<p><strong>ភ្នំពេញៈ </strong>ជាធម្មតា នៅពេលសិល្បករ-សិល្បការិនី មានឱកាស បានចេញទៅសម្តែង នៅក្រៅ<br />ប្រទេស រមែងតែងតែនាំយកនូវបទចម្រៀង ពីសម័យដើមចង្វាក់ រាំវង់ រាំក្បាច់ បង្កលក្ខណៈឲ្យ<br />បងប្អូន នៅឯក្រៅប្រទេស មានភាពសប្បាយរីករាយ ជាមួយ ការរាំច្រៀង ។ ប៉ុន្តែដោយឡែក <br />លោក អ៊ីណូ ជាតារាចម្រៀងមាន ឈ្មោះបោះសំឡេង គួរសមមួយរូប ប្រចាំផលិតកម្ម សាន់ដេ<br /> បែរជាបង្ហើបប្រាប់ឲ្យដឹងថា ក្នុងពេលឆាប់ៗខាងមុខនេះ លោកមានគម្រោង ចេញទៅសម្តែង <br />នៅក្រៅ ប្រទេស ហើយការចេញទៅសម្តែងលើកនេះ លោកមានចំណី អារម្មណ៍ប្លែកៗ និងអ្វី<br />ដែលជារបស់ខ្មែរ ទៅបង្អួត ភ្នែកមហាជន ដែលរស់នៅលើ ទឹកដីកូរ៉េ ។</p>
<p>ជួបជាមួយ LookingTODAY តាមទូរស័ព្ទ កាលពីពេលថ្មីៗកន្លងទៅនេះ លោក អ៊ីណូ បានប្រាប់<br />ឲ្យដឹងថា បច្ចុប្បន្នលោកកំពុងតែ ញាប់ដៃញាប់ជើង ថតខារ៉ាអូខេ សម្រាប់វ៉ុលថ្មី ជាលក្ខណៈ <br />Story(សាច់រឿង) ផ្ទាល់របស់លោកប្រចាំ នៅផលិតកម្ម សាន់ដេ ដោយសារតែនៅក្នុង ខែមេសា <br />ឆ្នាំ២០១៤ ខាងមុខនេះ លោកមាន គម្រោង ចេញទៅសម្តែងរយៈពេលកន្លះខែ នៅប្រទេសកូរ៉េ<br /> តាមរយៈការអញ្ជើញ របស់សមាគមកូរ៉េ ។</p>
<p>តារាចម្រៀង អ៊ីណូ បានប្រាប់ឲ្យដឹងថា "នេះជាលើកទី២ហើយ ដែលខ្ញុំមានឱកាស ចេញទៅ<br />សម្តែង នៅក្រៅប្រទេស ដោយលើកទី១ខ្ញុំចេញទៅថៃ លើកទី២នេះខ្ញុំ មានគម្រោងចេញ ទៅ<br />ប្រទេសកូរ៉េ នៅក្នុងខែមេសារយៈពេល ជិត២សប្តាហ៍។ ដោយការសម្តែងនេះ ខ្ញុំមានគម្រោង <br />យកបទចម្រៀង របស់ផលិតកម្ម សាន់ដេ ជាចង្វាក់ញាក់ យកទៅបកស្រាយ នឹងបានត្រៀម<br />ក្បាច់រាំថ្មីៗ ប្លែកៗ ដែលជារបស់ខ្មែរ យកទៅបង្អួតបរទេសថា យើងក៏មានក្បាច់រាំ ជារបស់យើង<br /> មិនចាញ់បរទេសដែរ" ។</p>
<p>ម្ចាស់បទ “មច្ចុរាជផ្តាច់ស្នេហ៍” រូបនេះ បានប្រាប់ឲ្យដឹងថា កន្លងមកលោក មានការមមាញឹក ការ<br />ងារក្នុងស្រុក មិនសូវទទួល គម្រោងចេញទៅ ក្រៅប្រទេសទេ តែពេលនេះខាង សមាគមនៅ<br />ប្រទេសកូរ៉េ បានទាក់ទងអញ្ជើញ លោកទៅសម្តែងរយៈពេលខ្លី។ លោកបានត្រៀមខ្លួន និងខិត<br />ខំហាត់រៀន ក្បាច់រាំបន្ថែមទៀត ធ្វើយ៉ាងណាឲ្យក្បាច់ រាំមើលទៅ រស់រវើក និងរៀនបំបែកក្បាច់រាំ<br /> ដោយខ្លួនឯង។ ម្យ៉ាងវិញទៀត ការចេញទៅក្រៅប្រទេស ក៏ជាបទពិសោធន៍ និងជាឱកាសមួយ <br />សម្រាប់លោកក្នុង ការបង្កើនសន្ទុះកេរ្តិ៍ឈ្មោះ បានកាន់តែល្បី ជាងនេះបន្ថែមទៀត ៕</p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1212.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1213.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1214.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_1215.jpg" alt="" width="470" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>