<p><strong>ភ្នំពេញ៖</strong> វាពិតជារឿងរ៉ាវមួយ មិនគួរឲ្យជឿទាល់តែសោះ ខណៈដែលតារាសម្ដែង និងជា<br />ពិធីការិនីធ្លាប់ មានឈ្មោះល្បី សូ ដានីតា បានលេចចេញនូវ រឿងហេតុអាស្រូវ ផឹកស៊ីស្រវឹង<br /> ហើយបែរជាផ្ទុះជម្លោះ ជាមួយប្រុសស្នេហ៍ ផ្អើលអស់អ្នកជិតខាង និងអ្នករួមតុជាមួយនាង ។ <br />សូ ដានីតា ត្រូវបានមហាជន កោតសរសើ ពីវិរភាពរបស់នាង ក្នុងនាមជាអ្នកសិល្បៈខ្មែរ មាន<br />គំនិតបង្កើតមូលនិធិ ស្វែងរកថវិកាពីសប្បុរសជន ជួយដល់ជនក្រីក្រ និងជនអ្នកគ្មានទីពឹង ហើយ<br />សកម្មភាព មនុស្សធម៌មួយនេះ ស្ដែងឲ្យឃើញពី ទឹកចិត្តចេះជួយគ្នា ក្នុងគ្រាអាសន្នអន់ក្រ ក្នុង<br />នាមជាខ្មែរដូចគ្នា។</p>
<p>ប៉ុន្តែអ្វីដែលធ្វើឲ្យ មហាជនភ្ញាក់ផ្អើល សម្រាប់ពិធីការិនី សម្បូរវោហារស័ព្ទ សូ ដានីតា គឺកាល<br />ពីវេលាម៉ោងជាង ១រំលងអាធ្រាត្រថ្ងៃទី២១ ឈានចូលថ្ងៃទី២២ ខែកក្កដា ឆ្នាំ២០១៣ នាងបាន<br />នាំប្រុសស្នេហ៍ និងមិត្តភក្តិ ២-៣នាក់ទៀត ចូលផឹកស៊ីក្នុងក្លឹប C2 ស្ថិតក្នុងសង្កាត់ បឹងព្រលឹត <br />ខណ្ឌ៧មករា ហើយពេលស្រវឹង ជោគរៀងៗខ្លួន ក៏ចាប់ផ្ដើមផ្ទុះជម្លោះ ពាក្យសម្ដីគ្នាយ៉ាង តឹង<br />សរសៃក ផ្អើលអស់តុអ្នកជិតខាង ដែលបានចូលទៅក ម្សាន្តនៅទីនោះ ធ្វើឲ្យពួកគេដក-ក ចំហ<br />មាត់មើលនាងគ្រប់ៗគ្នា។</p>
<p>ប្រភពព័ត៌មានច្បាស់ការមួយ ចេញពីក្លឹប C2 បានបង្ហើបប្រាប់ថា កាលពីវេលាម៉ោងខាងលើ គេ<br />បានឃើញ ពិធីការិនីមានឈ្មោះល្បី សូ ដានីតា និងមិត្តភក្តិ ក្នុងនោះ មានប្រុស៣នាក់ ស្រី២នាក់ <br />រួមទាំងរូបនាង បានមកអង្គុយផឹកស៊ី យ៉ាងសប្បាយរីករាយ ក្នុងក្លឹបC2 ហើយ សូ ដានីតា ត្រូវបាន<br />ភ្ញៀវដែល ចូលរួមកម្សាន្តនៅទីនោះ ចោលក្រសែភ្នែក មើលគ្រប់ៗគ្នា ព្រោះនាងជាតារាល្បី តាម<br />កញ្ចក់ទូរទស្សន៍ មានអ្នកស្គាល់ច្រើន។</p>
<p>មួយសន្ទុះក្រោយមក ខណៈដែលគេឃើញ សូ ដានីតា ហាក់ស្រវឹងខ្លាំងបន្តិច ក៏ចាប់ផ្ដើមជជែក<br />គ្នាឮខ្លាំងៗ ជាមួយបុរសម្នាក់ រួមតុជាមួយនាង ដែលគេសង្ស័យថា ជាប្រុសស្នេហ៍។ ដោយមិន<br />អាច ទប់កំហឹងបាន ភ្លាមៗនោះ សូ ដានីតា បានអុកកែវស្រាមួយ ទំហឹងទៅនឹងតុ ធ្វើឲ្យទឹកកក<br />ក្នុងកែវ និងស្រា ខ្ទាតខ្ចាយប៉ះប្រឡាក់លើអាវ បុរសម្នាក់ជាភ្ញៀវ ដែលអង្គុយក្បែរនោះ និងទទឹក<br />ស្មាមួយ ចំហៀងទៀតផង។</p>
<p>ប្រភពព័ត៌មានបាន បន្តឲ្យដឹងទៀតថា សូ ដានីតា ហាក់មិនបានខ្វល់ខ្វាយ និងទទួលខុសត្រូវពី <br />ទង្វើខុសឆ្គងរបស់នាង ចំពោះអ្នកដទៃឡើយ ពោលគឺមិនបានសុំទោស សូម្បីតែមួយម៉ាត់ ក្នុង<br />នាមនាងជា អ្នកសិល្បៈល្បីឈ្មោះ និងមានមុខមាត់ក្នុង សង្គមម្នាក់ផងនោះ។ ពេលនោះ គេបែរ<br />ជាឃើញ បុរសម្នាក់រួមតុជាមួយ និងត្រូវបានគេសង្ស័យថា ជាប្រុសស្នេហ៍របស់នាង បានដើរ<br />តត្រុកទៅសុំទោស ភ្ញៀវម្នាក់នោះ ជំនួសនាងទៅវិញ ។</p>
<p>ក្នុងខណៈនោះ ទោះបីជាមិនបានបង្កជា អំពើហឹង្សាអ្វីឲ្យធ្ងន់ធ្ងរ ប៉ុន្តែសម្រាប់ សូ ដានីតា ត្រូវបាន<br />អ្នកផឹកស៊ីក្បែរនោះ សម្ដែងអារម្មណ៍ មិនពេញចិត្ត ចំពោះទង្វើរបស់នាង គឺហាក់បីដូចជា តម្កើង<br />ឫកហួសហេតុ មិនក្រែងចិត្តអ្នកដទៃ និងធ្វើចរិកច្រងេងច្រងាង មិនសមជាតារាល្បី ដែលមហាជន<br /> គាំទ្រទាល់តែសោះ ។ ប៉ុន្តែទោះបីជាយ៉ាង ណាភ្ញៀវម្នាក់ ដែលត្រូវស្រានិងដុំទឹកកក ខ្ទាតចេញពី<br />កែវស្រារបស់ សូ ដានីតា បានគិតថា នាងស្រវឹងខ្លាំងទៅហើយ បើឆេវឆាវ និងតតាំង ជាមួយនាង <br />គឺមានផ្ទុះជម្លោះធ្ងន់ធ្ងរ ជាងនេះប៉ុណ្ណោះ ម៉្លោះហើយសុខចិត្ត យកការសម្របសម្រួល ពីសំណាក់<br />មិត្ត ប្រុសរបស់នាង ក្នុងរាត្រីនោះ តែម្ដង។</p>
<p>ទាក់ទិននឹងរឿងហេតុ ពិធីការិនី សូ ដានីតា ផឹកស្រវឹងក្នុងក្លឹបរាត្រី រករឿងទាស់ទែងគ្នានេះ <br />គេហទំព័រ LookingTODAY បានព្យាយាមទាក់ទង តាមរយៈលេខទូរស័ព្ទ ដែលនាងធ្លាប់ប្រើ <br />ជាច្រើនលើកច្រើនសារ នៅវេលាថ្ងៃត្រង់នេះ ប៉ុន្តែពេលខល ចូលជាច្រើនដង បែរជាគ្មានអ្នក<br />ទទួល៕<br /> </p>
<p><img src="http://image.lookingtoday.com:81/lookingtoday/looking-images/news/2013/July/id-098/S_0676.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-098/S_0677.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-098/S_0678.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-098/S_0679.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>