<div class="article-content">
<p><strong>មណ្ឌលគិរី៖</strong> សំឡេងគ្រាប់កាំភ្លើងជាច្រើនគ្រាប់ បានលាន់ឮកងរំពង នាប្រលប់ថ្ងៃទី១៥<br /> ខែឧសភា ឆ្នាំ២០១៣ តាមបណ្តោយលេខ៧៦ ដែលសំឡេងគ្រាប់ គឺជាសកម្មបាញ់រះរបស់<br />កម្លាំងកងរាជអាវុធហត្ថ (អ.ហ)លើផ្ទៃប្រទេស បម្រើការនៅស្នាក់ការអភិរក្សជីវៈចម្រុះសីមា<br /> ទៅលើរថយន្តមេបញ្ជាការ កងរាជអាវុធហត្ថស្រុកកែវសីមា សំណាង ល្អគ្មានអ្នករងគ្រោះ<br />ថ្នាក់នោះទេ។</p>
<p>លោក ស៊ួ សុវណ្ណធី មេបញ្ជាការរងកងរាជអវុធហត្ថស្រុកកែវសីមា បានឲ្យដឹងថា រថយន្ត<br />វីហ្គោចង្កូតស្តាំ ដែលរង នូវការបាញ់ប្រហារនោះជារបស់លោក តែពេលនោះក្នុងលោកមិន<br />បានស្ថិតក្នុងរថយន្តនោះទេ។</p>
<p>លោក ស៊ូ សុវណ្ណធី បានហៅអំពើបាញបោះបែបនេះ ជាអំពើខុសច្បាប់។ លោកបញ្ជាក់ថា<br /> វាហាក់ដូចជាមានគំនុំ ជាមួយរូបលោក ធ្វើការបាញ់ប្រហារយ៉ាងសហាវព្រៃផ្សៃបែបនេះ <br />សំណាងល្អរូបលោកមិនបានជិះរថយន្តនោះ កុំអី មិនដឹងលទ្ធផលយ៉ាងណានោះទេ។</p>
<p>មេបញ្ជាការ អ.ហ ស្រុកកែវសីមា រូបនេះ បានសំណូមពរដល់កងកម្លាំងប្រើប្រាស់អាវុធមេត្តា<br /> កុំបាញ់បោះសេរី ព្រោះអំពើទាំងនេះ គឺជាអំពើខុសច្បាប់។</p>
<p>បើតាមលោក ណាក់ ដែលជាអ្នកបើកបររថយន្តខាងលើ ប្រាប់ឲ្យដឹងថា មុនពេលកើតហេតុ<br /> រូបលោក រួមនិងមិត្ត ភ័ក្តិម្នាក់ បានជិះរថយន្តធ្វើដំណើរមកពីស្រុកអូររាំង តាមបណ្តោយផ្លូវ<br />ជាតិលេខ៧៦ ឆ្ពោះមកកាន់ស្រុកកែវសីមា។ លុះបើកដល់ចំណុចខាងលើស្រាប់តែឃើញ<br />រថយន្តស្ទូចមួយគ្រឿងរបស់កងកម្លាំងអ.ហ ស្នាក់ការអភរក្សជីវៈចម្រុះ សីមា យកមកដាក់<br />ពាំងកណ្តាលផ្លូវ ធ្វើឲ្យរថយន្តរបស់លោកឆ្លងកាត់មិនបាន។</p>
<p>លោក ណាក់ បន្តថា ពេលរថយន្តរបស់លោកឈប់នោះ ស្រាប់តែ កំលាំងកងរាជអាវុធហត្ថ<br /> នៅស្នាក់ការមួយនេះ ចេញ មកបាញ់មួយគ្រាប់បណ្តាលឲ្យធ្លុះទ្វាររថយន្តខាងឆ្វេងធ្លាយចូល<br />ពូកខាងក្នុង។ ឃើញស្ថានការណ៍មិនស្រួល លោកក៏មានការភ័យយ៉ាងខ្លាំង ព្រមទាំងបានបត់<br />រថយន្តថយក្រោយឆ្ពោះទៅកាន់ស្រុកអូររាំងវិញ។ </p>
<p>លោក ណាក់ បានបន្តឲ្យដឹងផងដែរថា ពេលលោកបើករថយន្តថយក្រោយ ស្រាប់តែកម្លាំង <br />អ.ហ ស្នាក់ការអភិ រក្សជីវៈចម្រុះសីមា ដេញតាមពីក្រោយ ព្រមទាំងបាញ់រះជាច្រើនគ្រាប់ថែម<br />ទៀត ហើយស្រែកឲ្យរថយន្តនោះឈប់ ប្រហែលពួកគេសង្ស័យថា រថយន្តវីហ្គោនោះ មានដឹក<br />ជញ្ជួនបទល្មើសខុសច្បាប់ ប៉ុន្តែពួកលោកអត់មានដឹកអ្វីនោះ ទេ ។</p>
<p>ពាក់ព័ន្ធហេតុការណ៍បាញ់ប្រហារខាងលើនេះ លោក វ៉ាត ប្រធានកម្លាំង អ.ហ ប្រចាំស្នាក់ការ<br />អភិរក្សជីវៈចម្រុះ សីមា លោកបានបញ្ជាក់យ៉ាងខ្លីប្រាប់អ្នកយក ព័ត៌មានមជ្ឈមណ្ឌលព័ត៌មាន<br />ដើមអម្ពិលប្រចាំខេត្តមណ្ឌលគិរី តាមទូរ ស័ព្ទថា ពុំមានអំពើបាញ់បោះនោះទេ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-186.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-187.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/S-188.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>