<p><span style="color: #000000;"><strong>(ឥណ្ឌូណេស៊ី)៖</strong> តំបន់អាស៊ីអាគ្នេយ៍ អាចនឹងក្លាយជាមូលដ្ឋាន របស់ក្រុម ISIS នៅពេលអនាគតនៅក្នុងករណី ពួកគេបាត់បង់មូលដ្ឋាន នៅក្នុងប្រទេសស៊ីរី និងអ៉ីរ៉ាក់។ នេះបើតាមរបាយការណ៍របស់ Institute of Policy Analysis of Conflict ឬហៅកាត់ថា IPAC ដែលចេញផ្សាយ ដោយសារព័ត៌មានរុស្ស៊ី Sputnik នៅព្រឹកថ្ងៃ ព្រហស្បតិ៍ ទី២៦ ខែតុលា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/10/27/15b-27-10-2016--13-34-07.jpg"><img src="/FileManager/Articles/mce/2016/10/27/15b-27-10-2016--13-34-07.jpg" alt="" /></a><br /></span></p>
<p><span style="color: #000000;">យោងតាមរបាយការណ៍ មានចំណងជើងថា IPAC Report ៣៣ នៃវិទ្យាស្ថាន IPAC មានមូលដ្ឋាននៅក្នុងទីក្រុងហ្សាការតា ប្រទេសឥណ្ឌូណេស៊ី ហ្វីលីពីន និងតំបន់ក្បែរខាងជាច្រើន អាចនឹងប្រឈមមុខនឹងការបង្កើត នឹងគោលដីថ្មីរបស់ ISIS ត្បិតគេធ្លាប់បានដឹងហើយថា តំបន់ភាគខាងត្បូងហ្វីលីពីន គឺជាជម្រករបស់ពួក ឧទ្ទាម Abou Sayyaf ដែលបានស្បថដើរតាមមាគ៌ាពួក ISIS កាលពីឆ្នាំ២០១៤ ដូច្នេះចង់ ឬមិនចង់វាបាន ក្លាយជាមូលដ្ឋានអ្នកគំាទ្រ ISIS នៅក្នុងប្រទេសហ្វីលីពីន រួចស្រេចទៅហើយ។</span></p>
<p><span style="color: #000000;">ជាងនេះទៅទៀតក្រុមភេរវករ នៅភាគខាងត្បូងហ្វីលីពីន បានផ្សារភ្ជាប់ទំនាក់ទំនង យ៉ាងជិតស្និទ្ធជាមួយនឹង ពួកភេរវករនៅម៉ាឡេស៊ី និងឥណ្ឌូណេស៊ី ឬនៅភាគខាងត្បូង ប្រទេសថៃ ក្នុងបរិបទដែលពួក ISIS នៅស៊ីរី និងអ៉ីរ៉ាក់ កំពុងបាត់បង់មូលដ្ឋានជាបន្តបន្ទាប់។ បន្ថែមពីនេះភេរវករ នៅក្នុងតំបន់អាស៊ីអាគ្នេយ៍ ពិបាកចូលទៅ កាន់តំបន់មជ្ឈិមបូព៌ាដោយសារ ប្រតិបត្តិការប្រយុទ្ធប្រឆំាងនឹងភេរវកម្ម មានសភាពខ្លាំងក្លាដូច្នេះពួកគេ អាចនឹងស្វែងរកការបង្កើតមូលដ្ឋានថ្មី មួយនៅក្នុងតំបន់តែម្ដង។</span></p>
<p><span style="color: #000000;">គួរបញ្ជាក់ថា បើតាមរបាយការណ៍ខាងលើដដែល ឥណ្ឌូណេស៊ី និងម៉ាឡេស៊ី អាចនឹងប្រឈមុខខ្លំាងជាងគេ ចំពោះការគំរាមកំហែងពីសំណាក់ពួកភេរវករ នៅតំបន់អាស៊ីអាគ្នេយ៍៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/27/15c-27-10-2016--13-34-36.jpg"><img src="/FileManager/Articles/mce/2016/10/27/15c-27-10-2016--13-34-36.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រភព ៖ Sputnik </span></p>
<p><span><br /></span></p>