<p><span style="color: #000000;"><strong>(ភ្នំពេញ)៖</strong> តាមរយៈអង្គភាពព័ត៌មាន Fresh News ឧកញ៉ា ទ្រី ភាព អគ្គនាយកក្រុមហ៊ុនទ្រីភាពគ្រុប បានថ្លែងច្រានទាំងស្រុង ចំពោះការផ្សព្វផ្សាយថា ឈើដែលឆេះនៅស្រុកសៀមប៉ាង ខេត្តស្ទឹងត្រែងជាឈើរបស់លោកឧកញ៉ា។</span></p>
<p><span style="color: #000000;">ឧកញ៉ា ដែលទើបប្តូរអាជីពពីអ្នកប្រមូលទិញឈើនៅក្នុងស្រុកខ្មែររូបនេះ បានបញ្ជាក់ថា លោកឧកញ៉ាឈប់រកស៊ី ទិញឈើហើយ ហើយគ្មានឈើស្តុកទុកឲ្យឆេះនោះទេ។ លោកឧកញ៉ា ថ្លែងបញ្ជាក់ដូច្នេះ <strong>«ខ្ញុំឈប់រកស៊ីទិញលក់ ឈើយូរហើយ គ្មានឈើអីណាទុកឲ្យឆេះនោះទេ»</strong>។</span></p>
<p><span style="color: #000000;">សូមបញ្ជាក់ថា ការចេញមកថ្លែងច្រានចោលបែបនេះបានធ្វើឡើងបន្ទាប់ពីមានការផ្សព្វផ្សាយមួយចំនួនថា ករណីឆេះឃ្លាំងស្តុកឈើមួយកន្លែង នៅក្នុងស្រុកសៀមប៉ាង ខេត្តស្ទឹងត្រែង ជាឃ្លាំងស្តុកឈើរបស់ឧកញ៉ា ទ្រី ភាព។</span></p>
<p><span style="color: #000000;">លោកឧត្តមសេនីយ៍ ម៉ៅ ច័ន្ទតារា ស្នងការនគរបាលខេត្តស្ទឹងត្រែង បានបញ្ជាក់ប្រាប់ Fresh News ថា ពិតជាមានករណីអគ្គិភ័យ ឆាបឆេះពិតប្រាកដមែនកាលពីរំលងអាធ្រាត្រថ្ងៃទី១៩ ឈានចូលថ្ងៃទី២០ ខែកុម្ភៈ ឆ្នាំ២០១៧ នៅឃុំស្រែសំបូង ស្រុកសៀមប៉ាង ខេត្តស្ទឹងត្រែង។ តែលោកស្នងការអះអាងថា ការឆេះនោះគ្រាន់តែជាកម្ទេចឈើ និងអាចឈើពីមុនមក មិនមែនជាការឃ្លាំងស្តុកឈើអីនោះទេ។</span></p>
<p><span style="color: #000000;">លោកស្នងការ ម៉ៅ ច័ន្ទតារា បន្តថា បន្ទាប់ពីការឆាបឆេះភ្លាមៗ កម្លាំងនគរបាលពន្លត់អគ្គិភ័យ បានចេញរថយន្ត ទៅបាញ់ពន្លត់ប្រមាណ ៧គ្រឿងផងដែរ ព្រោះខ្លាចរាលដាលទៅដល់ផ្ទះប្រជាពលរដ្ឋ។</span></p>
<p><span style="color: #000000;">ឧកញ៉ា ទ្រី ភាព ធ្លាប់បានប្រកាសថា លោកឧកញ៉ា ឈប់ប្រកបអាជីវកម្មប្រមូលទិញ និងលក់ឈើទៀតហើយ។ បច្ចុប្បន្នលោកឧកញ៉ា បាននិងកំពុងប្រកបជំនួញផ្សេងៗដូចជា ការដាំដំណាំកសិ-ឧស្សាហកម្មកៅស៊ូ និងម្រេច ប្រកបរបរលក់ប្រេងឥន្ធនៈ វិស័យសណ្ឋាគារ លក់ម៉ាស៊ីនត្រជាក់ និងការបើករោងចក្រដំឡើង បង្គំម៉ូតូនៅក្នុង ស្រុកអង្គស្នួលជាដើម៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-02-20-18-44-38-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-20-18-44-38-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-20-18-40-54-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-20-18-40-54-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-20-18-40-54-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-02-20-18-40-54-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>