<p>អង្គែ គឺជាប្រភេទនៃជំងឺស្បែកក្បាល ដែលបណ្តាលមកពីការរីកលូតលាត់នៃបាក់តេរី និងផ្សិត<br />ផ្អួរ (ទុកសក់ឱ្យនៅសើមយូរពេក) នៅលើស្បែកក្បាល បង្កឱ្យស្បែកក្បាលកើតមានអង្គែ។ តើ<br />ស្បែកក្បាល របស់អ្នកកំពុងតែ កើតមានអង្គែ មែនដែរ ឬទេ? ខាងក្រោមនេះ គឺជា វិធីងាយៗ<br />មួយចំនួន ដើម្បីកំចាត់អង្គែ និង ធ្វើឱ្យស្បែកក្បាលមានក្លិនក្រូចអូប និង មានសុខភាពល្អ។</p>
<p><a class="thickbox" title="" href="/FileManager/Commons/2013/10/11/dandruffremedyphotos-11-10-2013--16-30-09.jpg"><img src="/FileManager/Articles/mce/2013/10/11/dandruffremedyphotos-11-10-2013--16-30-09.jpg" alt="" width="463" height="463" /></a></p>
<p><strong>១/ អំបិល៖ </strong>មានផ្ទុកនូវសារធាតុម្យ៉ាង ដែលអាចជួយព្យាបាលកំចាត់អង្គែ លើស្បែកក្បាល<br />បានយ៉ាងមានប្រសិទ្ធិ និងងាយស្រួលបំផុត។ វិធីព្យាបាល៖សូមយកអំបិលម៉ដ្ឋស្ងួត មករោយ<br />ពីលើស្បែកក្បាល ឱ្យសព្វ រួចប្រើម្រាមដៃម៉ាស្សាថ្មមៗ តិចៗ បន្ទាប់មក លាងសំអាតសក់និង<br />ស្បែក ជាមួយនឹងសាប៊ូកក់ចេញ ជាការស្រេច។</p>
<p><strong>២/</strong> <strong>ម្ស៉ៅ Baking Soda៖</strong> ជាឱសថដ៏ល្អបំផុត សំរាប់សម្លាប់អង្គែ នៅលើស្បែកក្បាល បាន<br />យ៉ាងងាយស្រួល។ ដើម្បីកំចាត់អង្គែនៅលើស្បែកក្បាល ដំបូង ត្រូវធ្វើឱ្យសក់ របស់អ្នកសើម<br />បន្ទាប់មក យកម្ស៉ៅ Baking Soda ដុសម៉ាស្សាថ្មមៗ លើស្បែកក្បាល រួចលាងសំអាតសក់ <br />និងស្បែកក្បាល ជាមួយនឹងស្អាត ដោយមិនប្រើសាប៊ូកក់សក់នោះទេ។ វិធីបែបនេះ នឹងជួយ<br />ឱ្យស្បែកក្បាលរបស់អ្នក ចាប់ផ្តើមផលិតនូវប្រេងធម្មជាតិ ដែលមិនធ្វើឱ្យស្បែកក្បាលស្ងួត។<br /><strong>សូមបញ្ជាក់ថា៖</strong> ម្ស៉ៅ Baking Soda អាចរកទិញបាននៅតាមផ្សារទំនើប។</p>
<p><strong>៣/ ក្រូចឆ្មារ៖ </strong>មានផ្ទុកនូវសារធាតុអាស៊ីត ដែលព្យាបាលនូវជំងឺអង្គែស្បែកក្បាល និងរមាស់<br />ស្បែកក្បាល។ វិធីព្យាបាល ប្រើទឹកក្រូចឆ្មារសុទ្ធ យកមកម៉ាស្សា លើស្បែកក្បាល របស់អ្នក<br />ទុករយៈពេល ២ ទៅ ៣នាទី បន្ទាប់មក លាងសំអាតសក់ និង ស្បែកក្បាលរបស់អ្នក ជាមួយ<br />នឹងសាប៊ូកក់សក់ ជាការស្រេច។ ធ្វើបែប ជារៀងរាល់ថ្ងៃ រហូតដល់ បាត់អង្គែ នៅលើស្បែក<br />ក្បាលរបស់អ្នក។</p>
<p>វិធីមួយទៀត អ្នកលាយទឹកក្រូចឆ្មារ ១ស្លាបព្រាបាយ ជាមួយនឹងប្រេងដូង ៥ស្លាបព្រាបាយ<br />កូរចូលគ្នាឱ្យសព្វ រួចលាបនៅលើសក់ និង ស្បែកក្បាលរបស់អ្នក បន្ទាប់មក យកក្រណាត់<br />ឬ កូនកន្សែង រុំជុំវិញ សក់របស់អ្នក ទុកមួយយប់ រួចលាងសំអាតសក់ និង ក្បាលរបស់អ្នក<br />ចេញនៅពេលព្រឹក។</p>
<p><strong>៤/ ប្រទាលកន្ទុយក្រពើ៖ </strong>ជាឱសថដ៏ស័ក្តិសិទ្ធិសំរាប់ផ្សះមុខរបួស ប្រឆាំងនឹងមេរោគ និង<br />ប្រឆាំងនឹងការដុះផ្សិត(ទុកយូរពេកឡើងដុះផ្សិត ឧទាហរណ៍៖ សក់ទុកឱ្យសើម យូរពេកនឹង<br />ដុះផ្សិត ដែលបណ្តាលឱ្យកើតមានអង្គែ)។ ជាពិសេស ប្រទាលកន្ទុយក្រពើ អាចជួយកំចាត់<br />ស្បែកក្បាលមានអង្គែបានយ៉ាងឆាប់រហ័ស។ វិធីព្យបាល៖ យកទឹកប្រទាលកន្ទុយក្រពើសុទ្ធ<br />ឬ ទឹករំអិលប្រទាលកន្ទុយក្រពើ លាបនៅលើស្បែកក្បាលរបស់អ្នក ទុករយៈពេល ២ ទៅ៣<br />នាទី មុនអ្នកងូតទឹក។ បន្ទាប់មក លាងសំអាតសក់ របស់អ្នក ជាមួយនឹង ប្រភេទសាប៊ូ មិន<br />សូវក្រហាយខ្លាំង (ប្រភេទសាប៊ូ ដែលកក់សក់ទៅ ធ្វើឱ្យស្បែកក្បាល របស់អ្នកក្រហាយ)។<br />ធ្វើបែបនេះ ពីរដង ក្នុង មួយសប្តាហ៍ រហូតដល់ ស្បែកក្បាលរបស់អ្នកបាត់អង្គែ៕</p>
<p style="text-align: right;">ប្រែសម្រួលដោយ៖ វណ្ណៈ<br />ប្រភព៖ rd</p>