<div class="item-page">
<p><span style="color: #000000;"><strong>(ភ្នំពេញ)៖</strong> ឃ្លីបវីដេអូ និងរូបថតជាច្រើនសន្លឹក បង្ហាញពីសកម្មភាពរថយន្តប្រភេទយីឌុបធុនធំអស់លេខមួយគ្រឿង ចតច្រង៉ាងៗកាត់ទទឹងបាំងផ្លូវជាតិលេខ៦A នៅតំបន់ព្រែកលៀប ខណ្ឌជ្រោយចង្វារ អស់ចំណែកផ្លូវឯកទិសម្ខាង ត្រូវបានអ្នកដំណើរឃើញថតបង្ហោះធ្វើការរិះគន់យ៉ាងខ្លាំង ដោយម្នាក់ៗហួសចិត្តមិនគួរណាអ្នកបើកបរក៏ដូចផ្ទះលក់គ្រឿងសំណង់ខាងលើនេះ អន់ចរិតហ៊ានធ្វើដូច្នេះ មិនចេះខ្មាសគេសោះ។</span></p>
<p><span style="color: #000000;">រថយន្តយីឌុបដែលចតកាត់ទទឹងផ្លូវ បិទជិតផ្លូវឯកទិសដើម្បីទម្លាក់ស៊ីម៉ង់ត៍ដាក់ដេប៉ូខាងលើនេះ ពាក់ស្លាកលេខ តាកែវ 3A-2133 មានបិទឡូហ្គោ កងដឹកជញ្ជូន ឆ.ន រីឯម្ចាស់ដេប៉ូលក់គ្រឿងសំណង់ដែលទិញស៊ីម៉ង់ត៍យកមកលក់នេះមានឈ្មោះ ច័ន្ទ ណាវ័យ មានទីតាំងនៅតាមបណ្ដោយផ្លូវជាតិលេខ៦A ក្នុងសង្កាត់ព្រែកលៀប ខណ្ឌឫស្សីកែវ។ ក្នុងនោះក្រោយចតបិទផ្លូវធ្វើអោយកកស្ទះដល់អ្នកដំណើរច្រើនម៉ោងរួចមក គេក៏បានឃើញនគរបាលចរាចរណ៍ចុះទៅអន្តរាគមន៍ផងដែរ តែមិនដឹងមានចំណាត់ការយ៉ាងណានោះទេ ទៅលើអ្នកបើកបរជម្លើយខាងលើនេះ។</span></p>
<p><span style="color: #000000;">អ្នកឃើញហេតុការណ៍បាននាំគ្នារិះគន់ថា កោតតែអ្នកបើកបរ និងម្ចាស់ផ្ទះលក់គ្រឿងសំណង់ធ្វើអញ្ចឹងទៅរួច! អត់ចេះខ្មាសគេសោះ រកស៊ីប៉ុណ្ណឹងដែរ! ហេតុអ្វីមិនចតស្របបណ្ដោយផ្លូវចាំឲ្យកម្មករលើកចុះទៅ ឬមួយខ្លាចកម្មករហត់ ខាតថ្លៃឈ្នួល? ៕</span></p>
<p><span style="color: #000000;">ខាងក្រោមនេះជារូបថត និងឃ្លីបវីដេអូសកម្មភាពរថយន្តដឹកស៊ីម៉ង់ត៍ ចតទទឹងង៉ាងបិទផ្លូវជាតិលេខ៦A បង្កការរិះគន់ពីអ្នកធ្វើដំណើរ និងអ្នកឃើញហេតុការណ៍៖</span></p>
<div id="fb-root" class=" fb_reset">
<div></div>
<div>
<div></div>
</div>
</div>
<div class="fb-video fb_iframe_widget fb_iframe_widget_fluid_desktop" data-allowfullscreen="1" data-href="/freshnewsasia/videos/vb.199402103564922/530100527161743/?type=3"></div>
</div>
<div id="system-message-container">
<div id="system-message"></div>
</div>
<div class="span9"></div>
<div class="custom"></div>
<div class="custom"><br />
<div id="news_detail" class="postcontainer">
<p><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>
<a href="https://www.facebook.com/sreyrathtravelpage" target="_blank"></a></div>