<div class="article-content">
<p><strong>ភ្នំពេញ ៖</strong> នាយកក្រុមហ៊ុន នាំពលករ ទៅបម្រើការងារ នៅប្រទេសកូរ៉េយីហោ យូខេនវីន <br />(You Can Win) និងប្រធាន ផ្នែកទីផ្សាររបស់ខ្លួន ត្រូវបានសមត្ថកិច្ចចាប់ ខ្លួន បញ្ជូនទៅ<br />តុលាការពីបទឆបោកពលករ ទៅបម្រើការងារ នៅប្រទេសកូរ៉េខាងត្បូង ដោយគ្មានការ<br />អនុញ្ញាត និងច្បាប់ត្រឹមត្រូវ ពីរាជរដ្ឋាភិបាល តាម រយៈក្រសួងការងារ និងបណ្ដុះបណ្ដាល<br />វិជ្ជាជីវៈ ។ ការចាប់ខ្លួន នាយកក្រុមហ៊ុន និងប្រធានផ្នែកទីផ្សារនៃ ក្រុមហ៊ុនមួយនេះ ដែល<br />មានទីតាំងស្ថិតនៅ ផ្ទះលេខ១៧០ ផ្លូវលេខ ៤៤០ កែងផ្លូវលេខ ១៦៧ សង្កាត់ ទួលទំពូង<br /> ខណ្ឌចំការមន បាន ធ្វើឡើង ក្រោយពីក្រសួងការងារដឹកនាំ ដោយលោក ហេង សួ អគ្គនា<br />យក នៃអគ្គ នាយកដ្ឋានរដ្ឋបាល និង ហិរញ្ញវត្ថុ បានដាក់ ពាក្យបណ្ដឹងទៅសមត្ថកិច្ច និង<br />តុលាការ ចាត់ការរឿង មួយនេះ ។</p>
<p>យោងតាមពាក្យបណ្ដឹង របស់តំណាង ក្រសួងការងារបានឱ្យដឹងថា កាលពីខែមិថុនា ឆ្នាំ<br />២០១៣ កន្លងទៅក្រសួងការងារបាន រកឃើញមនុស្សមួយក្រុម បានបង្កើតក្រុម ហ៊ុនចាត់<br />តាំងប្រព្រឹត្ដអំពើឆបោកដោយបានប្រើឧបាយកលឃោសនាតាមប្រព័ន្ធទំនាក់ទំនងហ្វេស<br />ប៊ុក ស្ដីពីដំណឹងជ្រើសរើសបុគ្គលិក ពលករ ពលការិនី ទៅបម្រើការ ងារ នៅប្រទេសកូរ៉េ<br /> ហើយចាប់ផ្ដើមឱ្យក្រុមហ៊ុនរបស់ខ្លួនដែលមានឈ្មោះគឹម សុផាត អាយុ ២៩ឆ្នាំ ជាប្រធាន<br />ផ្នែកទីផ្សារ លើកស្លាក និងបោះផ្សាយខិត្ដប័ណ្ណដើម្បី អូសទាញប្រជាពលរដ្ឋស្លូតត្រង់ ជឿ<br />ទុកចិត្ដលើសកម្មភាពរបស់ខ្លួនថាបានសិទ្ធិពីក្រុមហ៊ុនធំៗនិងរោងចក្រឧស្សាហកម្មទំនើបៗ<br /> ត្រូវការជ្រើសរើសបុគ្គលិកទាំង ២ភេទឱ្យទៅបម្រើការងារ នៅប្រទេសកូរ៉េ ។</p>
<p>ពាក្យបណ្ដឹងខាងលើបានបន្ដថា នៅពេលដែលប្រជាពលរដ្ឋ ទៅធ្វើការទាក់ទង ជាមួយ<br />ក្រុមហ៊ុនត្រូវបានបុគ្គលិករបស់ក្រុមហ៊ុនមួយនេះដោយមានបញ្ជាពីនាយកក្រុមហ៊ុន ឈ្មោះ<br /> អួន សារ៉ាត់ អាយុ ៣០ឆ្នាំ ស្នាក់នៅផ្ទះលេខ ១៦ដេ ផ្លូវលេខ២៣០ សង្កាត់ទឹកល្អក់ទី៣ <br />ខណ្ឌទួលគោក ធ្វើ ឧបាយកលដោយ បញ្ជាក់លិខិតមានតម្លៃ ជាកាតព្វកិច្ចប្រមូលពីប្រជា<br />ពលរដ្ឋពី១០០ ដុល្លារ ទៅ១៥០ដុល្លារ ហើយសន្យាថានឹង រត់ការផ្ដល់ឯកសារ បានទៅធ្វើ<br />ការនៅ ប្រទេសកូរ៉េ។ ពាក្យបណ្ដឹងបានបន្ដទៀតថា ការអំពាវនាវរបស់ក្រុមហ៊ុន តាមរយៈ<br />ការ ឆបោកនេះ បានធ្វើឱ្យប្រជាពលរដ្ឋទូទាំងប្រទេស ដែលឃើញព័ត៌មាន មានការ យល់<br />ច្រឡំ ហើយគិតថាក្រុមហ៊ុនមួយនេះទទួលបានសិទ្ធិដូចគ្នា និងរាជរដ្ឋាភិបាលកម្ពុជា ដែល<br />បានចុះ អនុស្សារណៈ នៃការយោគយល់គ្នា រវាងក្រសួងការងារកម្ពុជា និងក្រសួង ការងារ<br /> របស់ប្រទេសកូរ៉េ ។ ដូច្នេះសកម្ម ភាពខាងលើនេះ បានធ្វើឱ្យប៉ះពាល់ដល់ សណ្ដាប់ធ្នាប់<br />សាធារណៈ ជាពិសេសធ្វើឱ្យ ខូច ប្រយោជន៍ជាប្រាក់កាសដល់ប្រជាពល រដ្ឋស្លូតត្រង់<br /> ដែលជឿទៅលើឧបាយកលទុច្ចរិត របស់ក្រុមទាំងនេះ ហើយម្យ៉ាងវិញទៀត សកម្មភាព<br />របស់ក្រុមហ៊ុន បង្កើតការយល់ច្រឡំ ក្នុងការបំពេញមុខងាររបស់រាជរដ្ឋា ភិបាល ដើម្បី<br />បញ្ជូនពលករទៅធ្វើការ នៅប្រទេសកូរ៉េដោយស្របច្បាប់ ។</p>
<p>បើយោងតាមពាក្យបណ្ដឹងខាងលើ ដែលប្ដឹងទៅតុលាការ បានបញ្ជាក់ទៀតថា កន្លងមក<br />ក្រសួងការងារ ក៏ ដូចជារដ្ឋាភិបាល នៃសាធារណរដ្ឋកូរ៉េ ពុំដែលប្រគល់សិទ្ធិឱ្យ ក្រុមហ៊ុន<br /> អង្គការ ឬសហគ្រាសណាមួយធ្វើ ជាភ្នាក់ងារដោយយក កម្រៃខុសច្បាប់ ក្នុងការសម្រប<br />សម្រួល តាមគ្រប់រូបផាពឱ្យបញ្ជូនពលករ ទៅប្រទេសកូរ៉េឡើយ។ការទទួលបានការងារ<br />ពីប្រទេសកូរ៉េគឺផ្ដួចផ្ដើមឡើង ដោយប្រមុខនៃរាជរដ្ឋាភិបាលកម្ពុជា និងប្រមុខរដ្ឋាភិបាល <br />នៃសាធារណរដ្ឋកូរ៉េ ហើយជាលក្ខខណ្ឌជំនួយសុទ្ធសាធ ដែលប្រទេសទាំងពីរ បានចុះ<br />អនុស្សារណៈជាមួយគ្នា ។</p>
<p>ជាមួយគ្នានេះ មន្ដ្រីក្រសួងការងារបាន អំពាវនាវទៅកាន់ប្រជាពលរដ្ឋទូទាំងប្រទេស <br />ប្រសិនបើធ្លាប់ចាញ់បោកក្រុមហ៊ុនមួយនេះ សូមមកដាក់ពាក្យបណ្ដឹង។</p>
<p>នៅរសៀលថ្ងៃទី០៦ ខែកញ្ញា ឆ្នាំ២០១៣ នេះ ជនសង្ស័យទាំងពីរនាក់ត្រូវបានបញ្ជូនខ្លួន<br /> ទៅកាន់សាលាដំបូង រាជធានីភ្នំពេញ ដើម្បីសួរនាំជុំវិញករណីទាំងនេះ រួចហើយមាន<br />វិធានការតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0088.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0089.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>