<p><span style="color: #000000;"><strong>(មិចស៊ីកូ)៖</strong> ប្រធានាធិបតីអាមេរិកថ្មីលោក ដូណាល់ ត្រាំ នៅពេលនេះបានបញ្ជាក់ ពីជំហរផ្លូវការរបស់ខ្លួន តែម្តង ទៅលើគំរោងកសាងជញ្ជាំងព្រំដែន ដោយលោកទាមទារ ឲ្យប្រទេសមិចស៊ីកូ <strong>«ចេញថ្លៃកសាងឲ្យបាន ១០០% ពេញតែម្តង»</strong> ចំពោះគំរោងទាំងមូល។ នេះបើតាមការចេញផ្សាយ នៅមុននេះបន្តិច ដោយសារព័ត៌មាន BBC នាព្រឹកថ្ងៃព្រហស្បតិ៍ ទី២៦ ខែមករា ឆ្នាំ២០១៧។</span></p>
<p><br /><a class="thickbox" title="" href="/FileManager/Commons/2017/1/26/18b-26-01-2017--14-40-47.jpg"><img src="/FileManager/Articles/mce/2017/1/26/18b-26-01-2017--14-40-47.jpg" alt="" /></a></p>
<p><span style="color: #000000;">នៅថ្ងៃពុធសប្តាហ៍នេះ លោក ដូណាល់ ត្រាំ ប្រធានាធិបតីអាមេរិក ដែលទើបឡើងកាន់តំណែងក្តៅៗ បានសម្រេចចេញនូវវិធានការណ៍ ដាច់ណាត់បំផុត ដែលបង្កកំពុងឲ្យប្រទេសមិចស៊ិកូ ទាំងបក្សកាន់អំណាច និងប្រឆាំង ក្តៅចិត្តមិនស្ទើរនោះឡើយ។ បន្ថែមពីការទាមទារឲ្យមិចស៊ីកូ ចេញលុយទាំងស្រុងនោះ លោក ដូណាល់ ត្រាំ ក៏បានសង្កត់ធ្ងន់បន្ថែមទៀតថា <strong>«ជញ្ជាំងព្រំដែនត្រូវតែរបាំងរារាំង មិនឲ្យមានការឆ្លងកាត់បាន»</strong> ដែលនឹងត្រូវចំណាយអស់ប្រាក់ រាប់ពាន់លានដុល្លារអាមេរិក។</span></p>
<p><span style="color: #000000;">គួរបញ្ជាក់ថា មេដឹកនាំគណបក្សប្រឆាំងរបស់មិចស៊ីកូ លោក អាន់ដ្រេស ម៉ាញូអែល ឡូប៉េស អូប្រាដ័រ បានជំរុញឱ្យរដ្ឋាភិបាលបច្ចុប្បន្ន ដាក់ពាក្យបណ្ដឹងប្ដឹង ប្រធានាធិបតីអាមេរិក លោក ដូណាល់ ត្រាំ ទៅកាន់អង្គការសហប្រជាជាតិ សម្រាប់គំរោងសាងសង់ជញ្ជាំង ជាប់ព្រំដែនជាមួយមិចស៊ីកូ ដើម្បីទប់ស្កាត់លំហូរចូល ជនភៀសខ្លួនខុសច្បាប់ ចូលក្នុងទឹកដីសហរដ្ឋអាមេរិក។ មេបក្សប្រឆាំងរូបនេះ បានចាត់ទុកថា គំរោងសាងសង់ជញ្ជាំងព្រំដែនរបស់ លោក ដូណាល់ ត្រាំ ដែលមានបណ្ដោយ ៣,២០០គីឡូម៉ែត្រ ជាប់ព្រំដែនជាមួយមិចស៊ីកូ គឺជាការប្រមាថមួយ មកលើប្រទេសរបស់លោក៕</span></p>
<p><span style="color: #000000;"><a class="thickbox" title="" href="/FileManager/Commons/2017/1/26/16a-26-01-2017--14-05-04.jpg"><img src="/FileManager/Articles/mce/2017/1/26/16a-26-01-2017--14-05-04.jpg" alt="" /></a><br /></span></p>
<p style="text-align: right;"><br /><span style="color: #000000;">ប្រភព ៖ ប៊ីប៊ីស៊ី</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>