<div class="article-content">
<p><strong>ភ្នំពេញៈ </strong>ក្រុមអ្នកមាន បានបើករថយន្តពីរគ្រឿង ប្រដេញគ្នាចេញខារ៉ាអូខេ តាមមហាវិថីព្រះ<br />នរោត្តម ស្ថិតក្នុងសង្កាត់ទន្លេបាសាក់ ខណ្ឌចំការមន ក្នុងនោះរថយន្ត មួយគ្រឿងម៉ាកថុនត្រា<br /> បានបើកបុកគូទរថយន្តម៉ាក កាមរីបាឡែន យ៉ាងពេញទំហឹង កាលពីវេលាម៉ោង ១នឹង ១១<br />នាទីរំលងអធ្រាត្រ ឈានចូលថ្ងៃទី ១៥ ខែមិថុនា ឆ្នាំ២០១៣ ។</p>
<p id=":10e">យោងតាមប្រភពព័ត៌មាន ពីកន្លែងកើតហេតុបានឲ្យដឹងថា មុនពេលកើតហេតុ គេសង្កេតឃើញ<br /> រថយន្តពីរ គ្រឿងម៉ាកកាមរីបាឡែន ពណ៌ទឹកប្រាក់ ពាក់ស្លាក លេខភ្នំពេញ 2v-3484 ប្រដេញ<br />គ្នាជាមួយ រថយន្តមួយគ្រឿងទៀត ម៉ាក ថុនត្រា ពណ៌ខ្មៅ ពាក់ស្លាកលេខ ភ្នំពេញ 2W-1665<br /> តាមបណ្តោយមហាវិថី ព្រះនរោត្តម ក្នុងទិស ដៅពីជើងទៅត្បូង ដោយពួកគេបានបើកបរ ក្នុង<br />ល្បឿនយ៉ាងលឿន ខណៈបើកមកដល់ចំណុច ជិតអគ្គស្នងការនគរបាល ការពារជាតិ ស្រាប់តែ<br />រថយន្តថុនត្រា បានជ្រុលទៅបុក ចំគូទរថយន្តកាមរីបាឡែន បណ្តាលឲ្យរងនូវការខូចខាត យ៉ាង<br />ដំណំ ។</p>
<p>ក្នុងព្រឹត្តិការណ៍ គ្រោះថ្នាក់ចរាចរខាងលើនេះ ម្ចាស់រថយន្តទាំងពីរគ្រឿង ដែលជាមនុស្សស្គាល់<br />គ្នា បានចុះពីលើរថយន្ត ហើយប្រកែក និងមានការប្រទូស្តរាយគ្នាយ៉ាងខ្លាំង ទើបផ្អើលដល់សមត្ថ<br />កិច្ចចម្រុះ ខណ្ឌចំការមន ចុះមកអន្តរាគមន៍ សម្របសម្រួលរវាងភាគីទាំងពីរ ព្រោះពួកគេទើបតែ<br />ចេញពីច្រៀងខារ៉ាអូខេជាមួយគ្នា។ ដោយមានការពន្យល់ណែនាំ ពីសំណាក់សមត្ថកិច្ចនោះម្ចាស់<br />រថយន្តថុនត្រា បានសម្រេចជួសជុលផ្នែកខូចខាត សងទៅភាគីខាងរថយន្តកាមរីបាឡែនទាំង<br />ស្រុងតែម្តង ។</p>
<p>គួរបញ្ចាក់ថា ម្ចាស់រថយន្តទាំងពីរគ្រឿងនេះ ទើបតែចេញពីច្រៀងនៅខារ៉ាអូខេ សូល ហើយពួក<br />គេ ស្ថិតក្នុងស្ថានភាពស្រវឹងស្រាទាំងអស់ ដោយម្នាក់ៗនិយាយមិន ចង់ត្រូវគ្នា ។ ស្គាល់គ្នាពេល<br />សប្បាយ តែបើមានបញ្ហា នោះគឺម្នាក់ៗសុំតែត្រូវ នឹងទាមទារសំណង ដោយមិនគិតថាស្គាល់គ្នា<br /> ឬក៏មិនស្គាល់ឡើយ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0372.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0373.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>