<p><span style="color: #000000;"><strong>ភ្នំពេញ ៖</strong> ស្ដ្រីម្នាក់ជាបុគ្គលិកបម្រើការ នៅហាងបរទេស ត្រូវបានបងស្រីរបស់ខ្លួន ប្រទះឃើញចងក នៅក្នុងបន្ទប់ជួលស្នាក់នៅ លេខ២១៩ ជាន់ទី៣ ផ្លូវលេខ១៩ សង្កាត់ ជ័យជំនះ ខណ្ឌដូនពេញ កាលពីវេលាម៉ោង ២និង៣០នាទីរំលងអាធ្រាត្រឈានចូលថ្ងៃទី ៦ ខែឧសភា ឆ្នាំ២០១៥ ដោយមិនទាន់ដឹងពី មូលហេតុពិតប្រាកដ នៃការសម្លាប់ខ្លួនរបស់ ស្ដ្រីរងគ្រោះ ។</span></p>
<p><span style="color: #000000;">យោងតាមប្រភពព័ត៌មានពីមន្ដ្រីនគរ បាលមូលដ្ឋានបានបញ្ជាក់ថា ជនរងគ្រោះ ឈ្មោះស្ដើង អានី អាយុ២៩ឆ្នាំ មានស្រុក កំណើត នៅភូមិសំណង់ សង្កាត់សន្ដិភាព ក្រុងច្បារមន ខេត្ដកំពង់ស្ពឺ ហើយបច្ចុប្បន្ន ស្នាក់នៅបន្ទប់ជួលជាមួយបងស្រីនិងប្អូនប្រុស ហើយបម្រើការងារ នៅហាងបរទេសនៅ ពេលយប់ ។</span></p>
<p><span style="color: #000000;">បងស្រីជនរងគ្រោះឈ្មោះស្ដើង សោភា អាយុ៣២ឆ្នាំ ជាបុគ្គលិកហាងបរទេសយីហោ ឡាស់បា បានប្រាប់សមត្ថកិច្ចឱ្យដឹងថា ពេល ដែលខ្លួនត្រឡប់មកពីធ្វើការវិញនៅវេលា ម៉ោង២និង៣០នាទីរំលងអាធ្រាត្រក៏ចាក់ សោចូលផ្ទះ ពេលនោះចូលទៅក្នុងបន្ទប់ដេក ឃើញវាំងននបង្អួច ធ្លាក់រញ៉េរញ៉ៃក៏ក្រឡេក ឃើញប្អូនស្រីចងកនិងខ្សែភ្លើងជាប់ចង្រឹង បង្អួច ពេលនោះក៏បានទូរស័ព្ទហៅប្អូនប្រុស ពីកន្លែងធ្វើការនិងស្រែកប្រាប់អ្នកជិតខាងឱ្យរាយការណ៍ទៅអាជ្ញាធរនិងសមត្ថកិច្ច ចុះ មកពិនិត្យមើលនៅបន្ទប់ជួល ។</span></p>
<p><span style="color: #000000;">តាមប្រភពព័ត៌មានពីសាច់ញាតិជនរង គ្រោះបានបញ្ជាក់ថា ប៉ុន្មានថ្ងៃមុនជនរង គ្រោះបានលេបថ្នាំប៉ងបញ្ចប់ជីវិតផងដែរ ប៉ុន្ដែត្រូវបានបងប្អូនជួយឃាត់ទាន់ពេល វេលា ។</span></p>
<p><span style="color: #000000;">យ៉ាងណាក៏ដោយការបញ្ចប់ជីវិតរបស់ ស្ដ្រីរងគ្រោះខាងលើនេះ មិនទាន់ដឹងពីមូល ហេតុពិតប្រាកដនៅឡើយទេ ថាតើមានរឿង វិបត្ដិនៅកន្លែងធ្វើការឬជាមួយបងប្អូន ។</span></p>
<p><span style="color: #000000;">ក្រោយពីពិនិត្យកោសល្យវិច័យលើសព ស្ដ្រីរងគ្រោះរួចមក សមត្ថកិច្ចបានប្រគល់ទៅ ឱ្យសាច់ញាតិ ដើម្បីយកទៅធ្វើបុណ្យតាម ប្រពៃណី ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/6/5-6-2015-11-59-12-am-06-05-2015--12-04-24.png"><img src="/FileManager/Articles/mce/2015/5/6/5-6-2015-11-59-12-am-06-05-2015--12-04-24.png" alt="" /></a></span></p>
<p><a class="thickbox" title="" href="/FileManager/Commons/2015/5/6/5-6-2015-11-59-27-am-06-05-2015--12-04-35.png"><img src="/FileManager/Articles/mce/2015/5/6/5-6-2015-11-59-27-am-06-05-2015--12-04-35.png" alt="" /></a></p>
<p><a class="thickbox" title="" href="/FileManager/Commons/2015/5/6/5-6-2015-11-59-39-am-06-05-2015--12-04-46.png"><img src="/FileManager/Articles/mce/2015/5/6/5-6-2015-11-59-39-am-06-05-2015--12-04-46.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>