<p>នៅក្នុងថ្ងៃដំបូង ក្នុងតំណែងជាអគ្គនាយករង ទទួលបន្ទុកផ្នែកឧបករណ៍របស់ Microsoft លោក<br /> Stephen Elop អះអាងថា ក្រុមហ៊ុននេះ នឹងមិនប្រើប្រាស់ម៉ាក Nokia ក្នុងរយៈពេលយូរអង្វែង។</p>
<p style="text-align: center;"><a class="thickbox" title="" href="/FileManager/Commons/2014/4/29/nk-29-04-2014--11-22-11.jpg"><img src="/FileManager/Articles/mce/2014/4/29/nk-29-04-2014--11-22-11.jpg" alt="" /></a></p>
<p>Stephen Elop ឱ្យដឹងថា Microsoft កំពុងស្វែងរកឈ្មោះម៉ាកថ្មី សម្រាប់ទូរស័ព្ទឆ្លាតវៃរបស់ពួកគេ <br />៖ “Microsoft Mobile គឺជាឈ្មោះដែលត្រូវបានប្រើប្រាស់នៅក្នុងដំណាក់កាលច្របាច់បញ្ចូលគ្នា <br />រវាង Nokia និង Microsoft ។ ប៉ុន្ដែ នេះ មិនមែនជាម៉ាកដែលអ្នកប្រើប្រាស់ នឹងបានឃើញ នៅ<br />លើស្មាត ហ្វូនដែលនឹងត្រូវបានដាក់លក់ក្នុងទីផ្សារ។ ម៉ាក Nokia នឹងមិនត្រូវបានប្រើប្រាស់ ក្នុង<br />រយៈពេលយូរ នៅលើស្មាតហ្វូន។ យើងខ្ញុំ កំពុងតែស្ថិតក្នុងដំណាក់កាល ជ្រើសរើសឈ្មោះថ្មី”។<br /><br />អតីត CEO របស់ Nokia លោក Stephen Elop ក៏បានបង្ហាញនូវភាពត្រេកអរ ជាមួយនឹងការ<br />ច្របាច់បញ្ចូលគ្នានេះ ហើយជឿថា Microsoft នឹងជួយពួកគេ ឱ្យមានការច្នៃប្រឌិតជាងមុន។<br /><br />នៅពេលត្រូវបានសួរថា តើពេលណាទើបទូរស័ព្ទដំបូង ដែលមានឈ្មោះ ម៉ាក របស់ Microsoft <br />បង្ហាញខ្លួន លោក Stephen Elop ឱ្យដឹងថា លោកមិនអាចបង្ហើបបានទេ នៅពេលនេះ ប៉ុន្ដែ <br />បច្ចុប្បន្ន Microsoft និង Nokia បានក្លាយជាក្រុមហ៊ុនតែមួយ ដូច្នេះ ប្រាកដណាស់ថា អតិថិជន នឹងមិនត្រូវអាននូវឈ្មោះផលិតផលដែលមានភាពវែងអន្លាយ ដូចជា "Nokia Lumia 1020 <br />ដំណើរការដោយ Windows Phone ក្នុងប្រព័ន្ធ AT&T" ដូចបច្ចុប្បន្ន។</p>
<p style="text-align: center;"><a class="thickbox" title="" href="/FileManager/Commons/2014/4/29/nokialumia1020colorrange-100045701-gallery-100160278-large-29-04-2014--11-23-00.jpg"><img src="/FileManager/Articles/mce/2014/4/29/nokialumia1020colorrange-100045701-gallery-100160278-large-29-04-2014--11-23-00.jpg" alt="" /></a></p>
<p style="text-align: center;">ស្មាតហ្វូន Nokia Lumia 1020</p>
<p><br />នៅពេលត្រូវបានគេចោទថា Stephen Elop បាន “សម្លាប់ Nokia” លោកថ្លែងថា ៖ “ខ្ញុំដឹងថា មាន<br />ការបញ្ចេញអារម្មណ៍ជាច្រើន ជុំវិញការសម្រេចចិត្តដ៏លំបាក ដែលយើងខ្ញុំបានអនុវត្ត ក្នុងរយៈ<br />ពេលកន្លង។ វិលត្រឡប់ទៅកាន់ចុងឆ្នាំ ២០១០ និង ដើមឆ្នាំ ២០១១ យើងខ្ញុំ បានពិនិត្យយ៉ាង<br />ច្បាស់ នូវការប្រឹងប្រែងអភិវឌ្ឍប្រព័ន្ធប្រតិបត្តិរបស់ Nokia ។ ប៉ុន្ដែ គួរឱ្យស្ដាយ យើងមិនបាន<br />ឃើញថា មានវិធីណាមួយ ដើម្បីជួយឱ្យ Symbian អាចប្រជែងនឹង iPhone ។ Meego ត្រូវពន្យា<br />ពេលជាបន្ដបន្ទាប់ ហើយក៏មិនមានសង្ឃឹមថា នឹងមានប្រជាប្រិយភាព។ យើងខ្ញុំ ត្រូវបង្ខំចិត្ត <br />សម្រេចផ្ដល់ឱកាសមួយដល់ Nokia ដើម្បីប្ដូរផ្លាស់ និងប្រកួតប្រជែង”។</p>
<p><object style="display: block; margin-left: auto; margin-right: auto;" width="497" height="426" data="http://www.youtube.com/v/Gpj4w9_T_Yg&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Gpj4w9_T_Yg&rel=1" /></object></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Cnet/Youtube<br /><br /><br /></p>