធ្លាប់បានសម្ដែង ភាពយន្តជាច្រើនរឿងមកហើយ មានដូចជា "មាសសុទ្ធ ,ក្អែកចំពុះហង្ស ,កំណប់បះសក់ " ដែលសុទ្ធតែជាតំណែងតួឯក ។ ចំណែករឿងទី៤ នេះ គឺ "កូនខ្ញុំចម្លែក" គ្រោងនឹងបញ្ចាំងដើមខែសីហា ខាងមុខនេះ ខណៈនាងមិន បានតំណែង ជាតួឯក ទេ៕</span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/May/id-141/photo-1031.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/May/id-141/photo-1030.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/May/id-141/photo-1027.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/May/id-141/photo-1028.jpg" alt="" width="500" /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធិ ៖ ដើមអំពិល</span></p>