<p><span style="color: #000000;"><strong>(ភ្នំពេញ)៖</strong> រថយន្តស៊េរីទំនើបមួយគ្រឿង ម៉ាក Toyota Fortuner ពាក់ស្លាកលេខ ខេមរភូមិន្ទ 2-4455 បើកលឿនជ្រុលទៅបុករបាំងថ្ម ពុះចែកទ្រូងផ្លូវ បាក់អស់៥ផ្ទាំង បណ្តាលឲ្យរថយន្តក្រឡាប់ផ្ងារជើង សង្កត់លើរ៉ឺម៉កអេតចាយ តែសំណាងល្អមិនមាន អ្នករងរបួសនោះទេ។</span></p>
<p><span style="color: #000000;">គ្រោះថ្នាក់ចរាចរណ៍នេះ កាលពីវេលាម៉ោង២៣៖១០នាទីយប់ ថ្ងៃទី២៨ ខែកុម្ភៈ ឆ្នាំ២០១៧ ត្រង់ចំនុច ក្បែរផ្សារ៧មករា ស្ថិតតាមបណ្ដោយផ្លូវ២៨៩ ស្ថិតក្នុងសង្កាត់បឹងកក់២ ខណ្ឌទួលគោក ។</span></p>
<p><span style="color: #000000;">តាមប្រភពព័ត៌មាន ពីកន្លែងកើតហេតុបានឲ្យដឹងថា មុនពេលកើតហេតុគេឃើញ រថយន្តសេរ៊ីទំនើប១គ្រឿងម៉ាក Toyota Fortuner ពណ៍ស ពាក់ស្លាកលេខ ខេមរភូមិន្ទ 2-4455 បើកបរដោយបុរសម្នាក់ មិនស្គាល់អត្តសញ្ញាណ បើកតាមបណ្តោយផ្លូវ ២៨៩ ក្នុងទិសដៅពីត្បូងទៅជើង ក្នុងល្បឿនលឿនលុះមកដល់ចំណុចកើតហេតុ ដោយសារតែនៅខាងមុខ របាំងថ្មពុះចែកទ្រូងផ្លូវ ត្រូវបានក្រុមការងារសាលាក្រុង បង្ខិតលយចេញមកផ្លូវរថយន្ត ដើម្បីយកទីតាំងដាក់លូ ទើបបណ្ដាលឲ្យបុរសនោះ បើកទៅបុករបាំងថ្មដួលអស់៥ផ្ទាំង រួចរថយន្តប៉ើងជាង២០ម៉ែត្រ ក្រឡាប់ទៅសង្កត់រ៉ឺម៉ក អ្នករើសអេតចាយ តែសំណាងល្អម្ចាស់រថយន្ត និងម្ចាស់រ៉ឺម៉ក មិនមានរងរបួសនោះទេ។</span></p>
<p><span style="color: #000000;">ភ្លាមៗម្ចាស់រថយន្តបង្កប្រញាប់រត់ទៅ បកស្លាកលេខរថយន្ត ចេញពីរថយន្ត រួចរត់យករួចឡើងជិះម៉ូតូឌុប រត់គេចខ្លួនបាត់។</span></p>
<p><span style="color: #000000;">ចំណែកម្ចាស់រ៉ឺម៉កអេតចាយ មានឈ្មោះ ហ៊ួ នាង ភេទប្រុស អាយុ៥៦ឆ្នាំ មុខរបររើសអេតចាយ ស្នាក់នៅផ្ទះជួលម្ដុំបឹងតាម៉ាត សង្កាត់ដង្កោ ខណ្ឌដង្កោ។</span></p>
<p><span style="color: #000000;">ក្រោយពេលកើតហេតុរថយន្តបង្ក និងម៉ូតូរ៉ឺម៉កអេតចាយ ត្រូវបានសមត្ថកិច្ចចរាចរណ៍ខណ្ឌទួលគោក សហការជាមួយនគរបាលចរាចរណ៍ក្រុង ចុះមកវាស់វែង និងអូសរថយន្តយកទៅរក្សាទុក នៅស្នងការរាជធានីភ្នំពេញ ដើម្បីរង់ចាំការដោះស្រាយ នៅពេលក្រោយ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F697176773787450%2F&show_text=0&width=730" frameborder="0" width="500" height="410"></iframe></span></p>
<p><span style="color: #000000;"><img src="http://image.freshnewsasia.com/2017/006/02/fn-2017-03-01-07-19-08-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/02/fn-2017-03-01-07-19-09-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/02/fn-2017-03-01-07-19-09-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/02/fn-2017-03-01-07-19-09-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/006/02/fn-2017-03-01-07-19-09-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>