<p>Google និង Facebook ត្រូវបានគេមើលឃើញថា ជាក្រុមហ៊ុនដែលមានឥទ្ធិពលខ្លាំងនៅក្នុង<br />ស្រទាប់មនុស្សទូទៅ ដូច្នេះ Microsoft ក៏បានសម្រេចចិត្តទិញយក LinkedIn ព្រោះមើលឃើញ<br /> ថា LinkedIn អាចជួយឱ្យ Microsoft មានកម្លាំងក្នុងការទប់ទល់នឹង Facebook ឬ Google។</p>
<p style="text-align: center;"><a class="thickbox" title="" href="/FileManager/Commons/2016/6/20/link1-20-06-2016--10-20-20.jpg"><img src="/FileManager/Articles/mce/2016/6/20/link1-20-06-2016--10-20-20.jpg" alt="" /></a></p>
<p>អតិត CEO របស់ Microsoft គឺលោក Bill Gates ឱ្យដឹងថា លោកមានការពេញចិត្តនឹងការទិញ<br />យក LinkedIn ដែលមានតម្លៃ ២៦,២ពាន់លានដុល្លារ។ លោកយល់ថា LinkedIn នឹងជួយលោក ក្នុងការស្ថាបនាបណ្ដាញសង្គមអាជីវកម្មសម្រាប់ពិភពការងារ ដូចដែល Facebook បានបង្កើត<br />បណ្ដាញសង្គម។</p>
<p>លោក Bill Gates បានថ្លែងនៅក្នុងកិច្ចសម្ភាសជាមួយទូរទស្សន៍ Bloomberg TV ថា ៖ “បើសិនជាយើងអាចបង្កើតបាននូវអ្វីមួយដែលមានតម្លៃប្រហាក់ប្រហែលនឹងទន្នន័យនៅលើបណ្ដាញ<br />សង្គម Facebook នោះគឺជាប្រការច្នៃប្រឌិតដែលមានតម្លៃខ្ពស់ ហើយវានឹងកើតឡើងនៅក្នុង<br />រយៈពេលប៉ុន្មានឆ្នាំខាងមុខ”។</p>
<p>ដូច្នេះ នៅថ្ងៃណាមួយ អ្នកនឹងនិយាយថា ៖ “ឯកសារការងារទាំងអស់របស់ខ្ញុំ គឺនៅលើ LinkedIn ក្នុងនោះមានប្រាប់អំពីវិធីដែលខ្ញុំស្វែងយល់អំពីមុខរបរ ក្រុមហ៊ុន និងវិស័យឧស្សហកម្មរបស់<br />ខ្លួន”។</p>
<p>សូមរំលឹកថា ខណៈដែលបណ្ដាគេហទំព័រសម្រាប់អ្នកប្រើប្រាស់ កំពុងត្រូវបានគ្រប់គ្រងដោយ<br /> Google ឬ Facebook គេឃើញថា Microsoft កំពុងតែបោះបង់ឱកាសប្រហាក់ប្រហែលនេះ។ <br />ដូច្នេះ ការទិញយក LinkedIn គឺជាវិធីមួយដែលអាចជួយឱ្យក្រុមហ៊ុន Microsoft តាមទាន់គូ<br />ប្រជែងរបស់ខ្លួន។</p>
<p>មកដល់ពេលនេះ ការទិញដូរក្រុមហ៊ុន ដែលមានតម្លៃ ២៦,២ពាន់លានដុល្លារអាមេរិក ដែល<br />ត្រូវបានប្រកាសកាលពីថ្ងៃទី ១៣ ខែមិថុនាកន្លងទៅ គឺជាការទិញដូរធំបំផុតក្នុងវិស័យបច្ចេក<br />វិទ្យា។ ប្រការនេះក៏បានបង្កជាសម្ពាធមួយទៅលើតម្លៃមូលបត្ររបស់ Microsoft ក្នុងសប្ដាហ៍<br />នេះ។</p>
<p style="text-align: center;"><a class="thickbox" title="" href="/FileManager/Commons/2016/6/20/link2-20-06-2016--10-20-36.jpg"><img src="/FileManager/Articles/mce/2016/6/20/link2-20-06-2016--10-20-36.jpg" alt="" /></a></p>
<p style="text-align: center;">Microsoft ទិញយក LinkedIn តម្លៃ ២៦,២ពាន់លានដុល្លារអាមេរិក</p>
<p>សូមបញ្ជាក់ថា ថ្វីបើលោក Bill Gates លែងជា CEO របស់ Microsoft ប៉ុន្តែ លោក នៅតែជា<br />សមាជិកនៃក្រុមអភិបាលរបស់ក្រុមហ៊ុននេះ។ យ៉ាងនេះក្ដី លោក ហាក់ដូចមិនមានការយកចិត្តទុកដាក់ខ្លាំងទៅលើតម្លៃភាគហ៊ុនដែលបានធ្លាក់ចុះ ២% បន្ទាប់ពីការប្រការអំពីការទិញដូរ<br />ខាងលើ។</p>
<p>លោក Bill Gates ឱ្យដឹងថា ៖ “ខ្ញុំជឿថា តម្លៃនៃការច្របាច់ចូលគ្នារវាងក្រុមហ៊ុនទាំងពីរនេះ គឺ<br />មានកម្លាំងធំជាង បើធៀបនឹងក្រុមហ៊ុនមួយៗដាច់ដោយឡែក”។</p>
<p style="text-align: right;">ប្រែសម្រួល ៖ បុត្រា</p>