<p><span style="color: #000000;"><strong>(ភ្នំពេញ)៖</strong> ក្រុមកំប្លែងនាយពែកមី និងតារាចម្រៀងដ៏ល្បីប្រចាំផលិតកម្មសាន់ដេ លោក ខេមរៈ សេរីមន្ដ បានត្រៀមខ្លួនជាសម្រេច ដើម្បីចូលរួមពិធីបិទការប្រកួតកីឡាជាតិ លើកទី១ ដែលនឹងធ្វើឡើងនៅរសៀលថ្ងៃសៅរ៍ ទី៥ ខែវិច្ឆិកាចុងសប្ដាហ៍នេះ ដើម្បីឲ្យកាន់តែកក្រើកទៀត។ នេះបើយោងតាមការឲ្យដឹងពីលោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា (NOCC)។</span></p>
<p><span style="color: #000000;">អគ្គលេខាធិការដដែលបានបញ្ជាក់ថា «បទចម្រៀងរបស់លោក ខេមរៈ សេរីមន្ដ ដែលត្រៀមលើកមកច្រៀងក្នុងឱកាសដ៏អស្ចារ្យ ក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផងនោះរួមមានបទ (យុវជនក្នុងក្ដីសង្ឃឹម, កីឡាជាតិយើង និងបទ បេះដូងអ្នកប្រដាល)។ ប៉ុន្ដែនៅល្ងាចថ្ងៃទី៣ ខែវិច្ឆិកានេះ លោក ខេមរៈ សេរីមន្ដ នឹងបង្ហាញវត្តមានលើទីលានពហុកីឡដ្ឋានជាតិ ដើម្បីហាត់សម មុនពិធីបិទការប្រកួតកីឡាជាតិផ្លូវការនាចុងសប្ដាហ៍នេះ»។</span></p>
<p><span style="color: #000000;">លោក វ៉ាត់ ចំរើន បានបន្ដថា ក្រៅពីវត្តមានកំពូលតារាងចម្រៀងរាងសង្ហារលោក ខេមរៈ សេរីមន្ដ ក៏មានការចូលរួមពីក្រុមកំប្លែងនាយពែកមី និងក្រុមសិល្បៈអាណាចក្រតន្ដ្រី រួមទាំងការបង្ហាញនូវក្បួនក្រុមប្រភេទកីឡា និងក្រុមអ្នកស្ម័គ្រចិត្ត ពិសេសគឺការសម្ដែងនូវភ្លើងពណ៌ អមដោយការបាញ់ភ្លើងឡាស៊ែរ (Laser) បង្ហាញពីសកម្មភាពដ៏អស្ចារ្យរាល់សកម្មភាពនៃការប្រកួតរបស់ទាំង១៥ប្រភេទកីឡា ដែលបានចូលរួមប្រកួតយ៉ាង សកម្មក្នុងព្រឹត្តិការណ៍កីឡាប្រវត្តិសាស្ដ្រ លើកទី១ នេះទៀតផង។</span></p>
<p><span style="color: #000000;">ទោះជាយ៉ាងណា លោកក៏បានធ្វើការអំពាវនាវដល់មហាជន និងប្រជាពលរដ្ឋគ្រប់វ័យ សូមមេត្ដាចូលរួមគាំទ្រពិធីបិទ ការប្រកួតកីឡាជាតិនេះឲ្យបានច្រើនកុះករ ហើយការចូលរួម គឺមិនមានការលក់សំបុត្រអ្វីឡើយ ដើម្បីរួមចំណែកលើកស្ទួយ និងអភិវឌ្ឍន៍វិស័យកីឡាជាតិឆ្ពោះទៅ SEA Games លើកទី៣២ ឆ្នាំ២០២៣ ដែលកម្ពុជាទទួលសិទ្ធិធ្វើម្ចាស់ផ្ទះ។ ហើយលោកក៏បានអះអាងផងដែរថា ពិធីបិទនេះនឹងរៀបចំកាន់តែអស្ចារ្យ មិនចាញ់ពិធីបើកការប្រកួតផ្លូវការកាលពីថ្ងៃទី២៨ ខែតុលាកន្លងទៅឡើយ៕</span></p>
<p><span style="color: #000000;"><img src="https://fb-s-a-a.akamaihd.net/h-ak-xpf1/v/t1.0-9/14947677_1799734313599419_3953000694734654398_n.jpg?oh=2520ed1d5d480ca6cdd6270060d0ac6a&oe=58A26722&__gda__=1486174218_7f73c2fbb1d534d9ba87a7e8f0bf6a68" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/14917196_1799734316932752_4746171387176396135_o.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14937478_1799734310266086_3310815730827640379_n.jpg?oh=a7f42011d4d43eb1ccccb89ee35a2a98&oe=58D4CD8F" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14955925_1799734376932746_1640955016999578907_n.jpg?oh=f2a90b13c5954e3456a4b8e4f2c926b8&oe=58CD6C64" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14925523_1799734433599407_932576041880111102_n.jpg?oh=7fb10582b41e5b73d06d5fc997db4c49&oe=58A001D4" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>