<p><span style="color: #000000;"><strong>ភ្នំពេញ ៖</strong> ពិធីមង្គលការ របស់មហាសេដ្ឋីស្រុកខ្មែរ គឺឧកញ៉ា គិត ម៉េង ជាមួយនឹងអតីតពិធីការិនីអ្នកនាង ស្រីតូច ចំណាន បានប្រព្រឹត្តទៅយ៉ាងអធិកអធម នៅព្រឹកថ្ងៃទី២០ ខែមីនា ឆ្នាំ២០១៥ នេះ ដោយមានការអញ្ជើញ ចូលរួមផ្តល់កិត្តិយស ពីថ្នាក់ដឹកនាំជាន់ខ្ពស់ជាច្រើន ហើយពិធីមង្គលការនេះ ក៏បង្កឲ្យមានការចាប់អារម្មណ៍ពីមជ្ឈ ដ្ឋានទូទៅ សូម្បីតែបណ្តាញទំនាក់ទំនងសង្គម (ហ្វេសប៊ុក) នៅថ្ងៃទី១៩-២០ ខែមីនា នេះ ភាគច្រើនគេឃើញបង្ហោះ សុទ្ធតែរូបថត នៃពិធីរៀបមង្គលការនេះ ។</span></p>
<p><span style="color: #000000;">ថ្នាក់ដឹកនាំ ដែលគេឃើញអញ្ជើញចូលរួមផ្តល់កិត្តិយស នៅក្នុងពិធីមង្គលការ របស់ឧកញ៉ា គិត ម៉េង ខាងលើនេះ គេ ឃើញមានវត្តមានសម្តេច ហេង សំរិន ប្រធានរដ្ឋសភា សម្តេចតេជោ ហ៊ុន សែន ប្រមុខរាជរដ្ឋាភិបាល និងសម្តេច កិត្តិយព្រឹទ្ធបណ្ឌិត រួមទាំងមន្រ្តីជាន់ខ្ពស់ ថ្នាក់ដឹកនាំនៅក្នុងស្ថាប័នព្រឹទ្ធសភា រដ្ឋសភា និងរាជរដ្ឋាភិបាល រួមទាំង បណ្តាពាណិជ្ជករជាច្រើនទៀតផងដែរ ។</span></p>
<p><span style="color: #000000;">ពិធីរៀបអាពាហ៍ពិពាហ៍ របស់មហាសេដ្ឋី គិត ម៉េង និងអ្នកនាងស្រីតូច ចំណាន ដែលមានរៀបចំពិធីជប់លៀងនៅ មជ្ឈមណ្ឌលកោះពេជ្រ ដែលតាមគម្រោងបានអញ្ជើញភ្ញៀវចូលរួមពិសារភោជនីហារប្រមាណ ៥០០តុ ដោយជួល អគារចំនួន៥អគារនោះ ដោយសារតែពិធីពិសារភោជនីហារខាងលើនេះ មានការចូលរួមពីថ្នាក់ដឹកនាំ និងភ្ញៀវអង្គ ទូត រួមទាំងឥស្សរជនល្បីៗជាច្រើននោះ កម្លាំងសន្តិសុខត្រូវបានគេដាក់ពង្រឹងដើម្បីរក្សាសន្តិសុខផងដែរ ។</span></p>
<p><span style="color: #000000;">តាមមន្រ្តីសមត្ថកិច្ច ដែលការពារសន្តិសុខមួយរូប បានបង្ហើបឲ្យដឹងថា ពិធីពិសារភោជនីអាហារ នៅក្នុងពិធីមង្គលការ របស់ឧកញ៉ា គិត ម៉េង ខាងលើនេះ ត្រូវបានកម្លាំងសមត្ថកិច្ចពង្រាយដាក់ការពារដែលរួមមាន កម្លាំងកងរាជអាវុធហត្ថ កម្លាំងនគរបាល រួមមានទាំងរថយន្តពន្លត់អគ្គិភ័យ ហើយនៅច្រកចេញ-ចូល ដែលមានតែមួយ ត្រូវបានគេដាក់ម៉ាស៊ីន ស្គែនសុវត្ថិភាពផងដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/21/20-21-03-2015--09-07-34.jpg"><img src="/FileManager/Articles/mce/2015/3/21/20-21-03-2015--09-07-34.jpg" alt="" /></a></span></p>
<p><a class="thickbox" title="" href="/FileManager/Commons/2015/3/21/21-21-03-2015--09-07-42.jpg"><img src="/FileManager/Articles/mce/2015/3/21/21-21-03-2015--09-07-42.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/3/21/20-21-03-2015--09-07-34.jpg"></a></span></p>
<p><a class="thickbox" title="" href="/FileManager/Commons/2015/3/21/22-21-03-2015--09-07-50.jpg"><img src="/FileManager/Articles/mce/2015/3/21/22-21-03-2015--09-07-50.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>