<p><span style="color: #000000;"><strong>(កំពត)៖</strong> បុរសម្នាក់បានស្លាប់ភ្លាមៗ នៅនឹងកន្លែងកើតហេតុ ខណៈស្រវឹងស្រា បើកម៉ូតូទៅបុកនឹងកន្ទុយរ៉ឺម៉កសណ្តោងរថយន្ត នៅយប់ថ្ងៃទី០៦ ខែកញ្ញា ឆ្នាំ២០១៦ នៅក្នុងបរិវេនក្រុមហ៊ុនគ្រឹះស្ដាលរាយស៍ ស្ថិតក្នុងភូមិព្រែកគ្រែង ឃុំព្រែកត្នោត ស្រុកទឹកឈូ ខេត្តកំពត។</span></p>
<p><span style="color: #000000;">មន្ត្រីនគរបាលចរាចរស្រុកទឹកឈូ បានប្រាប់ឲ្យដឹងថា ជនរងគ្រោះអ្នកបើកម៉ូតូឈ្មោះ ចាន់ សារ៉េត អាយុ៣១ឆ្នាំ មុខរបរជាងភ្លើង នៅក្រុមហ៊ុនខាងលើដែរ រស់នៅភូមិ ឃុំកំពង់ត្រាច ស្រុកកំពង់ត្រាច ខេត្តកំពត បានបើកម៉ូតូ Honda Dream C125 ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ1BW-7180 បើកបរម៉ូតូទិសដៅពីត្បូងទៅជើង ក្នុងបរិវេណក្រុមហ៊ុនខាងលើ លុះមកដល់ កន្លែងកើតហេតុ ក៏បុកកន្ទុយសណ្ដោងរបស់រថយន្ដចតចោលនៅចិញ្ចើមថ្នល់ ក៏បណ្តាលឲ្យជនរងគ្រោះស្លាប់ភ្លាមៗ នៅនឹងកន្លែងកើតហេតុតែម្ដង។</span></p>
<p><span style="color: #000000;">ក្រោយពេលកើតហេតុ រថយន្ដ និងម៉ូតូ ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុក ដើម្បីដោះស្រាយតាមក្រោយ៕</span></p>
<p><span style="color: #000000;"><img src="http://image.freshnewsasia.com/2016/fn-2016-09-07-14-40-56-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-07-14-41-00-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-07-14-41-00-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-07-14-41-01-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>