<p><span style="color: #000000;"><strong>(ព្រៃវែង)៖</strong> សមាជិកគណ:កម្មាធិការ កណ្តាលគណបក្សប្រជាជនកម្ពុជា អនុប្រធានក្រុមការងារចុះជួយ ស្រុកពោធិ៍រៀង និងជាប្រធានក្រុមការងារ ចុះជួយឃុំកំពង់ឫស្សី បាននាំដំណឹងដ៏រីករាយពីការបញ្ចុះ តម្លៃអគ្គិសនីរបស់ អាជ្ញាធរអគ្គិសនីកម្ពុជា ដែលជាសេនាធិការរបស់រាជរដ្ឋាភិបាល ជូនសមាជិក សមាជិកាគណបក្សប្រជាជនរបស់ខ្លួនដែលនេះ គឺជាការចូលរួមចំណែកកាត់បន្ថយភាពក្រីក្រ ថែមមួយកម្រិតទៀត ជូនដល់ប្រជាពលរដ្ឋទូទាំងប្រទេស។</span></p>
<p><span style="color: #000000;">លោក ឯម សំណាង នៅព្រឹកថ្ងៃទី២៧ ខែមីនា ឆ្នាំ២០១៦នេះ បានជួបសំណេះសំណាល ជាមួយសមាជិក សមាជិកាគណបក្សប្រជាជនកម្ពុជា ចំនួន៥២២នាក់ នៅឃុំកំពង់ឫស្សី ស្រុកពោធិ៍រៀង ខេត្តព្រៃវែង ។</span></p>
<p><span style="color: #000000;">ប្រធានក្រុមការងារចុះជួយឃុំកំពង់ឫស្សីរូបនេះ បានថ្លែងទៅកាន់ប្រជាពលរដ្ឋទាំងអស់ថា រាជរដ្ឋាភិបាលក្រោមការដឹកនាំ របស់សម្តេចតេជោ ហ៊ុន សែន បានសម្រចបញ្ចុះតម្លៃអគ្គិសនីពី១០៥០រៀល មកត្រឹម៤៨០រៀល ចំពោះអ្នកប្រើប្រាស់ចាប់ពី១០គីឡូវ៉ាតម៉ោងចុះក្រោម និងចំពោះអ្នកប្រើចាប់ពី១០គីឡូវ៉ាតម៉ោងឡើងទៅ គឺត្រឹម៧៨០រៀល។</span></p>
<p><span style="color: #000000;">ជាមួយគ្នានេះលោក ឯម សំណាង ក៏បានជំរុញទៅមន្រ្តីនគរបាលប៉ុស្តិ៍ មូលដ្ឋានត្រូវបង្កើនការធ្វើអត្តសញ្ញាណប័ណ្ណ ជូនប្រជាពលរដ្ឋនៅតាមភូមិបានគ្រប់ៗគ្នា ដើម្បីត្រៀមចូលរួមបោះឆ្នោត នាពេលខាងមុខ និងដើម្បីយកទៅប្រើប្រាស់ តាមតម្រូវការរបស់ខ្លួនប្រចាំថ្ងៃ។</span></p>
<p><span style="color: #000000;">ជុំវិញនឹងគោលនយោបាយ ភូមិឃុំមានសុវត្ថិភាព លោក ឯម សំណាង បានប្រាប់ទៅកម្លាំងនគរបាល និងអាជ្ញាធរមូលដ្ឋាន មានប្រជាការពារភូមិ ត្រូវចូលរួមសហការគ្នា ទប់ស្កាត់បទល្មើសនានា ដែលអាចកើតមានឡើង ជាពិសេសអំពើចោរកម្ម ប្លន់ ហិង្សា ជាពិសេសគឺបញ្ហាគ្រឿងញៀនជាដើម ដើម្បីរក្សាសន្តិសុខ និងសណ្តាប់ធ្នាប់ ជូនប្រជាពលរដ្ឋរបស់យើង កាន់តែប្រសើរឡើង។</span></p>
<p><span style="color: #000000;">ជាចុងក្រោយលោកក៏បានណែនាំ ទៅកាន់ប្រជាពលរដ្ឋទាំងអស់ ត្រូវចូលរួមគោរពច្បាប់ចរាចរណ៌របស់ជាតិ បានគ្រប់ៗគ្នា គឺពេលបើកម៉ូតូត្រូវពាក់មួកសុវត្ថិភាព ដើម្បីចូលរួមកាត់បន្ថយគ្រោះថ្នាក់ ដែលបានម្លាប់ជីវិតមនុស្សជារៀងរាល់ថ្ងៃនេះ៕</span></p>
<p><a class="thickbox" title="" href="/FileManager/Commons/2016/3/27/02a-27-03-2016--15-46-34.jpg"><img src="/FileManager/Articles/mce/2016/3/27/02a-27-03-2016--15-46-34.jpg" alt="" /></a></p>
<p><span style="color: #000000;"><img src="https://scontent-sit4-1.xx.fbcdn.net/hphotos-xfl1/v/t1.0-9/12744349_1578148885832810_4746251684371075254_n.jpg?oh=2588a41b5f85b010a9262f3d067174b7&oe=574CD1AD" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>