<p><span style="color: #000000;"><strong>(ភ្នំពេញ)៖</strong> ករណីបាត់ក្មេងស្រី២នាក់អស់រយៈពេល៣យប់ និងរកឃើញនៅក្នុងផ្ទះសំណាក់ «សមុទ្រមាស» ស្ថិតតាមបណ្ដោយផ្លូវ៥៩៨ សង្កាត់ភ្នំពេញថ្មី ខណ្ឌសែនសុខ ជាមួយប្រុសស្ទាវ៤នាក់ផ្សេងទៀត បានបង្កឲ្យមានការភ្ញាក់ផ្អើល កាលពីថ្ងៃទី១៩ ខែកក្កដា ឆ្នាំ២០១៦ ត្រូវបានប្រជាពលរដ្ឋលើកឡើងនូវការរិះគន់យ៉ាងខ្លាំង ទៅលើលោកមេប៉ុស្តិ៍នគរបាលស្ដីទីសង្កាត់ភ្នំពេញថ្មី ខណ្ឌសែនសុខថា បានជួយបិទបាំងរឿងហេតុជាសម្ងាត់ ទោះបីប្រជាពលរដ្ឋបានឃើញផ្ទាល់ភ្នែកនូវអំពើអានាចារនេះ ក៏ដោយ។</span></p>
<p><span style="color: #000000;">ករណីសម្ងាត់ជៀសមិនរួចពីការបែកធ្លាយនេះ ត្រូវបានមហាជនជាសាក្សីមួយចំនួន លួចខ្សឹបថា<strong> «លោកមេប៉ុស្តិ៍ស្តីទីសង្កាត់ភ្នំពេញថ្មី ជាអ្នកបានផលប្រយោជន៍ ពីម្ចាស់ផ្ទះសំណាក់ សមុទ្រមាស ទើបជួយលាក់បិទបាំង និងការពារអំពើខុសច្បាប់នេះ»</strong>។</span></p>
<p><span style="color: #000000;">ទាក់ទងនឹងការរិះគន់នេះ លោក បឹុល កុសល អភិបាលខណ្ឌសែនសុខ បានប្រាប់ភ្នាក់ងារ Fresh News ថា លោកមិនគាំទ្រជាដាច់ខាត ចំពោះទង្វើខុសច្បាប់នេះ ទោះក្នុងរូបភាពណាក៏ដោយ ហើយលោកអភិបាលខណ្ឌ បានទទូចសូមឲ្យមន្រ្តីរបស់លោកគ្រប់រូប ចូលរួមគោរពច្បាប់ ការពារច្បាប់ ការពារប្រជាពលរដ្ឋ ហើយបើមន្រ្តី ឬសមត្ថកិច្ចណាប្រព្រឹត្តខុស ត្រូវតែទទួលខុសត្រូវចំពោះមុខច្បាប់ជាធរមាន។</span></p>
<p><span style="color: #000000;">សូមរម្លឹកថា ក្មេងស្រីទាំង២នាក់ខាងលើ ស្ថិតក្នុងវ័យក្មេង និងកំពុងសិក្សាថែមទៀត ដែលបានបាត់ពីផ្ទះអស់រយៈពេល៣ ថ្ងៃ៣យប់មកហើយ ធ្វើឲ្យក្រុមគ្រួសារសាច់ញាតិ និងអាណាព្យាបាល ដើរស្វែករកគ្រប់ទីកន្លែង ប៉ុន្តែបានមកឃើញពួកគេ កំពុងសម្ងំស្នាក់នៅពពាក់ពពួនជាមួយប្រុសស្ទាវ៤នាក់ផ្សេងទៀត ក្នុងបន្ទប់ផ្ទះសំណាក់សមុទ្រមាសខាងលើនេះ ទៅវិញ។</span></p>
<p><span style="color: #000000;">មន្រ្តីនគរបាលមូលដ្ឋាន បានឲ្យដឹងថា ក្រោយពេលបាត់ដំណឹងកូនស្រីទាំងនេះ អាណាព្យាបាលបានទៅដាក់ពាក្យបណ្តឹង នៅប៉ុស្តិ៍នគរបាលឲ្យជួយស្វែងរក។</span></p>
<p><span style="color: #000000;">តាមការសួរនាំរួចមកកម្លាំងសមត្ថកិច្ច បានទៅផ្ទះសំណាក់ខាងលើ ស្រាប់តែឃើញក្មេងស្រទាំង២នាក់ កំពុងនៅជាមួយក្មេងប្រុសស្ទាវ៤នាក់ទៀត យ៉ាងពពាក់ពពូនទៅវិញ។</span></p>
<p><span style="color: #000000;">បច្ចុប្បន្ន នគរបាលប៉ុស្តិ៍ទឹកថ្លា កំពុងធ្វើការសាកសួរពួកគេទាំង៦នាក់ និងរកឲ្យឃើញពីមូលហេតុដែលពួកគេនាំគ្នា មកពពាក់ពពួន ក្នុងបន្ទប់ផ្ទះសំណាក់នេះ ភ្លេចសាលារៀន ធ្វើឱ្យឪពុកម្ដាយព្រួយបារម្ភ៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-07-19-15-35-31-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-19-15-35-31-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-19-15-35-31-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-19-15-35-31-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-19-15-35-31-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-19-15-57-49-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-19-15-57-49-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-07-19-15-35-32-8.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>