<p><span style="color: #000000;"><strong>(ភ្នំពេញ)៖</strong> អស់រយៈពេលជិត៩ខែមកហើយ ដែលគម្រោងសាងសង់អគារភ្លោះ កម្ពស់ជាង៥០០ម៉ែត្រ ត្រូវបានប្រកាសឡើង ប៉ុន្តែរហូតមកដល់ពេលនេះគម្រោងនេះ ហាក់បីដូចជាគ្មានការវិវត្តន៍ទៅមុខឡើយ ពោលគឺកន្លែងដែលត្រូវសាងសង់អគារកម្ពស់ជាង១៣០ជាន់ នៅលើដីអតីតសួនកម្សាន្ត ឌ្រឹមលែននៅដដែល មិនឃើញមាន ការសាងសង់អ្វីនោះទេ បើទោះបីជាក្រុមហ៊ុនអះអាងថា នឹងត្រូវសាងសង់នៅចុងឆ្នាំ២០១៦ យ៉ាងណាក្តី។</span></p>
<p><span style="color: #000000;">ប្រជាពលរដ្ឋនៅទីក្រុងភ្នំពេញ និងតាមបណ្តាខេត្តនានា មានសេចក្តីត្រេកអរយ៉ាងខ្លាំងថា បានមើលឃើញនូវអគារភ្លោះខ្ពស់ជាងគេបំផុត នៅរាជធានីភ្នំពេញ ឬអាចនិយាយបានថា ជាអគារដែលខ្ពស់ជាងគេ នៅតំបន់អាស៊ីអាគ្នេយ៍ បន្ទាប់ពីក្រុមហ៊ុន ថៃ ប៊ុនរ៉ុង របស់កម្ពុជា វិនិយោគរួមគ្នាជាមួយ ក្រុមហ៊ុន៣ផ្សេងទៀតរបស់ចិន ប្រកាសពីវិនិយោគ ទឹកប្រាក់ប្រមាណ៣ពាន់លានដុល្លារអាមេរិក សាងសង់អគារកម្ពស់៥០០ម៉ែត្រ ស្មើនឹង១៣៣ជាន់។ ប៉ុន្តែរហូតមកដល់ពេលនេះ ក្តីសង្ឃឹមរបស់ប្រជាពលរដ្ឋ ហាក់ដូចជានៅឆ្ងាយ ព្រោះថាចុងឆ្នាំ២០១៦ទៅហើយ ការសាងសង់នៅមិនទាន់ចាប់ផ្តើម បង្ហាញរូបរាងនៅឡើយទេ។</span></p>
<p><span style="color: #000000;">នៅចាំបានថា ក្រុមហ៊ុន ថៃ ប៊ុនរ៉ុង របស់កម្ពុជា បានចុះកិច្ចព្រមព្រៀងរួមគ្នាជាមួយក្រុមហ៊ុនចិន ស្តីពីអភិវឌ្ឍន៍គម្រោងអគារភ្លោះ៥០០ម៉ែត្រនេះ កាលពីថ្ងៃទី១០ ខែមិនា ឆ្នាំ២០១៦ ក្រោមការចូលរួមរបស់លោក ប៉ា សុជាតិវង្ស អភិបាលរាជធានីភ្នំពេញ និងមានការចូលរួមពីមន្ត្រីជាន់ខ្ពស់ជាច្រើនរូបទៀត ដើម្បីស្វាគមន៍ គម្រោងដ៏អស្ចារ្យមិនធ្លាប់មាននៅកម្ពុជា ដែលសាងសង់លើផ្ទៃដីជិត ៥ហិកតា ស្ថិននៅអតីតសួនកម្សាន្ត ឌ្រឹមលែន។</span></p>
<p><span style="color: #000000;">ពាក់ព័ន្ធនឹងការនៅទ្រឹង របស់គម្រោងអគារភ្លោះ កម្ពស់៥០០ម៉ែត្រនេះ អ្នកនាំពាក្យក្រសួងដែនដី នគររូបនីកម្ម និងសំណង់ លោក សេង ឡូត បានប្រាប់អង្គភាព Fresh News នៅរសៀលថ្ងៃទី២៤ ខែវិច្ឆិកា ឆ្នាំ២០១៦ថា លោកសូមមិនអត្ថាធិប្បាយអ្វីឡើយ ដោយលោកអះអាងថា មិនមានព័ត៌មានលំអិតអ្វីថ្មី ពាក់ព័ន្ធនឹងគម្រោងមួយនេះ។</span></p>
<p><span style="color: #000000;">យ៉ាងណាក៏ដោយពាក់ព័ន្ធ គម្រោងសាងសង់នៅទ្រឹងនេះ អង្គភាព Fresh News មិនអាចទំនាក់ទំនងតំណាងក្រុមហ៊ុន ថៃ ប៊ុនរ៉ុង ដើម្បីបញ្ជាក់បន្ថែមនៅឡើយនោះទេ នៅរសៀលថ្ងៃទី៣០ ខែវិច្ឆិកា ឆ្នាំ២០១៦។</span></p>
<p><span style="color: #000000;">សូមជម្រាបថាអគារភ្លោះកម្ពស់១៣៣ជាន់ ស្មើនឹង៥០០ម៉ែត្រ ដែលជាគម្រោងដ៏សម្បើមមួយនៅកម្ពុជា ត្រូវបានក្រុមហ៊ុនអះអាងថា នៅចុងឆ្នាំ២០១៦ បញ្ចប់នៅឆ្នាំ២០១៩៕</span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-57-29-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-57-39-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-57-39-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-57-40-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-57-51-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-57-52-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-58-00-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-58-22-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-58-22-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-30-16-58-22-2.jpg" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
<div class="detail_bottom_function">
<div class="facebook_like"></div>
</div>