<div class="article-content">
<p><strong>ភ្នំពេញ៖</strong> យ៉ាងហោចណាស់ មនុស្សចំនួន ៣នាក់ ក្នុងនោះ ប្រុសម្នាក់ បានស្លាប់ភ្លាមៗ នៅនឹង<br />កន្លែងកើតហេតុ ដោយសារ តែរថយន្តដឹកដីមួយគ្រឿង បានបុករះម៉ូតូ និងរថយន្តឆ្លាម នាវេលា<br />ម៉ោង ប្រហែល៤៖៥០នាទី រសៀលថ្ងៃទី១២ ខែឧសភា ឆ្នាំ២០១៣ នេះ ស្ថិតនៅមុខផ្សារច្បារអំពៅ<br /> ខណ្ឌមានជ័យ ហើយជនរងគ្រោះពីរនាក់ បានធ្លាយខួរ និងមា្នក់ទៀត ធ្លាយពោះវៀន មើលទៅគួរ<br />ឲ្យរន្ធត់ជាទីបំផុត។</p>
<p>សេចក្តីរាយការណ៍ពី កន្លែងកើតហេតុ បានឲ្យដឹងថា មានរថយន្តដឹកដីមួយគ្រឿងពាក់ស្លាកលេខ<br />ក៥៤៨៩ភព បានធ្វើដំណើរតាមបណ្តោយ ផ្លូវជាតិលេខ១ ក្នុងទិសដៅពីលិចទៅកើត ស្រាប់តែដល់<br />កន្លែង កើតហេតុ នៅជិតស្ពានច្បារអំពៅ បានរេងចង្កូតទៅ បុកម៉ូតូ របស់ប្រជាពលរដ្ឋ ដែលកំពុង<br />ធ្វើដំណើរ តាមដងផ្លូវ និងរថយន្តឆ្លាមចំនួន២គ្រឿង បានបណ្តាលឲ្យ ជនរងគ្រោះចំនួន៣នាក់ បាន<br />ស្លាប់ភ្លាមៗ ក្នុងនោះ ជនរងគ្រោះពីរនាក់ បានធ្លាយខួរ និងម្នាក់ទៀតធ្លាយពោះវៀន។ </p>
<p>សេចក្តីរាយការណ៍បានបន្តថា ក្រោយកើតហេតុ ប្រជាពលរដ្ឋ ជាច្រើននាក់ បានវាយកញ្ចក់ រថយន្ត<br />ដឹកដី ដើម្បីចាប់ខ្លួនអ្នកបើកបរ ប្រគល់ឲ្យសមត្ថកិច្ច តែនៅពេលនោះ ដោយសារតែទប់កំហឹងមិនបាន<br /> ចំពោះការបើកបរ ព្រហើន ប្រជាពលរដ្ឋ បានវាយអ្នកបើករថយន្ត កុំតែបានសមត្ថកិច្ច ជួយទាន់ នោះ<br />មិនដឹងទៅជាយ៉ាងណានោះទេ។ យ៉ាងណាក៏ដោយ មិនទាន់ដឹងអត្តសញ្ញាណ ជនរងគ្រោះនោះទេ <br />ខណៈសមត្ថកិច្ច មូលដ្ឋាន និងកម្លាំងនគរបាលចុះទៅត្រួតពិនិត្យ នៅកន្លែងកើតហេតុ។</p>
<p>បើតាមសេចក្តីរាយការណ៍ ក៏បានឲ្យដឹងផងដែរ ការបុករះនេះបណ្តាលមកពីរថយន្តដឹកដីដាច់ហ្រ្វាំង៕</p>
<div>
<div></div>
</div>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0067.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0068.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0069.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0070.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0071.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0072.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0073.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/May/id-007/Pheak-0074.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>