<p><span style="color: #000000;"><strong>(វ៉ាស៊ីនតោន)៖</strong> មុននឹងបញ្ចប់អាណត្តិជាប្រធានាធិបតីអាមេរិក នៅថ្ងៃទី២០ ខែមករាខាងមុខនេះ លោក បារ៉ាក់ អូបាម៉ា បានផ្ដើមថ្លែងសុន្ទរកថា បង្ហាញពីសាច់ដុំកងទ័ពអាមេរិក ដោយលោកផ្ទាល់បានអះអាងថា ក្នុងសម័យបច្ចុប្បន្នកងទ័ពអាមេរិក នៅតែជាកងទ័ពដ៏ខ្លាំងបំផុត ដែលពិភពលោកមិនធ្លាប់មាន។ នេះបើតាមការចេញផ្សាយ ដោយសារព័ត៌មាន Russian Today នៅព្រឹកថ្ងៃពុធ ទី០៧ ខែធ្នូ ឆ្នាំ២០១៦។</span></p>
<p><br /><span style="color: #000000;"><a class="thickbox" title="" href="/FileManager/Commons/2016/12/7/15a-07-12-2016--15-49-38.jpg"><span style="color: #000000;"><img src="/FileManager/Articles/mce/2016/12/7/15a-07-12-2016--15-49-38.jpg" alt="" /></span></a></span></p>
<p><span style="color: #000000;">ថ្លែងនៅក្នុងសុន្ទកថា ចំពោះមុខកងទ័ពអាកាសអាមេរិក នៅឯមូលដ្ឋានទ័ពអាកាស MacDill ក្នុងទីក្រុង Tampa នៃរដ្ឋ Florida កាលពីថ្ងៃអង្គារ លោក អូបាម៉ា បានលើកឡើងដូច្នេះថា <strong>«ខ្ញុំជឿថា យើងមិនដែលស្ទាក់ស្ទើរ ឬ រួញរាម្ដងណាឡើយ ក្នុងការធ្វើប្រតិកម្មឆ្លើយតប រួមមានទាំងសកម្មភាពឯកតោភាគី ដើម្បីប្រឆាំងទប់ទល់នឹងរាល់ការគំរាមកំហែង គ្រប់ទម្រង់មកលើប្រជាជនអាមេរិក ត្បិតសហរដ្ឋអាមេរិក នៅតែមានកងទ័ពដ៏ខ្លាំងបំផុត ដែលពិភពលោកមិនធ្លាប់មាន»</strong>។</span></p>
<p><span style="color: #000000;">បន្ថែមពីខាងលើនេះ ដោយលើកឡើងពីសកម្មភាពកងទ័ពអាមេរិក នៅអាហ្វហ្គានីស្ថាន និងអ៉ីរ៉ាក់ លោក អូបាម៉ា បានសារទរដែលបច្ចុប្បន្នក្រុមអាល់កៃដា លែងក្លាយជាស្រមោលអន្ទោលតាមប្រាណ នៃមហាភេរវកម្មថ្ងៃទី១១ ខែកញ្ញា ឆ្នាំ២០០១ ប៉ុន្តែលោកនៅតែអះអាងថា ការយកចិត្តទុកដាក់ជាអចិន្ត្រៃយ៍ របស់សហរដ្ឋអាមេរិក គឺការកម្ទេចបណ្ដាញភេរវកម្មរបស់ក្រុម អាល់កៃដា និងក្រុម ISIS។</span></p>
<p><span style="color: #000000;">គួរបញ្ជាក់ថា ក្នុងនាមជាជ័យលាភីពានរង្វាន់ណូប៊ែលសន្តិភាព លោក បារ៉ាក់ អូបាម៉ា តាមរយៈរដ្ឋាភិបាលរបស់លោក បានដឹកនាំប្រតិបត្តិការរួមមានទំាងយោធា នៅឯបរទេសឥតឈប់ឈរក្នុងរយៈពេល០៨ឆ្នាំ ជាប្រធានាធិបតីអាមេរិក ក្នុងក្របខណ្ឌនៃការប្រយុទ្ធប្រឆាំង នឹងក្រុមភេរវករ៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/7/14e-07-12-2016--15-38-11.jpg"><span style="color: #000000;"><img src="/FileManager/Articles/mce/2016/12/7/14e-07-12-2016--15-38-11.jpg" alt="" /></span></a></span></p>
<p style="text-align: right;"><span style="color: #000000;">ប្រភព ៖ រុស្ស៊ីធូឌេ</span></p>