<p style="text-align: left;">អគ្គស្នងការដ្ឋានគរបាលជាតិ កាលពីព្រឹកនេះ បានរៀបចំ ផ្សព្វផ្សាយ ផែនការការពាររក្សាសន្តិ<br />សុខ សណ្តាប់ធ្នាប់ និងសុវត្ថិភាព សម្រាប់កិច្ចប្រជុំកំពូលអាស៊ាន លើកទី២១ ដែលនឹងត្រូវបាន<br />ប្រារព្ធធ្វើឡើងពីថ្ងៃទី ១៥-២០ ខែវិច្ឆិកាខាងមុខ។</p>
<p>កាលពីព្រឹកថ្ងៃទី១២ ខែវិច្ឆិកា ឆ្នាំ២០១២ នេះ នៅអគ្គស្នងដ្ឋានការនគរបាលជាតិ មានរៀបចំកិច្ច<br />ប្រជុំ ផ្សព្វផ្សាយផែនការ ការពារសន្តិសុខ សណ្តាប់ធ្នាប់ សុវត្ថិភាពសម្រាប់ការពារកិច្ចប្រជុំកំពូល<br />អាស៊ាន ជាមួយគណប្រតិភូទីប្រឹក្សាសន្តិសុខជាតិរបស់លោកប្រធានាធិបតី Barack Obama<br /> ក្រោមអធិបតីភាពឯកឧត្តមនាយឧត្តមសេនីយ៍ឯក ជួន សុវណ្ណ អគ្គ ស្នងការរងនគរបាលជាតិ។</p>
<p>កិច្ចប្រជុំនេះ ត្រូវបានធ្វើឡើង ក្នុងបំណងដើម្បីដាក់ចេញនូវវិធានការសំខាន់ៗមួយចំនួន ក្នុងការ<br />ត្រៀមការពារ កិច្ចប្រជុំកំពូលអាស៊ាន ដែលគ្រោងធ្វើឡើងនៅសបា្ដហ៍នេះ អោយមានប្រសិទ្ធិភាព<br />និងចៀសវាងបញ្ហាអសន្ដិសុខដែលអាចកើតមានឡើង ក្នុងអំឡុងកិច្ចប្រជុំកំពូលនេះ។</p>
<p>នៅក្នុងថ្ងៃនេះដែរ លោក កែប ជុតិមា អភិបាលរាជធានីភ្នំពេញ ក៏បានបើកកិច្ចប្រជុំជាមួយគណៈ<br />បញ្ជាការឯកភាពគ្រប់បណ្ដាខណ្ឌ ក្នុងរាជធានីទាំង៩ ស្នងការ និងកងរាជវុធហត្ថ ដើម្បីត្រួត<br />ពិនិត្យលទ្ធផលការងាររៀបចំសន្តិសុខ និងការងារអភិវឌ្ឍន៍ ក្នុងរាជធានីភ្នំពេញ។</p>
<p>លោក កែប ជុតិមា មានប្រសាសន៍បន្តថា យើងត្រូវរៀបចំសណ្តាប់ធ្នាប់ ក៏ដូចជាសោភ័ណភាព<br />ក្នុងរាជធានីភ្នំពេញ ឱ្យកាន់តែល្អប្រសើរបំផុតពិសេសក្នុងរយៈពេល១ខែនេះ សម្រាប់ទទួលព្រឹត្តិ<br />ការណ៍ធំៗ គឺកិច្ចប្រជុំកំពូល អាស៊ាននៅក្នុងខែនេះ និងពិធីរំកិលព្រះបរមសពនៃព្រះករុណា ព្រះ<br />សម្តេចព្រះនរោត្តម សីហនុដែលគ្រោងធ្វើនៅដើមខែកុម្ភៈ ឆ្នាំ២០១៣ ដែលរំពឹងទុកថានឹងមាន<br />ប្រជាពលរដ្ឋរាប់លាននាក់ ចូលមកក្នុងរាជធានីភ្នំពេញដើម្បីចូលរួមក្នុងព្រះពិធីឈាបនកិច្ចព្រះ <br />បរមសព៕</p>
<p> </p>
<p><a class="thickbox" title="" href="/FileManager/Commons/2012/11/12/meeting-12-11-2012--16-17-34.jpg"><img src="/FileManager/Articles/mce/2012/11/12/meeting-12-11-2012--16-17-34.jpg" alt="" width="438" height="218" /><br /><br /></a><a class="thickbox" title="" href="/FileManager/Commons/2012/11/12/dsc00110-12-11-2012--16-13-41.jpg"><img src="/FileManager/Articles/mce/2012/11/12/dsc00110-12-11-2012--16-13-41.jpg" alt="" width="446" height="251" /></a></p>
<p><a class="thickbox" title="" href="/FileManager/Commons/2012/11/12/a18-12-11-2012--16-39-22.jpg"><img src="/FileManager/Articles/mce/2012/11/12/a18-12-11-2012--16-39-22.jpg" alt="" width="447" height="330" /></a></p>
<p> </p>
<p> </p>
<p style="text-align: right;">ដោយ ៖ សីហា<br />ប្រភព ៖ PL</p>