<p><span style="color: #000000;"><strong>(មេនឆេស្ទើ)៖</strong> ក្លឹបបិសាចក្រហម Manchester United របស់អង់គ្លេសសម្រេចទិញបានកីឡាករខ្សែបម្រើជនជាតិបារាំង Paul Pogba ពីក្លឹបសេះបង្កង់ Juventus របស់អ៊ីតាលីក្នុងតម្លៃបំបែកកំណត់ត្រាថ្មី ១០០លានផោន។</span></p>
<p><span style="color: #000000;">សារព័ត៌មាន Dialymail បានផ្សាយឲ្យដឹងនៅព្រឹកថ្ងៃទី០៤ ខែសីហា ឆ្នាំ២០១៦ នេះថា ក្លឹបជើងខ្លាំងនៅក្របខណ្ឌកំពូល Premier League បានសម្រេចនៅយកអតីតកីឡាករដែលបានចាកចេញពីទឹកដី Old Trafford ក្នុងឆ្នាំ២០១២ ត្រឡប់មកវិញហើយ ហើយក៏ជាតម្លៃខ្លួនថ្លៃបំផុតផងដែរ ក្នុងកំណត់ត្រាទិញ-ដូរកីឡាករប្រចាំឆ្នាំ២០១៦នេះ ក្រោយពេលខ្សែប្រយុទ្ធជនជាតិអាហ្សង់ទីន Gonzalo Higuain បានផ្លាស់ចេញពីក្លឹប Napoli ទៅលេងឲ្យក្លឹប Juventus វិញនោះ។</span></p>
<p><span style="color: #000000;">គ្រូបង្វឹកថ្មីក្នុងក្លឹប Man Utd លោក Jose Mourinho បានបញ្ជាក់ថា <strong>«យើងនឹងចុះកិច្ចសន្យាជាមួយកីឡាថ្មីមួយទៀត មុនរដូវកាលថ្មីចាប់ផ្តើមថ្ងៃទី១៣ សីហាខាងមុខ ដែលនឹងត្រូវជួបក្រុម AFC Bouremouth នៅថ្ងៃបើកឆាក Premier League»</strong>។</span></p>
<p><span style="color: #000000;">សូមបញ្ជាក់ផងដែរថា កីឡាករខ្សែបម្រើ វ័យ២២ឆ្នាំ Paul Pogba មិនបានរួមដំណើរទៅប្រកួតលក្ខណៈមិត្តភាពបែប ទេសចរណ៍នៅប្រទេសអូស្រ្តាលីឡើយ ដោយគេយកពេលទៅលំហែកាយនៅសហរដ្ឋអាមេរិក ក្រោយពេលចប់បេសកកម្ម ជួយក្រុមជម្រើសជាតិមាន់គកបារាំង ក្នុងយុទ្ធនាការ Euro 2016 ដោយបានត្រឹមតែលេខ២ បន្ទាប់ពីព័រទុយហ្គាល់ ១-០ នៅវគ្គផ្តាច់ព្រ័ត្រនោះ៕</span></p>
<p><span style="color: #000000;"><img src="http://i.dailymail.co.uk/i/pix/2016/08/03/20/36C7228700000578-3722310-image-a-21_1470251956242.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/08/02/11/36B8A95600000578-3719658-Pogba_has_been_touring_America_after_losing_the_European_Champio-a-64_1470133801914.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/08/03/20/36D8824200000578-3722310-image-a-22_1470251995918.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>