<p><span style="color: #000000;"><strong>(ភ្នំពេញ)៖</strong> លោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានពន្យល់ថា នៅលើពិភពសារព័ត៌មានមិនដូចឆាកល្ខោន និងរឿងចិនកាប់ដាវនោះទេ។ លោក ខៀវ កាញារីទ្ធ បានលើកឡើង នៅលើបណ្តាញសង្គម Facebook របស់លោក នៅព្រឹកថ្ងៃទី២៥ ខែមករា ឆ្នាំ២០១៧ យ៉ាងដូច្នេះថា៖<strong> «នៅក្នុងពិភពសារព័ត៌មាន មិនដូចក្នុងឆាកល្ខោន ហើយ ក៏មិនដូចក្នុងរឿងចិនកាប់ដាវទេ»</strong>។</span></p>
<p><span style="color: #000000;">លោកបានបន្ថែមថា «ពិភពលោកមិនមែនមានតែ<strong>‹‹ស››</strong> ហើយនឹង<strong> ‹‹ខ្មៅ››</strong>នោះទេ តែមានប្រផេះច្រើន។ ហើយមិនអាចសន្សំពិន្ទុទុកកាត់ទឹកក៏អត់ដែរ។ ហេតុនេះត្រូវចាំថាទូទាត់ មិនដូច ទាត់ទូទេ ហើយ ទៀងទាត់ខុសពីទាត់ទៀង ពិសេសបើមេអង្គភាពប្រឆាំងពុករលួយជាមុខសញ្ញានៃ ការទាត់នោះទៀតគឺធ្ងន់ណាស់»។</span></p>
<p><span style="color: #000000;">ការលើកឡើងនេះ បានធ្វើឡើង១ថ្ងៃ បន្ទាប់ពីលោករដ្ឋមន្រ្តីបានស្នើឱ្យស្ថានីយ៍ទូរទស្សន៍ប៉ុស្តិ៍លេខ៣ បញ្ចប់ការផ្សាយកម្មវិធី ABC 3 Spring ដោយសារតែកម្មវិធីនេះបានប្រើប្រាស់កាយវិការមិនសមរម្យ ការប្រើពាក្យសម្តីខ្វះសីលធម៌ វិជ្ជាជីវៈជាអ្នកសារព័ត៌មាន និងបានប្រមាថមើលងាយដល់អ្នកស្តាប់។ ក្រោយពីមានសំណើនេះស្ថានីយ៍ទូរទស្សន៍ប៉ុស្តិ៍លេខ៣ បានសម្រេចបញ្ចប់កិច្ចសហការជាមួយវិទ្យុ ABC ហើយបញ្ឈប់ឱ្យមានការផ្សាយកម្មវិធី ABC 3 Spring នៅលើកញ្ចក់ទូរទស្សន៍របស់ខ្លួន ចាប់ពីថ្ងៃទី២៥ ខែមករា ឆ្នាំ២០១៧នេះតទៅ។</span></p>
<p><span style="color: #000000;">មូលហេតុដែលឈានដល់ការបញ្ឈប់កម្មវិធីខាងលើនេះ បានកើតឡើងបន្ទាប់ពី ពិធីការិនីរបស់ កម្មវិធី ABC 3 Spring ម្នាក់ ឈ្មោះកញ្ញា CK បានផ្លោះតុវេទិកា ទៅដណ្តើមដៃគូរបស់ខ្លួននិយាយបណ្តាលឱ្យសាធារណជនជាច្រើន ធ្វើការរិះគន់ខ្លាំងថា ខ្វះសីលធម៌។ ប៉ុន្តែត្រូវបានសាមីខ្លួន និងវិទ្យុ ABC ប្រតិកម្មទៅវិញ ដោយអះអាងថា ខ្លួនបានជួយដល់សង្គមយ៉ាងច្រើន បែរជាទទួលការរិះគន់ដោយសារតែកំហុសផ្លោះលើតុ៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-01-25-08-59-01-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-25-09-04-18-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-25-09-04-18-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>