<p><span style="font-size: 12px; color: #000000;">ក្រុមហ៊ុន Sugar ប្រចាំនៅប្រទេសកម្ពុជា នាដើមឆ្នាំ 2017 នេះបានប្រកាសចេញស្មាតហ្វូនស៊េរីថ្មីរបស់ខ្លួនម៉ូដែល Sugar Y7 Max ដែលជាម៉ូដែលថ្មីមួយសម្រាប់បន្តដំណើរលើវិថីនៃទីផ្សារស្មាតហ្វូននៅឆ្នាំ 2017 នេះ។</span></p>
<p><span style="color: #000000;">ស្មាតហ្វូនមួយនេះត្រូវបានក្រុមហ៊ុនធ្វើការរចនារូបរាងឡើងប្រកបទៅដោយភាពទាក់ទាញរំលេចចេញនូវភាពទាន់សម័យក្នុងការកាន់ប្រើប្រាស់ជាមួយតួខ្លួនស្រោបដោយលោហៈធាតុដ៏រឹងមាំព្រមទាំងមានរំលេចនូវត្បូងត្រង់ផ្នែកមួយចំនួននៃតួខ្លួនរបស់វាទៀតផង។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/20/sugar-phone-01-20-01-2017--13-41-53.jpg"><img src="/FileManager/Articles/mce/2017/1/20/sugar-phone-01-20-01-2017--13-41-53.jpg" alt="" /></a><br /></span></p>
<p><span style="color: #000000;">Sugar Y7 Max មានទំហំវិមាត្រ 153.5 x 77, កម្រាស់ 10.5 មម និងទម្ងន់រាងធ្ងន់បន្តិច 202 ក្រាម។ Y7 Max មានតួខ្លួនស្រោបដោយលោហៈប្រភេទអាលុយមីញ៉ូមអាល់ឡយនៅផ្នែកខាងក្រោយ និងក្រាលដោយកញ្ចក់ប្រភេទ 2.5D នៅផ្ទៃខាងមុខ។ ស្មាតហ្វូនម៉ូដែលថ្មីនេះមានការកែប្រែរូបរាង និងរចនាបថខុសពីស៊េរីមុនៗ ដោយនៅផ្នែកខាងក្រោយមានរំលេចដោយខ្សែ Antenna កាត់ទទឹងតួភ្លឺផ្លេកលើក្រោមយ៉ាងប្រណីតរួមជាមួយកញ្ចក់កាមេរ៉ារាបស្មើ, អំពូល LED flash មួយគ្រាប់, អក្សរ SUGAR និងរន្ធឧប៉ាល័របំពងសំឡេង។ ខាងមុខមានប៊ូតុងហូមនៅចំកណ្តាល ខាងលើកញ្ចក់អេក្រង់មានឧប៉ាល័រស្តាប់ការសន្ទនា អំពូល LED flash មួយគ្រាប់ និងកាមេរ៉ាមុខ។ រន្ធដោត USB នៅខាងក្រោម, រន្ធដោតកាស 3.5 មមនៅផ្នែកខាងលើ, ប៊ូតុងបិទបើក-ចាក់សោរទូរស័ព្ទជាមួយប៊ូតុងឡើងចុះសំឡេងស្ថិតនៅខាងស្តាំដៃរំលេចពីលើដោយត្បូង Swarovski តូចៗដ៏ចែងចាំង និងខាងឆ្វេងដៃមិនមានអ្វីនោះទេគឺរលោងស្អាត។ Sugar Y7 Max មានពីរពណ៌គឺប្រផេះ និងទឹកមាសស្រាល។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/20/sugar-phone-1-20-01-2017--13-42-03.jpg"><img src="/FileManager/Articles/mce/2017/1/20/sugar-phone-1-20-01-2017--13-42-03.jpg" alt="" /></a><br /></span></p>
<p><span style="color: #000000;">រីឯការប្រើប្រាស់វិញគឺកាន់តែមានភាពងាយស្រួលជាមួយកញ្ចក់អេក្រង់ទំហំ 5.5” ប្រភេទ IPS LCD ដែលអាចបង្ហាញផ្ទាំងទស្សនីយភាពទាំងឡាយបានក្នុងកម្រិត HD ឬ 720 x 1280 ភិចសែល។ ហើយកញ្ចក់អេក្រង់របស់ Sugar Y7 Max ក៏បានស្រោបការពារដោយកញ្ចក់ប្រភេទ 2.5D ដែលមានសភាពផុសឡើងរំលេចចេញនូវភាពស្រស់ស្អាត និងការប្រើប្រាស់ចុចបញ្ជាកាន់តែមានទំនុកចិត្តបន្ថែមទៀត។</span></p>
<p><span style="color: #000000;">បន្ថែមពីលើសោភ័ណ្ឌភាពដ៏ប្រណីតរបស់វា Sugar Y7 Max ក៏មានភ្ជាប់មកជាមួយនឹងកាមេរ៉ាសម្រាប់ថតរូបនៅផ្នែកខាងក្រោយទំហំ 13MP ជាមួយអំពូលភ្លើងជំនួយ LED flash មួយគ្រាប់ ផងដែរ។ ចំពោះកាមេរ៉ាខាងមុខវិញមានទំហំ 5.0 MP ប្រភេទ autofocus, LED flash ដែលមានភ្ជាប់មកជាមួយមុខងារថតរូបទំនើបៗដូចជា មុខងារថតរូបដោយស្វ័យប្រវត្តិគ្រាន់តែបញ្ចេញស្នាមញញឹម “Smile camera”, លើម្រាមដៃរាងអក្សរ “V”, key beauty និង gesture camera ជាដើម។</span></p>
<p><span style="color: #000000;">រាល់ប្រតិបត្តិការទូទៅនៅលើស្មាតហ្វូន Sugar Y7 Max គឺត្រូវពឹងផ្អែកទៅលើបន្ទះឈីប MediaTek MT6737 ដែលមានស៊ីភីយូប្រភេទ Quad-Core ល្បឿន 1.3GHz ជាមួយរ៉េមទំហំ 3GB និងអាចទ្រទ្រង់បាននូវប្រតិបត្តិការ Android ជំនាន់ Marshmallow v6.0។ បន្ថែមពីនេះស្មាតហ្វូន Sugar Y7 Max នៅមានអង្គផ្ទុកទិន្នន័យទំហំ 16GB អាចបន្ថែមអង្គចងចាំប្រភេទ microSD បាន 128GB, មានថ្មកំលាំងខ្លាំងរហូតដល់ 4,000mAh ហើយក៏អាចសាកបន្តទៅកាន់ស្មាតហ្វូន ឬក៏ឧបករណ៍ដទៃបានជាមួយមុខងារ OTG និងជាពិសេសវាអាចដាក់ស៊ីមកាតបានពីរប្រព័ន្ធដែលស៊ីមកាតទីមួយទ្រទ្រង់នូវប្រព័ន្ធសេវា 4G LTE ថែមទៀតផង។ </span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/20/sugar-phone-4-20-01-2017--13-42-12.jpg"><img src="/FileManager/Articles/mce/2017/1/20/sugar-phone-4-20-01-2017--13-42-12.jpg" alt="" /></a><br /></span></p>
<p><span style="color: #000000;">ជារួមមកវិញ Sugar Y7 Max គឺជាស្មាតហ្វូនដែលមានរូបរាងស្រស់ស្អាតទាន់សម័យ សមត្ថភាពសមល្មមអាចបំពេញតម្រូវការបាន ហើយតម្លៃទៀតសោធក៏សមរម្យអាចទទួលយកបាន ដូច្នេះ ប្រិយមិត្តអាចធ្វើការពិចារណាបានសម្រាប់ម៉ូដែលនេះ ឬក៏អាចជាវមួយយកទៅប្រើប្រាស់ផ្ទាល់ដៃទើបបានដឹងកាន់តែច្បាស់អំពីគុណភាពនៃម៉ាកសញ្ញាស្មាតហ្វូនរបស់ប្រទេសបារាំងមួយ។អតិថិជនអាចរកជាវនូវស្មាតហ្វូនម៉ូឌែលថ្មីនេះបាននៅគ្រប់ហាងទាំងអស់ ទូទាំងព្រះរាជាណាចក្រកម្ពុជា។ Sugar Y7 Max បង្ហាញពីភាពទាន់សម័យរបស់លោកអ្នក៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/20/sugar-phone-2-20-01-2017--13-42-22.jpg"><img src="/FileManager/Articles/mce/2017/1/20/sugar-phone-2-20-01-2017--13-42-22.jpg" alt="" /></a></span></p>
<p><br /><a class="thickbox" title="" href="/FileManager/Commons/2017/1/20/sugar-phone-3-20-01-2017--13-42-30.jpg"><img src="/FileManager/Articles/mce/2017/1/20/sugar-phone-3-20-01-2017--13-42-30.jpg" alt="" /></a><span style="color: #000000;"><a class="thickbox" title="" href="/FileManager/Commons/2017/1/20/sugar-phone-2-20-01-2017--13-42-22.jpg"></a><br /></span></p>