<div class="article-content">
<p><strong>ភ្នំពេញៈ</strong> អតីបុគ្គលិកក្រុមហ៊ុន ទូរស័ព្ទMFONE ដែលជាទូរស័ព្ទ ប្រព័ន្ធ០១១. ០៦១<br /> .០៧៦ .០៨៥ និង ០៩៩ ហើយបច្ចុប្បន្ន បានលក់អតិថិជន ទៅឲ្យក្រុមហ៊ុន ម៉ូប៊ីថែល<br /> បានប្រកាស ធ្វើបាតុកម្មធំ ប្រសិនបើថៅកែ និង ស្ថាប័ន ពាក់ព័ន្ធ មិនរកដំណោះ<br />ស្រាយ ជូនពួកគាត់ឲ្យបាន ឆាប់រហ័សទេនោះ។</p>
<p>ថៅកែ ក្រុមហ៊ុន MFONE ត្រូវបានគេដឹងថា ជាជនជាតិថៃ និង ជនជាតិសិង្ហបុរី <br />បច្ចុប្បន្នបានគេវេស មិនចូល ដោះស្រាយ ជាមួយបុគ្គលិករបស់ខ្លួន បន្ទាប់ពីប្រកាស<br />ថា ក្រុមហ៊ុនបាន ក្ស័យធន កាលពីថ្ងៃទី១៧ ខែកុម្ភៈ ឆ្នាំ២០១៣ កន្លងទៅថ្មីៗ នេះ <br />ដែលកត្តានេះ ហើយបានធ្វើឲ្យបុគ្គលិក បម្រើការរបស់ខ្លួន ជាងមួយពាន់នាក់ កើត<br />ទុក្ខមិនសុខចិត្ត រហូតឈានដល់ ធ្វើកូដកម្មនោះ ។</p>
<p>អ្នកស្រី ប៊ូ គន្ធា ប្រធានផ្នែកសម្ភារៈទីផ្សារនិងជា តំណាងបុគ្គលិក ក្រុមហ៊ុន MFONE <br />បានថ្លែងប្រាប់ អ្នកសារ ព័ត៌មាន នាព្រឹកថ្ងៃទី១៨ ខែមីនា ឆ្នាំ២០១៣ថា អ្នកស្រីនឹង <br />ដឹកនាំបុគ្គលិកទាំងអស់ ទៅធ្វើការតវ៉ា នៅតាម ក្រសួងនានា ដែលពាក់ព័ន្ធ ដើម្បី<br />ជំរុញឲ្យក្រសួង ទាំងនោះពន្លឿននូវដំណោះស្រាយ ជូនពួកគេ ពីព្រោះនា ពេលនេះ <br />ពួកគេកំពុងមានបញ្ហា ខ្លាំងខាងជីវភាព ជាពិសេសប្រាក់កាក សម្រាប់កូន ទៅរៀន <br />និងប្រាក់ថ្លៃ ផ្ទះជួលជាដើម ។</p>
<p>អ្នកស្រីបានបន្តថា “ថៅកែធំៗមិនអើពើ ហើយបានដោះដៃមិនដោះស្រាយ ជូនពួកខ្ញុំ<br /> ហើយបែជា យកទៅឲ្យតុលាការ ដោះស្រាយទៅវិញ... ហើយខាងបុគ្គលិក របស់<br />យើងមិនអាចទ្រាំ រងចាំដំណោះស្រាយ នេះបានទេ ចងឲ្យសម្តេចតេជោ និង លោក<br />ជំទាវកិត្តិព្រឹទ្ធបណ្ឌិត ជួយដើម្បីដោះស្រាយ ឲ្យបានឆាប់រហ័ស” ។</p>
<p>អ្នកស្រី ប៊ូ គន្ធា បានបន្តទៀតថា ប្រាក់ទាំងឡាយ ដែលក្រុមហ៊ុនមិនទាន់ ដោះ<br />ស្រាយជូន ដល់ពួកគេ មាន ចាប់តាំងពីជាង មួយពាន់ដុល្លារ រហូតដល់ជាង ៦ម៉ឺន<br />ដុល្លារ អាស្រ័យទៅតាម អតីតភាពការងារ របស់ពួកគេ។</p>
<p>លោក ប៉ាង វទ្ធី ដែលជាបុគ្គលិក បម្រើការឲ្យក្រុមហ៊ុននេះ ជាង ១០ឆ្នាំហើយនោះ <br />បានថ្លែងឲ្យដឹងថា ការទាមទារ របស់ពួកគេ គឺមាន ប្រាក់បំណាច់ឆ្នាំ ប្រាក់បណ្តេញ<br />ចេញ ប្រាក់ជូនដំណឹង ប្រាក់ជំងឺចិត្ត និងប្រាក់ ផ្សេងៗជាច្រើនទៀត ស្របទៅតាម<br />ច្បាប់ ការងារស្រុកខ្មែរ។ លោកបានបន្តថា ការតវ៉ារបស់ពួកគេ រហូត មកដល់ពេល<br />នេះ គឺមានចំនួនបីលើកហើយ ក៏ប៉ុន្តែ ពុំមានពន្លឺណាមួយ សម្រាប់ ដំណោះស្រាយ <br />ជូនពួកគេ ឡើយ។</p>
<p>លោកបញ្ជាក់ថា“ខ្ញុំសូមអំពាវនាវដល់ សម្តេចតេជោ ហ៊ុន សែននិងលោក ជំទាវកិត្តិ<br />ព្រឹទ្ធបណ្ឌិត ប៊ុនរ៉ានីហ៊ុន សែន សូមលោកមេត្ត ជំរុញដល់ថៅកែ ក្រុមហ៊ុន MFONE<br /> ចូលមកដោះស្រាយ ប្រាក់ខែនិងប្រាក់បំណាច់ផ្សេង ជូនដល់ពួកយើងខ្ញុំផង ពួកខ្ញុំ<br />ត្រូវបាន ព្យួរការងារចាប់តាំងពី ថ្ងៃទី១៧ ខែកុម្ភៈមក ហើយបុគ្គលិក យើងខ្ញុំ ទាំង<br />អស់គ្នា មិនមានប្រាក់ឲ្យកូន និងក្រុមគ្រួសារទេ និងថ្លៃផ្ទះជាដើម” ។</p>
<p>ក្រុមហ៊ុន MFONE បានបង្កើត នៅព្រះរាជាណាចក្រកម្ពុជា អស់រយៈពេល ១៥ឆ្នាំ <br />មកហើយ ក្នុងរយៈពេល ប្រតិបត្តិការក្រុមហ៊ុននេះ បានខ្ចីទុនពី ក្រុមហ៊ុនឯកជន<br /> និងស្ថាប័ន ហិរញ្ញវត្ថុនានា ទាំងក្នុងនិងក្រៅ ប្រទេស ប៉ុន្តែដោយអតិថិជន របស់ខ្លួន<br />តិច ហើយចំណូលចូលទាប ទើបធ្វើឲ្យបំណុលកាន់តែច្រើន នោះក្រុមហ៊ុនបាន<br /> សម្រេចចិត្ត បិទទ្វារឈប់ ដំណើរការតែម្តង។ ប៉ុន្តែ យ៉ាងណាក៏ដោយ ថៅកែ<br />ក្រុមហ៊ុនបានគេចមុខមិនព្រម ចូលមកដោះស្រាយ ជាមួយនឹងបុគ្គលិក របស់ខ្លួន<br /> ដែលបច្ចុប្បន្ន បានកំពុងរកទុកវេទនា ដោយសារ សេដ្ឋកិច្ច គ្រួសារ របស់ពួកគេនោះ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-250.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-078/Lay-249.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>