<p><span style="color: #000000;"><strong>(ក្រុងរីយ៉ូ)៖</strong> អត្តពលិកចុងក្រោយរបស់កម្ពុជា នីកូ បានមកដល់ទីហើយ ដោយប្រើពេល ២ម៉ោង ៤៥នាទី និង ៥៥នាទី ក្នុងចម្ងាយផ្លូវ ៤២គីឡូម៉ែត្រឈរនៅចំណាត់ថ្នាក់លេខ ១៣៩ ក្នុងចំណោមអ្នករត់ម៉ារ៉ាតុងសរុប ១៥៥នាក់ ក្នុងព្រឹត្តិការណ៍ Rio Olympic Games 2016 ដែលទើបបញ្ចប់មុននេះ។ នេះបើយោងតាមលោក វ៉ាត់ ចំរើន ថ្លែងប្រាប់ Khmertalking។</span></p>
<p><span style="color: #000000;">ដូច្នេះ បេសកកម្មរបស់អត្តពលិកកម្ពុជាទាំង ៦រូបក្នុងការចូលប្រកួតកីឡាអូឡាំពិក រដូវក្តៅ ឆ្នាំ២០១៦ នៅទីក្រុង Rio de Janeiro នៃប្រទេសប្រេស៊ីល ត្រូវបានបញ្ចប់ជាស្ថាពរហើយ ដោយពុំបានឈ្នះមេដាយនោះទេ ក្នុងចំណោម ៤ប្រភេទកីឡារួមមាន កីឡាហែលទឹក ២រូប កីឡារត់ប្រណាំងម៉ារ៉ាតុង ២រូប កីឡាបោកចំបាប់ ១រូប និងកីឡាតេក្វាន់ដូ ១រូប។</span></p>
<p><span style="color: #000000;">សូមបញ្ជាក់ផងដែរថា សម្រាប់ព្រឹត្តិការណ៍ដែលមានរយៈពេល ៤ឆ្នាំម្តង Olympic Games 2016 នឹងបិទការប្រកួតនាយប់នេះហើយ បន្ទាប់ដំណើរការប្រកួតអស់រយៈពេល ១៦ថ្ងៃមកនេះ ពោលគឺចាប់ពីថ្ងៃទី០៥ ដល់ថ្ងៃទី២១ ខែសីហា ឆ្នាំ២០១៦ ទៅលើ ២៨ប្រភេទកីឡាដាក់ឲ្យប្រកួតដណ្តើមមេដាយ ចែកចេញជា ៣០២វិញ្ញាសាប្រកួត និង ៤១វិញ្ញាសាសំដែង។</span></p>
<p><span style="color: #000000;">ក្នុងនោះដែរ អាមេរិក បានកំពុងនាំមុខគេបណ្តោះ និងចាប់តាំងពីចាប់ផ្តើប្រកួតផងដែរ ក្នុងនាមក្រុមអត្តពលិកឈ្នះមេដាយបានច្រើនជាងគេដាច់ លេខ២ អង់គ្លេស និងលេខ៣ ចិន ហើយម្ចាស់ផ្ទះប្រេស៊ីល ឈ្នះមេដាយបានតែ ១៨គ្រឿងប៉ុណ្ណោះ មាស៦ ប្រាក់៦ និងសំរឹទ្ធ៦ដូចគ្នា ឈរនៅលេខ១៤ ក្នុងចំណោម ៨៦ ប្រទេសដែលឈ្នះដាយនៅ Rio Olympic Games 2016 លើកទី៣១នេះ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-21-22-32-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-21-22-32-24-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-21-22-32-24-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-21-22-32-24-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-21-22-32-24-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-21-22-32-24-4.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>